ວິທີຫ້າມໃຈ ບໍ່ໃຫ້ນອກໃຈຄົນຮັກ

- advert banner 728 90 728x90 - ວິທີຫ້າມໃຈ ບໍ່ໃຫ້ນອກໃຈຄົນຮັກ

  ຖ້າໃຜເຜີໄປຕົກຂຸມຮັກຄົນທີ່ບໍ່ແມ່ນຄູ່ຂອງຕົນເອງ ຫລັງຈາກມີແຟນ ຫລື ແຕ່ງດອງແລ້ວ ຄົງບໍ່ແມ່ນເລື່ອງດີແນ່ນອນ ມາລອງເບິ່ງວິທີຫັກຫ້າມໃຈ ບໍ່ໃຫ້ນອກໃຈຄົນຮັກແບບຮີບດ່ວນຕໍ່ໄປນີ້ກັນເລີຍ.

- new3 - ວິທີຫ້າມໃຈ ບໍ່ໃຫ້ນອກໃຈຄົນຮັກ
- traicao - ວິທີຫ້າມໃຈ ບໍ່ໃຫ້ນອກໃຈຄົນຮັກ

     1. ຈື່ໃຫ້ຂຶ້ນໃຈວ່າ ການມີຊູ້ ແມ່ນການເປີດປະຕູນະຮົກຍັງບໍ່ຕ້ອງນຶກເຖິງນະຮົກແບບທີ່ມີຕົ້ນງິ້ວໜາມ ເພາະພຽງແຕ່ນະຮົກໃນໃນກໍຮ້ອນຫລາຍເກີນອົດທົນ ການໄປພົວພັນກັບຄົນມີເຈົ້າຂອງ, ມີພັນທະ ໂດຍສະເພາະຄົນທີ່ແຕ່ງດອງແລ້ວ ທັງຜູ້ທີ່ມີຊູ້ ຫລື ເປັນຊູ້ ຕ້ອງໃຊ້ຊີວິດຢ່າງຫລົບໆລີ້ໆ ຈະໄປໃສ ຫລື ເຮັດຫຍັງ ໃຈຄໍລະແວງວ່າຈະມີຄົນມາເຫັນ, ບໍ່ມີຄວາມສຸກ ຫາກມີຄົນຮູ້ກໍຈະຖືກຕິສິນນິນທາໃຫ້ເສຍຊື່ສຽງ ທັງຂອງໂຕເອງ ແລະ ວົງຕະກູນ, ເສຍປະຫວັດການເຮັດວຽກ ແລະ ເສຍສັກສີອັນເປັນສິ່ງທີ່ກູ້ກັບຄືນມາໄດ້ຍາກທີ່ສຸດ. ຫາກເປັນຊູ້ກັບຄົນທີ່ມີຄອບຄົວແລ້ວ ເມື່ອຄູ່ຄອງຂອງເຂົາ ຫລື ນາງຮູ້ ກໍຈະເປັນການທຳຮ້າຍຈິດໃຈຂອງຄົນຜູ້ນັ້ນ ຍິ່ງຖ້າຄອບຄົວນັ້ນມີລູກແລ້ວຍັງຕ້ອງຢ່າຮ້າງ ຄົນທີ່ເປັນຊູ້ກໍຈະມີບາບມີກຳພາກພໍ່ແມ່ລູກອອກຈາກກັນ ຖືເປັນ ການສ້າງບາບເວນທີ່ຈະຕິດໂຕໄປເຖິງຊາດໜ້າ. ນອກຈາກນີ້, ຄວາມຮັກທີ່ໄດ້ມາໂດຍການຍາດແຍ່ງມັກໜີບໍ່ພົ້ນທີ່ຈະຖືກຍາດແຍ່ງໄປຄືກັນ.

- 031305 2019 - ວິທີຫ້າມໃຈ ບໍ່ໃຫ້ນອກໃຈຄົນຮັກ

     2. ໃນເມື່ອຕົກຂຸມຮັກໄປແລ້ວກໍຕ້ອງຫາທາງປີນຂຶ້ນຈາກຂຸມຢ່າງຖືກວິທີ :

     – ເປັນຊູ້ຍ້ອນເສບຕິດເພດສຳພັນ ຈົ່ງໄປບຳບັດຢູ່ໂຮງໝໍ ເຊື່ອວ່າທ່ານໝໍບໍ່ຄິດວ່າພະຍາດນີ້ເປັນພະຍາດທີ່ໜ້າລັງກຽດ  ແລະ ສາມາດຊ່ວຍທ່ານໄດ້.

– ເປັນຊູ້ ຍ້ອນຢາກປະຊົດຄູ່ຄອງ ຈົ່ງຄິດພິຈາລະນາໃຫ້ຖືກຕ້ອງວ່າການເຮັດແບບນີ້ມີແຕ່ຈະເຮັດໃຫ້ຊີວິດຕົກຕໍ່າ ແລະ ຕ້ອງປະສົບແຕ່ສິ່ງຊົ່ວຮ້າຍຫລາຍຍິ່ງຂຶ້ນ.

- lattana 1 - ວິທີຫ້າມໃຈ ບໍ່ໃຫ້ນອກໃຈຄົນຮັກ

     – ເປັນຊູ້ຍ້ອນຍຶດຕິດ ຄົນບາງຄົນບອກວ່າ ຄົນທີ່ຄົບຢູ່ຈະເປັນໃຜບໍ່ສຳຄັນ ແຕ່ເຮັດໃຫ້ເຮົາຮູ້ສຶກວ່າເປັນຄົນເຕັມຄົນ ຫລື ບໍ່ເຄີຍມີຄວາມສຸກຂະໜາດນີ້ຈົນກະທັ້ງໄດ້ພົບຊູ້ ຫລື ກິ໋ກ ກໍຈົ່ງຄິດພິຈາລະນາໃຫ້ຖືກຕ້ອງສາໃໝ່ ຄົນເຮົາຈະມີຄວາມສຸກ ຫລື ທຸກ ຂຶ້ນຢູ່ກັບໂຕເອງເປັນສຳຄັນ ບໍ່ແມ່ນຄົນອື່ນ.

– ເປັນຊູ້ຍ້ອນຢາກໄດ້ເງິນ (ຂອງເຂົາ) ຈົ່ງຫລຸດມາດຕະຖານຊີວິດ ຢ່າໃຊ້ເງິນເກີນຈາກທີ່ຫາໄດ້ ເພາະການໃຊ້ຊີວິດຢູ່ນຳເງິນບາບ ຈະເຮັດໃຫ້ທ່ານລົ້ມລະລາຍໃນອະນາຄົດ.

     3. ໃຜກໍໄດ້ຊ່ວຍແດ່ : ຫາກທ່ານຮູ້ສຶກຕົກຂຸມຮັກຄົນທີ່ບໍ່ຄວນຮັກແບບຫົວປັກຫົວປຳ ແລະ ຄິດວ່າບໍ່ອາດໃຊ້ສະຕິໂຕເອງເຕືອນໂຕເອງໄດ້ ກໍຈົ່ງຫາໂຕຊ່ວຍອື່ນໆ ເຊັ່ນ : ເຂົ້າວັດສົນທະນາກັບພະ, ສວດມົນ, ນັ່ງສະມາທິ ຫລື ບອກໝູ່ສະໜິດ ແລະ ຄົນໃນຄອບຄົວໃຫ້ໝັ່ນຊ່ວຍຫ້າມ, ເຕືອນສະຕິໄວ້, ຢ່າໃຫ້ຫລົງຜິດໄປໄກຈົນຖອຍຫລັງກັບບໍ່ໄດ້.

     ການຕົກຂຸມຮັກມີທັງປະໂຫຍດ ແລະ ໂທດ ຂຶ້ນຢູ່ກັບວ່າທ່ານຕົກຂຸມຮັກໃຜ ແລະ ເມື່ອໃດ ຖ້າຖືກຄົນ, ຖືກກາລະເວລາ ຊີວິດກໍຈະເຕັມໄປດ້ວຍຄວາມສຸກ,​ ແຕ່ຖ້າຜິດຄົນ ຜິດກາລະເວລາ ຜິດສະຖານະພາບ ກໍຖືວ່າບໍ່ຖືກຕ້ອງແລ້ວ.

error: Content is protected !!