ຢ່າຄິດເອົາແຕ່ “ມື້ໜຶ່ງຍາມດຽວ”

- advert banner 728 90 728x90 - ຢ່າຄິດເອົາແຕ່ “ມື້ໜຶ່ງຍາມດຽວ”

ສະບາຍດີເພື່ອນຜູ້ອ່ານ ທີ່ຮັກແພງ, ເມື່ອບໍ່ດົນມານີ້ ຜູ້ ຂຽນໄດ້ອ່ານຂ່າວໃນໜັງສື ພີມພາສາຕ່າງປະເທດ (ວຽງ ຈັນທາຍ) ທີ່ລາຍງານວ່າ:  ປັດຈຸບັນ, ຕົວເລກນັກທ່ອງທ່ຽວເຂົ້າມາປະເທດເຮົາໄດ້ ຫລຸດລົງຫລາຍ, ໂດຍສະ ເພາະແມ່ນນັກທ່ອງທ່ຽວ ຈາກເຂດເອີຣົບ, ສ.ເກົາຫລີ ແລະ ຍີປຸ່ນຄື: ໃນໄລຍະ 3 ເດືອນຕົ້ນປີນີ້ກົມພັດທະນາ ການທ່ອງທ່ຽວກະຊວງຖະ ແຫລ່ງຂ່າວ, ວັດທະນະທໍາ ແລະ ທ່ອງທ່ຽວໃຫ້ຮູ້ວ່າ ມີ ນັກທ່ອງທ່ຽວເຂົ້າມາປະເທດ ເຮົາປະມານ 1 ລ້ານກວ່າຄົນ ເທົ່ານັ້ນ, ເຊິ່ງທຽບກັບໄລຍະ ດຽວກັນຂອງປີຜ່ານມາແມ່ນຫລຸດລົງຫລາຍສົມຄວນ. ຍ້ອນຫຍັງ ໃນຂະນະທີ່ພາກ ລັດໄດ້ມີຄວາມພະຍາຍາມ ໂຄສະນາ, ສ້າງສິ່ງອໍານວຍ ຄວາມສະດວກຫລາຍດ້ານ ໃຫ້ດີຂຶ້ນເພື່ອສາມາດດຶງດູດ ນັກທ່ອງທ່ຽວເຂົ້າມາໃຫ້ ຫລາຍຂຶ້ນຕໍ່ບັນຫານີ້ມັນກໍ ມີຫລາຍສາເຫດທັງສາເຫດ ນອກຕົວ ແລະ ໃນຕົວຂອງ ມັນ, ເຊິ່ງບັນຫານອກຕົວກໍ ອາດເປັນຍ້ອນສະພາບເສດ ຖະກິດຢູ່ບັນດາປະເທດຕ່າງໆ ໃນພາກພື້ນ ແລະ ໃນໂລກປະ ສົບຫຍຸ້ງຍາກຫລາຍຄົນຕ້ອງ ມີການປະຢັດມັດທະຢັດໃນ ການໃຊ້ຈ່າຍ. ອັນສອງມາ ກໍອາດເປັນຍ້ອນສະພາບດິນຟ້າອາກາດຂອງໂລກມີການປ່ຽນແປງ, ໂດຍສະເພາະ ແມ່ນບັນຫາມົນລະຜິດ ຫລື ການແຜ່ລະບາດຂອງພະ ຍາດຕ່າງໆ. ສ່ວນສາເຫດໃນ ຕົວກໍອາດແມ່ນຍ້ອນການ ບໍລິການຂອງຜູ້ປະກອບການຕ່າງໆບໍ່ຄ່ອຍດີປານໃດ, ຍັງ ມີລັກສະນະສວຍໂອກາດ ເອົາປຽບນັກທ່ອງທ່ຽວ ນັບ ແຕ່ການບໍລິການຂອງລົດ  ຕຸກໆ-ຈໍາໂບ້, ຄ່າອາຫານ ການກິນ, ທີ່ພັກແຮມ, ຄ່າທໍາ ນຽມເຂົ້າຊົມແຫລ່ງທ່ອງ ທ່ຽວຕ່າງໆ ແລະ ຄ່າບໍລິການ ອື່ນໆ ແມ່ນອ່າວສູງຫລາຍ ແລະ ບາງບ່ອນມີລັກສະນະ ເກັບແບບຊໍ້າຊ້ອນສວຍໂອ ກາດເອົາຫລາຍບາດດຽວ, ຈຶ່ງເຮັດໃຫ້ນັກທ່ອງທ່ຽວ ເຫລົ່ານັ້ນເກີດຄວາມບໍ່ພໍໃຈ ຕໍ່ກັບການເຫັນແກ່ດັ່ງກ່າວ ຂອງຜູ້ປະກອບການຈໍານວນ ໜຶ່ງຢ່າງຂາດການຄວບຄຸມ, ດັ່ງໃນໄລຍະບຸນ ປີໃໝ່ລາວ ຜ່ານມານີ້ສະເພາະຢູ່ກະໂຕ ເມືອງວັງວຽງ ອັນເປັນບ່ອນ ດຶງດູດການທ່ອງທ່ຽວຂອງລາວເຮົານັ້ນ ພັດມີການສວຍ ໂອກາດຂຶ້ນລາຄາອາຫານ ເຄື່ອງດື່ມ ແລະ ຄ່າບໍລິການ ອື່ນໆໂດຍລໍາພັງ, ມີຫລາຍ ຄົນນັກທ່ອງທ່ຽວພາຍໃນ ເຮົາຈົ່ມວ່າທຸກອັນມີການຂຶ້ນລາຄາໄປໝົດເປັນຫລາຍ  ເທົ່າໃນເບື້ອງຕົ້ນຈະຢູ່ທ່ຽວ ເມືອງນີ້ 3-4 ມື້ ແຕ່ເມື່ອເຫັນ ແນວນັ້ນກໍຕ້ອງໄດ້ກັບຄືນ ວຽງຈັນໂດຍໄວ. ຕໍ່ສະພາບ ດັ່ງກ່າວ ຖ້າເບື້ອງລັດເຮົາບໍ່ມີ ມາດຕະການແກ້ໄຂຮີບດ່ວນແລ້ວ ກໍຈະເຮັດໃຫ້ປະເທດ ເຮົາຢໍ້າແຍ້ລົງກໍເປັນໄດ້ ແລະ ອີກບັນຫາໜຶ່ງທີ່ເປັນສິ່ງທ້າ ທາຍຂອງການທ່ອງທ່ຽວ ໃນປັດຈຸບັນນີ້ແມ່ນຄວາມ   ສະອາດຈົບງາມ, ນັບທັງອາ ຫານການກິນໄປເຖິງບ່ອນ ພັກອາໄສ, ຫ້ອງນໍ້າສາທາ ລະນະລວມເຖິງແຫລ່ງທ່ອງ ທ່ຽວຕ່າງໆ ເຊິ່ງແມ່ນປັດໄຈ ສໍາຄັນຍິ່ງທີ່ພວກເຮົາຕ້ອງ ໄດ້ເລັ່ງແກ້ໄຂ ແລະ ການ ສ້າງຄວາມປອດໄພໃຫ້ແກ່ ນັກທ່ອງທ່ຽວ ກໍຕ້ອງມີ ມາດຕະຖານທີ່ດີທີ່ສຸດເພື່ອ ສ້າງຄວາມເຊື້ອໝັ້ນ ແລະ ຄວມປະທັບໃຈຂອງຜູ້ມາ ທ່ຽວຊົມ.  

- new3 - ຢ່າຄິດເອົາແຕ່ “ມື້ໜຶ່ງຍາມດຽວ”

- lattana 1 - ຢ່າຄິດເອົາແຕ່ “ມື້ໜຶ່ງຍາມດຽວ”
- 22587 - ຢ່າຄິດເອົາແຕ່ “ມື້ໜຶ່ງຍາມດຽວ”
(ພາບປະກອບ)
error: Content is protected !!