ຕໍາຫລວດນະຄອນຫລວງສາມາດຈັບເຄືອຂ່າຍຄ້າຢາເສບຕິດລາຍໃຫຍ່ພ້ອມຂອງກາງເຮໂຣອິນ 15 ກິໂລ

- hero in - ຕໍາຫລວດນະຄອນຫລວງສາມາດຈັບເຄືອຂ່າຍຄ້າຢາເສບຕິດລາຍໃຫຍ່ພ້ອມຂອງກາງເຮໂຣອິນ 15 ກິໂລ
- AGL banner - ຕໍາຫລວດນະຄອນຫລວງສາມາດຈັບເຄືອຂ່າຍຄ້າຢາເສບຕິດລາຍໃຫຍ່ພ້ອມຂອງກາງເຮໂຣອິນ 15 ກິໂລ

ກົມຕໍາຫລວດສະກັດກັ້ນ ແລະ ຕ້ານຢາເສບຕິດ ລາຍງານໃຫ້ຮູ້ວ່າ: ເມື່ອວັນທີ 10 ພຶດສະພາຜ່ານມານີ້, ກໍາລັງເຈົ້າໜ້າທີ່ຂອງຕົນສາມາດຈັບເຄືອຂ່າຍຂະບວນຄ້າຢາເສບຕິດລາຍໃຫຍ່ຢູ່ເຮືອນເຊົ່າຫລັງໜຶ່ງເຂດບ້ານໜອງຍາວ,ເມືອງໄຊທານີນະຄອນຫລວງວຽງຈັນ ຄື: ທ້າວ ມິດ ອາຍຸ 45 ປີ, ທ້າວ ທອງພຸດ ອາຍຸ 20 ປີທັງສອງຢູ່ບ້ານໃໝ່ພູຄໍາ, ເມືອງຫ້ວຍຊາຍແຂວງບໍ່ແກ້ວ, ທ້າວ ຢຽນຈຽນ ອາຍຸ 38 ປີສັນຊາດຈີນ ຢູ່ບ້ານ ແລະ ເມືອງຊື້ເໝົາ ແລະ ທ້າວ ອາໜິ ອາຍຸ 30 ປີສັນຊາດຈີນ ຢູ່ບ້ານມູລິງ, ເມືອງຟູເອີແຂວງຢູນານ, ພ້ອມຂອງກາງຢາເສບຕິດປະເພດເຮໂຣອິນຈໍານວນ 40 ແທ່ງ ລວມມີນໍ້າໜັກ 15 ກິໂລ, ພ້ອມດ້ວຍໂທລະສັບມືຖື 4 ໜ່ວຍ, ລົດໃຫຍ່ 1 ຄັນ ແລະ ເງິນສົດຈໍານວນໜຶ່ງ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

  ຜ່ານການສືບສວນ-ສອບສວນໃນເບື້ອງຕົ້ນຂອງເຈົ້າໜ້າທີ່ພວກເຂົາໄດ້ຮັບສາລະພາບວ່າ: ຢາເສບຕິດດັ່ງກ່າວແມ່ນເປັນຂອງພວກເຂົາແທ້, ເຊິ່ງເອົາມາຈາກເຄືອຂ່າຍຄ້າຢາເສບຕິດດຽວກັນເພື່ອມາສົ່ງໃຫ້ຜູ້ສັ່ງຊື້ຢູ່ນະຄອນຫລວງວຽງຈັນ ແຕ່ຖືກເຈົ້າໜ້າທີ່ຈັບຕົວກ່ອນ ແລະ ຄະດີຢາເສບຕິດລາຍນີ້, ເຈົ້າໜ້າທີ່ພວມຂະຫຍາຍຜົນຫາຜູ້ຮ່ວມຂະບວນການເພື່ອນໍາຕົວມາດໍາເນີນຄະດີຕາມລະບຽບກົດໝາຍໂດຍໄວ.

- Wave100S AD to Website 2020 0 - ຕໍາຫລວດນະຄອນຫລວງສາມາດຈັບເຄືອຂ່າຍຄ້າຢາເສບຕິດລາຍໃຫຍ່ພ້ອມຂອງກາງເຮໂຣອິນ 15 ກິໂລ
- lattana 1 - ຕໍາຫລວດນະຄອນຫລວງສາມາດຈັບເຄືອຂ່າຍຄ້າຢາເສບຕິດລາຍໃຫຍ່ພ້ອມຂອງກາງເຮໂຣອິນ 15 ກິໂລ
error: Alert: Content is protected !!