ບໍລິສັດກາດເກ້ລາວເຊກອງສາມາດສົ່ງອອກກາເຟໄດ້ຫລາຍກວ່າ 1.000 ໂຕນເປັນປີທໍາອິດ

- advert banner 728 90 728x90 - ບໍລິສັດກາດເກ້ລາວເຊກອງສາມາດສົ່ງອອກກາເຟໄດ້ຫລາຍກວ່າ 1.000 ໂຕນເປັນປີທໍາອິດ

ບໍລິສັດກາດເກ້ລາວເຊກອງ ຈໍາກັດຜູ້ດຽວ ເປັນໂຄງການລົງທຶນຕ່າງປະເທດ 100% ເພື່ອແນໃສ່ພັດທະນາຂົງເຂດກະສິກໍາເປັນຕົ້ນຕໍມາແຕ່ປີ 2017 ໂດຍສະເພາະແມ່ນກາເຟ, ມີສໍານັກງານ ແລະ ພື້ນທີ່ໂຄງການແມ່ນຕັ້ງຢູ່ບ້ານກົງຕາຢູ່ເມືອງທ່າແຕງແຂວງເຊກອງ, ມີເນື້ອທີ່ໄດ້ຮັບການສໍາປະທານທັງໝົດ 140 ເຮັກຕາ, ໃນນັ້ນ ມີເນື້ອທີ່ສວນກາເຟ 138 ເຮັກຕາ ແລະ ເນື້ອທີ່ຈັດສັນເຮັດໂຮງງານປຸງແຕ່ງກາເຟ 2 ເຮັກຕາ.

- lattana 1 - ບໍລິສັດກາດເກ້ລາວເຊກອງສາມາດສົ່ງອອກກາເຟໄດ້ຫລາຍກວ່າ 1.000 ໂຕນເປັນປີທໍາອິດ

ວິຊາການຝ່າຍເຕັກນິກສວນກາເຟ ໃຫ້ຮູ້ວ່າ: ພາຍຫລັງທີ່ບໍລິສັດໄດ້ລົງມມືກໍ່ສ້າງໂຮງງານປຸງແຕ່ງກາເຟເຄິ່ງສໍາເລັດຮູບເພື່ອສົ່ງອອກ ແລະ ມາຮອດປີ 2018-2019 ບໍລິສັດສືບຕໍ່ທໍາການຜະລິດໂດຍຮັບຊື້ກາເຟດິບຈາກປະຊາຊົນຊາວສວນກາເຟເພື່ອນໍາມາຜະລິດ ແລະ ສົ່ງອອກ.

ສະເພາະສວນກາເຟຂອງບໍລິສັດ ເຊິ່ງໃນປີ 2018 ຜ່ານມາສາມາດກ່ຽວກັບຜົນຜະລິດໄດ້ປະມານ 3.000 ໂຕນ (ໝາກແດງ) ດ້ວຍສະມັດຕະພາບການຜະລິດບັນລຸໄດ້ 21,74 ໂຕນຕໍ່ເຮັກຕາ, ສາມາດສົ່ງອອກໄດ້ 1.000 ກວ່າໂຕນ ຕົກເປັນມູນຄ່າ 1,9 ລ້ານໂດລາສະຫະລັດ ເພື່ອເພີ່ມຜົນຜະລິດບັນລຸໄດ້ແນວນັ້ນ ບໍລິສັດຕ້ອງໄດ້ເອົາໃຈໃສ່ໃນການປູກ ແລະ ບົວລະບັດຮັກສາເປັນຢ່າງດີ ຄື: ເຮັກຕາໜຶ່ງປູກໃຫ້ໄດ້ 3.333 ຕົ້ນ, ການໃສ່ຝຸ່ນຕ້ອງໃຫ້ຖືກກັບປະເພດດິນ,​ປະລິມານພຽງພໍ, ໃສ່ໃຫ້ຖືກຊ່ວງລະດູ (ປີໜຶ່ງໃສ່ຝຸ່ນ 2 ຄັ້ງໃສ່ໃນຊ່ວງກ່ອນ ແລະ ຫລັງລະດູຝົນ,​ຝຸ່ນທີ່ໃສ່ແມ່ນມີທັງຝຸ່ນຊີວະພາບ ແລະ ຝຸ່ນເຄມີ ແລະ ປະລິມານໃສ່ຝຸ່ນເຄມີແມ່ນ 700 ກິໂລຕໍ່ເຮັກຕາ, ຝຸ່ນຊີວະພາບ 5 ໂຕນຕໍ່ເຮັກຕາ. ນອກນີ້ການເສຍຫຍ້າ, ອະນາໄມສວນກາເຟຕ້ອງປະຕິບັດຖືກຕາມຫລັກເຕັກນິກ ເປັນຕົ້ນປີໜຶ່ງຕ້ອງໄດ້ເສຍຫຍ້າ 2 ເທື່ອ, ເພື່ອຮັກສາຄວາມຊຸ່ມຂອງດິນ, ການປ້ອງກັນສັດຕູພືດແມ່ນສິ່ງສໍາຄັນອີກຢ່າງໜຶ່ງ, ຕົ້ນກາເຟທຸກຕົ້ນຈະຕ້ອງໄດ້ຮັບການສີດຢາຂ້າສັດຕູພືດຢ່າງສະໝໍ່າສະເໝີ, ຢາທີ່ນໍາມາສີດຕ້ອງເປັນປະເພດຢາປອດສານພິດ, ຫລັງຈາກເກັບກ່ຽວຜົນຜະລິດແລ້ວ ແມ່ນຕ້ອງໄດ້ມີວິຊາການທີ່ຊໍານານດ້ານການຕັດກິ່ງ, ແໜງ, ກົກກາເຟ ເພື່ອຮັກສາໃຫ້ປີຕໍ່ມາກົກຈະອຸດົມສົມບູນ ແລະ ໃຫ້ຜົນຜະລິດສູງ, ການຫົດນໍ້າກໍຕ້ອງໄດ້ຫົດເປັນປະຈໍາ ເຖິງແມ່ນວ່າເຂດເມືອງທ່າແຕງຈະມີຝົນຕົກດີ ແຕ່ອາກາດມັກແຫ້ງແລ້ງ, ເຊິ່ງສວນກາເຟຊ່ວງທີ່ກໍາລັງອອກດອກແມ່ນຕ້ອງການປະລິມານນໍ້າຫລາຍ, ສະນັ້ນການຫົດນໍ້າໃສ່ສວນກາເຟຖືວ່າເປັນສິ່ງສໍາຄັນໃນການເຮັດໃຫ້ຕົ້ນກາເຟຈັບດອກຫລາຍ ແລະ ມີສະມັດຕະພາບສູງ, ຊຶ່ງຄາດວ່າໃນຕໍ່ໜ້າບໍລິສັດ ຈະໄດ້ສືບຕໍ່ລົງທຶນເຂົ້າໃນການຜະລິດກາເຟເພື່ອສົ່ງອອກໃນເຂດເມືອງທ່າແຕງ ແລະ ເມືອງດາກຈຶງຕື່ມອີກ.

- 1 1 - ບໍລິສັດກາດເກ້ລາວເຊກອງສາມາດສົ່ງອອກກາເຟໄດ້ຫລາຍກວ່າ 1.000 ໂຕນເປັນປີທໍາອິດ
- Tiger Head 728x90 - ບໍລິສັດກາດເກ້ລາວເຊກອງສາມາດສົ່ງອອກກາເຟໄດ້ຫລາຍກວ່າ 1.000 ໂຕນເປັນປີທໍາອິດ
error: Content is protected !!