ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

- advert banner 728 90 728x90 - ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

ໂດຍ: ມຶກບໍ່ແຫ້ງ

- lattana 1 - ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

ທ່າມ​ກາງ​ ກະ​ແສ​ຟອງ​ຂອງ​ສັງ​ຄົມ ຕໍ່​ຕ້ານ​ການ​ປູກ​ກ້ວຍ​ທີ່ ຂາດ​ຄວາມ​ຮັບ​ຜິດ​ຊອບ ເຊິ່ງ​ ​ບໍ່​ເປັນ​ທີ່ຕ້ອງ​ການນັ້ນ, ຜູ້​ຂຽນ ຂໍ​ແລກ​ປ່ຽນ​ແບບ​ຢ່າງ​ທີ່​ດີ ໃນ​ການ​ປູກ​ກ້ວຍ ທີ່​ຊ່ວຍ​ໃຫ້ລະ​ບົບ​ນິ​ເວດ​ຍືນ​ຍົງ​ໄດ້ ໃນ​ປະ​ເທດ ທີ່​ສົ່ງ​ກ້ວຍ​ຂາຍຫຼາຍ​ທີ່​ສຸດ​ປະ​ເທດ​ໜຶ່ງ​ໃນ​ໂລກ.

ເມື່ອ​ໄດ້​ຍິນ​ຂ່າວ ການ​ປູກ​ກ້ວຍ​ທີ່​ເປັນ​ພິດ​ຢູ່​ລາວ​ເທື່ອ​ໃດ ຜູ້​ຂຽນ​ຍັງ​ຄິດ​ຮອດ ສວນ​ກ້ວຍຊື່​ວ່າ ປ​ຣາ​ຕາ​ເນ​ຣາ ຣີ​ໂອ ຊີ​ຊາໂອ​ລາ (Platanera Río Sixaola), ແຂວງ ຣີ​ມອງ (Limon) ທາງ​ພາກ​ໃຕ້ ປະ​ເທດ ຄອ​ສ​ຕາ ຣີ​ກາ ປະ​ເທດ​ທີ່​ສົ່ງ ໝາກ​ກ້ວຍ​ຂາຍ​ລຳ​ດັບ​ທີ 4 ຂອ​ໂລກ (ອົງ​ການ​ອາ​ຫານ ແລະ​ກະ​ສິ​ກຳ​ສາ​ກົນ, 2018) ທີ່​ຜູ້​ຂຽນໄດ້​ໄປ​ທັດ​ສະ​ນະ​ສຶກ​ສາ. ຢູ່ສວນນີ້ ເພິ່ນ​ໄດ້ຜະ​ລິດ​ໝາກ​ກ້ວຍ​ສົ່ງ​ອອກ​ຂາຍ​ມາ​ໄດ້ 32 ປີ​ແລ້ວ ເຊິ່ງ​ມີ​ເນື້ອ​ທີ່ສວນ​ທັງ​ໝົດ 275 ເຮັກ​ຕາ, ນອກ​ຈາກ​ໝາກ​ກ້ວຍ ຢູ່​ສວນ​ຂອງ​ເພິ່ນ​ຍັງມີ ສັດ​ສາ​ວາ​ສິ່ງ, ເຄື່ອງ​ປ່າ​ຂອງ​ດົງຫຼາຍໄດ໋ ເພິ່ນ​ເຮັດ​​ແນວໃດ?

- 60138099 2319228894804293 1203167313390469120 n - ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

ເພິ່ນ​ບໍ່​ໄດ້​ໃຊ້​ຢາ​ຂ້າ​ຫຍ້າ ແຕ່​ເພິ່ນ​ໃຊ້​ວິ​ທີ​ການ​ເສຍ​ຫຍ້າ​ທີ່​ໃຊ້​ແຮງ​ງານ​ຄົນ ແລະ​ກົນ​ຈັກ​​ຂະ​ໜາດນ້ອຍ, ເພິ່ນ​ຜະ​ລິດ ​ປຸ໋ຍຊີ​ວະ​ພາບ​ເອງ ແລະ ນຳ​ໃຊ້​ການ​ປົກ​ຄຸມ​ໜ້າ​ດິນ​ດ້ວຍ​ຫຍ້າແຫ້ງ, ​ເສດ​ກົກ​ກ້ວຍ, ເສດ​ໄມ້​ນ້ອຍໆ ​ແລະ​ແນວ​ຍ່ອຍ​ສະ​ຫລາຍ​ອື່ນໆ​, ຖົງ​ທີ່​ເອົາ​ຫຸ້ມ​ເຄືອ​ກ້ວຍກໍ່​ຍ່ອຍ​ສະ​ຫລາຍ​ໄດ້, ຕິດ​ຕັ້ງ​ພະ​ລັງ​ງານ​ແສງ​ອາ​ທິດ ນຳ​ໃຊ້​ໃນ​ສວນ​ກ້ວຍ​ເອງ, ສ້າງ​ຄອງ​ນ້ຳ ທີ່​ອ້ອມ​ຮອບ​ສວນ​ກ້ວຍ ເຮັດ​ໃຫ້​ຕົ້ນ​ກ້ວຍ​ໄດ້​ຮັບ​ນ້ຳ​ພຽງ​ພໍ ຕະຫຼອດ​ເວ​ລາ.

ອ້ອມ​ຮອບ ສວນ​ດັ່ງ​ກ່າວ​ແມ່ນ​ປ່າ​ໄມ້​ແກ່ ທີ່​ເປັນປ່າ​ສະ​ຫງວນ​ຂອງ​ປະ​ເທດ ທີ່​ທາງ​ສວນ​ກ້ວຍ​ໄດ້​ປະ​ກອບ​ສ່ວນ​ສົມ​ທົບ​ທຶນ ກັບ​ລັດ​ຖະ​ບານ ເພື່ອ​ປົກ​ປັກ​ຮັກ​ສາ, ພ້ອມນັ້ນ ສວນ​ກ້ວຍ​ຍັງ​ໄດ້ ສ້າງ​ກິດ​ຈະ​ກຳ ປູກ​ຈິດ​ສຳ​ນຶກ ແກ່​ນັກ​ຮຽນ ຢູ່​ບ້ານ​ອ້ອມ​ແອ້ມ​ນຳ​ອີກ. ປະ​ຊາ​ຊົນ ບ້ານ​ໃກ້​ກັບ ສວນ​ກ້ວຍກໍ​ມາ​ເຮັດ​ວຽກ ທີ່​ມີ​ລາຍ​ຮັບ​ດີ ມີ​ໂມງ   ​ເວ​ລາ​ເຮັດ​ວຽກ ຄື​ກັນ​ກັບ​ພະ​ນັກ​ງານ​ທົ່ວ​ໄປ​ ຕາມ​ກົດ​ໝາຍ​ແຮງ​ງານ​ຂອງ​ປະ​ເທດ.

ຈາກ​ສິ່ງ​ດັ່ງ​ກ່າວ ເຮັດ​ໃຫ້ ຄຸນ​ະ​ພາບ​ຂອງ​ດິນ ແລະ​ສາຍ​ນ້ຳ ບໍ​ລິ​ເວນ​ພາຍ​ໃນ ແລະ​ອ້ອມ​ແອ້ມ​ສວນ​ກ້ວຍ​ປາ​ສະ​ຈາກ​ທາດ​ເຄ​ມີ​ຮ້າຍ​ແຮງ, ບໍ່​ມີກອງ​ຂີ້​ເຫຍື້ອ ຖົງ​ປ​ຣາ​ສ​ຕິກ ຢາຍ​ຊະ​ຊາຍ.

- 60330730 408967899685003 7412602967183851520 n - ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

ສວນ​ກ້ວຍ​ດັ່ງ​ກ່າວ​ເລີ່ມ​ປູກ​ມາ​ແຕ່ ປີ 1987 ໂດຍ ທ່ານ ປອ ໂວນ​ເກີ ຣີບ​ນີ​ເຈີ (Dr. Volker Ribniger) ຄົນ​ເຊື້ອ​ສາຍ​ດັດ​ຈ໌ ແລະ​ມາ​ຮອດ​ດຽວນີ້ ສວນ​ດັ່ງ​ກ່າວ​ຍັງ​ສືບ​ຕໍ່​ຜະ​ລິດ​ໄດ້​ໝາກ​ຜົນ​ທີ່​ດີ, ສ້າງວຽກ​ເຮັດ​ງານ​ທຳ​ໃຫ້​ຄົນ​ເຂດນັ້ນ, ເປັນ​ບ່ອນ ສຶກ​ສາ​ຮຽນ​ຮູ້ ແກ່​ນັກ​ຮຽນ-ນັກ​ສຶກ​ສາ, ປະ​ຊາ​ຊົນ ແລະ​ປັນ​ຍາ​ຊົນ​ທົ່ວ​ໄປ. ສວນ​ດັ່ງ​ກ່າວ ມີ​ຊື່​ສຽງ​ໄປ​ທົ່ວ​ປະ​ເທດ, ພາກ​ພື້ນ ແລະ​ໃນ​ໂລກ ຍ້ອນ​ການ​ເອົາ​ໃສ່​ສັງ​ຄົມ, ເອົາ​ໃຈ​ໃສ່​ສິ່ງ​ແວດ​ລ້ອມ, ທັງ​ມີ​ຄວາມ​ຍືນ​ຍົງ ແລະ​ມີ​ຊື່​ສຽງ, ສະ​ນັ້ນ ໝາກ​ກ້ວຍ​ເຂົາ​ເຈົ້າ ກໍ​ໄດ້​ລາ​ຄາ​ດີ​ນຳ.

- 1 1 - ສວນ​ກ້ວຍ​ ທີຊ່ວຍ​ຮັກ​ສາ ຊີ​ວະ​ນາໆ​ພັນ

ແລ້ວ​ເຮົາ​ເດ ຖ້າ​ຢາກ​ປູກ​ໝາກ​ກ້ວຍ​ຂາຍ​ແທ້ໆ ກໍ​ຄວນ​ຄຳ​ນຶງ​ເຖິງ​ຄົນ ແລະ​ສະ​ພາບ​ແວດ​ລ້ອມ​ໄປ​ນຳ​ແດ່​ບໍ່?

ພວກ​ເຮົາ​ຮັບ​ຮູ້ວ່າ ໃນ​ປັດ​ຈຸ​ບັນ​ ໝາກ​ກ້ວຍ ແມ່ນ​ຜະ​ລິດ​ຕະ​ພັນ ກະ​ສິ​ກຳ ທີ່​ສາ​ມາດ​ສ້າງ​ລາຍ​ຮັບ​ແກ່ ສ​ປ​ປ​ລາວຫຼາຍ​ທີ່​ສຸດ ທຽບ​ໃສ່​ຜະ​ລິດ​ຕະ​ພັນ​ກະ​ສິ​ກຳ ປະ​ເພດ​ອື່ນ ແຕ່​ການປູກ​ໝາກ​ກ້ວຍ​ ໃນ ສ​ປ​ປ​ລາວ ແມ່ນ​ກຳ​ລັງ​ຖືກ​ການ​ຕໍ່ຕ້ານ​ຢ່າງ​ເດັດ​ຂາດ​ຂອງ​ສັງ​ຄົ​ມ ຍ້ອນຂາດ​ຄວາມ​ຮັບ​ຜິດ​ຊອບ ຂອງ​ຜູ້​ລົງ​ທຶນ ໂດຍ​ເອົາ​ໃສ່​ໜ້ອຍ ຕໍ່​ຜົນ​ກະ​ທົບ​ຕໍ່​ສັງ​ຄົມ ແລະ​ສິ່ງ​ແວດ​ລ້ອມ, ປະ​ຊາ​ຊົນ ບໍ່​ຢາກ​ເຫັນ​ປາ​ໃນ​ແມ່​ນ້ຳ​ຂອງ​ເຂົາ​ເຈົ້າ​ຕາຍ, ບໍ່​ຢາກ​ເຫັນ ດິນ​ເສື່ອມ​ຄຸນ ຍ້ອນ​ສານ​ເຄ​ມີ ຈາກ​ສວນ​ກ້ວຍ​ອີກ​ຕໍ່​ໄປ​ແລ້ວ. ຄັນ​ຊັ້ນ​ພວກ​ເຮົາ ຈະ​ມີ​ລາຍ​ຮັບ​ຈະ​ພຶດ​ຊະ​ນິດນີ້​ໄປ​ຮອດມື້​ໃດ?

ໃນ​ໂລກນີ້ ພວກ​ເຮົາ​ສາ​ມາດ​ຊອກ​ຕົວ​ຢ່າງ​ການ​ປູກ​ກ້ວຍ​ແບບ​ຍືນ​ຍົງ​ໄດ້​ຢ່າງຫຼວງຫຼາຍ ແຕ່​ເປັນ​ຫຍັງ​ພວກ​ເຮົາ​ຈຶ່ງ​ເລືອກ ທີ່​ຈະ​ເຮັດ​ການ​ປູກ​ກ້ວຍ​ທີ່​ເປັນ​ພິດ​ຄື​ແນວນີ້? ຄອ​ສ​ຕາ ຣີ​ກາ ນ້ອຍກວ່າ​ລາວ 3 ເທົ່າ ແຕ່​ປູກ​ໝາກ​ກ້ວຍ​ລ້ຽງ​ປະ​ຊາ​ຊົນ​ເຂົາ​ເຈົ້າ ມາ​ໄດ້ຫຼາຍກວ່າ 30 ກວ່າ​ປີ ແລ້ວ.