ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ

- 60709896 1710047842432240 6163336262271893504 n - ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ
- Untitled design - ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ

ໃນອາທິດຜ່ານມານີ້ທີ່ພະແນກຕໍາຫລວດຈະລາຈອນນະຄອນຫລວງວຽງຈັນ, ທ່ານພັນໂທ ບຸນມາກ ສູນດາໄລ ຮອງຫົວໜ້າພະແນກຕໍາຫລວດດັ່ງກ່າວໄດ້ມອບລົດຈັກເວບ 100 ສອງຄັນຄືນໃຫ້ເຈົ້າຂອງເດີມ, ຫລັງຈາກໃນວັນທີ 28 ມີນາ 2019 ຜ່ານມາ, ເຈົ້າໜ້າທີ່ຈະລາຈອນປະຈໍາສະຖານີໂດຍສານສາຍເໜືອ ໄດ້ກວດກາລົດເມໂດຍສານຄັນໜຶ່ງທີ່ຈະອອກເດີນທາງໄປແຂວງຜົ້ງສາລີ ແລະ ພົບເຫັນລົດຈັກ 2 ຄັນບໍ່ມີປ້າຍທະບຽນຢູ່ເທິງລົດເມ, ໂດຍຜູ້ຂັບລົດເມບອກວ່າມີຄົນບໍ່ຮູ້ຊື່ເອົາມາຝາກໃຫ້ເອົາໄປສົ່ງຢູ່ແຂວງອຸດົມໄຊ ແລະ ບໍ່ມີເອກະສານລົດ.  ເຈົ້າໜ້າທີ່ຈິ່ງກັກລົດດັ່ງກ່າວໄວ້, ພ້ອມທັງໄດ້ປະສານໄປຫາກອງຄຸ້ມຄອງພາຫະນະ ແລະ ພະແນກກຈະລາຈອນນະຄອນຫລວງ ຈຶ່ງຮູ້ວ່າລົດທັງສອງຖືກຄົນຮ້າຍລັກມາໃນໄລຍະກາງເດືອນມີນາ 2019 ຜ່ານມານີ້, ຈຶ່ງໄດ້ປະສານຫາເຈົ້າຂອງຕົວຈິງເອົາເອກະສານມາຢັ້ງຢືນເພື່ອເອົາລົດໄປນໍາໃຊ້ຕາມເດີມ, ພ້ອມທັງໄດ້ເນັ້ນໃຫ້ເຈົ້າຂອງລົດທຸກຄົນມີສະຕິໃນການຮັກສາວັດຖຸ ກໍຄືຊັບສີນມີຄ່າຕ່າງໆຂອງຕົນເອງໃຫ້ດີ ເພື່ອບໍ່ໃຫ້ຄົນບໍ່ດີມີໂອກາດລັກເອົາໄດ້ໄດ້ງ່າຍ. ສ່ວນຜູ້ຂັບລົດເມຄັນດັ່ງກ່າວ, ເຈົ້າໜ້າທີ່ໄດ້ນໍາຕົວມາສຶກສາອົບຮົມໃຫ້ເຂົ້າໃຈແຈ້ງຕໍ່ລະບຽບກົດໝາຍ ກໍຄືຫລັກການຂອງການຮັບຝາກເຄື່ອງຕ່າງໆ, ໂດຍສະເພາະແມ່ນພາຫະນະຕ້ອງມີເອກະສານ ຫລື ຂໍ້ມູນຂອງຜູ້ຝາກ ແລະ ຜູ້ຮັບ ເພື່ອຮັບປະກັນໃຫ້ການນໍາສົ່ງມີຄວາມຖືກຕ້ອງປອດໄພ.

- Wave100S AD to Website 2020 0 - ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ
- WhatsApp Image 2020 05 27 at 5 - ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ
- WhatsApp Image 2020 05 27 at 5 - ຈະລາຈອນນະຄອນຫລວງມອບລົດຈັກ 2 ຄັນຄືນໃຫ້ເຈົ້າຂອງເດີມ
error: Alert: ເນື້ອຫາຂ່າວມີລິຂະສິດ !!