ທົ່ວປະເທດເກັບກ່ຽວເຂົ້ານາແຊງສໍາເລັດແລ້ວ 96%

- advert banner 728 90 728x90 - ທົ່ວປະເທດເກັບກ່ຽວເຂົ້ານາແຊງສໍາເລັດແລ້ວ 96%

ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ມາຮອດປັດຈຸບັນຊາວກະສິກອນ ທົ່ວປະເທດ ສາມາດເກັບກ່ຽວມ້ຽນມັດຜົນຜະລິດເຂົ້ານາແຊງຂອງຕົນ ໄດ້ແລ້ວ 84 ພັນກວ່າເຮັກຕາ ເທົ່າກັບ 96% ຂອງເນື້ອທີ່ປັກດໍາຕົວຈິງ. ໃນນັ້ນ, ບັນດາແຂວງພາກກາງ ຄື: ນະຄອນຫຼວງວຽງຈັນ, ຄໍາມ່ວນ ແລະ ສະຫວັນນະເຂດ ສໍາເລັດ 100%, ສ່ວນບັນດາແຂວງພາກເໜືອ ແລະ ພາກໃຕ້ ພວມເລັ່ງເກັບກາຽວໃຫ້ສໍາເລັດກ່ອນລະດູຝົນ. ສໍາລັບການປູກພືດລະດູແລ້ງຂອງຊາວກະສິກອນໃນທົ່ວປະເທດ ບັນລຸໄດ້ແລ້ວ 153.000 ກວ່າເຮັກຕາ ເທົ່າກັບ 83% ຂອງ ແຜນການ. ພືດທີ່ປູກຫຼາຍກວ່າໝູ່ແມ່ນສາລີອາຫານສັດ, ສາລີຫວານ, ຢາສູບ, ອ້ອຍ, ມັນຕົ້ນ, ຖົ່ວດິນ ແລະ ເຜືອກມັນຕ່າງໆ, ໃນນັ້ນ, ແຂວງທີ່ປູກຫຼາຍກວ່າໝູ່ແມ່ນບັນດາແຂວງພາກເໜືອ ປະຕິບັດໄດ້ 58 ພັນກວ່າເຮັກຕາ, ພາກກາງ 65 ພັນກວ່າເຮັກຕາ ແລະ ພາກໃຕ້ 28 ພັນກວ່າເຮັກຕາ.

ກະຊວງກະສິກໍາ ແລະ ປ່າໄມ້ ໃຫ້ຮູ້ອີກວ່າ: ໃນໜຶ່ງເດືອນຜ່ານມານີ້, ລາວສາມາດສົ່ງອອກພືດ ແລະ ຜະລິດຕະພັນພືດໄດ້ທັງໝົດ 20 ພັນກວ່າໂຕນ ລວມມີມູນຄ່າຫຼາຍກວ່າ 6 ແສນໂດລາສະຫະລັດ (ພືດທີ່ສົ່ງອອກຫຼາຍກວ່າໝູ່ມີ ກາເຟ, ໝາກກ້ວຍ ແລະ ມັນຕົ້ນ). ນອກນີ້, ໜ່ວຍງານຂອງຕົນສາມາດຢຶດໄມ້ທີ່ຜິດລະບຽບກົດໝາຍ ຢູ່ບັນດາແຂວງຕ່າງໆ ໄດ້ທັງໝົດ 379 ໂຕ ລວມມີບໍລິມາດຫຼາຍກວ່າ 36 ແມັດກ້ອນ, ໄດ້ດໍາເນີນຄະດີຜູ້ກະທໍາຜິດຈໍານວນ 7 ລາຍ, ໃນນັ້ນມີຄະດີໄມ້ 3 ລາຍ ແລະ ຄະດີກ່ຽວກັບສັດນໍ້າ-ສັດປ່າ 4 ລາຍ.

- Tiger Head 728x90 - ທົ່ວປະເທດເກັບກ່ຽວເຂົ້ານາແຊງສໍາເລັດແລ້ວ 96%
- 1 1 - ທົ່ວປະເທດເກັບກ່ຽວເຂົ້ານາແຊງສໍາເລັດແລ້ວ 96%
error: Content is protected !!