ບັນຫາການນອນບໍ່ຫລັບໃນຜູ້ເຖົ້າແກ້ໄຂໄດ້

- advert banner 728 90 728x90 - ບັນຫາການນອນບໍ່ຫລັບໃນຜູ້ເຖົ້າແກ້ໄຂໄດ້

    ນອນບໍ່ຫລັບ ໜຶ່ງໃນບັນຫາໃຫຍ່ຂອງຜູ້ເຖົ້າ ເຊິ່ງມື້ນີ້ຜູ້ຊ່ຽວຊານດ້ານຜິວໜັງ ແລະ ຄວາມງາມຈາກປະເທດຝຣັ່ງມາໃຫ້ຄຳແນະນຳ ອະທິບາຍຫົວໃຈສຳຄັນຂອງອາຫານທີ່ຈະຊ່ວຍແກ້ໄຂບັນຫາການນອນແກ່ຜູ້ທີ່ມີພຶດຕິກຳການນອນບໍ່ຖືກຕ້ອງ ຫລື ນອນເດິກ, ນອນບໍ່ຫລັບ, ນອນບໍ່ເປັນເວລາ ຄວນກິນອາຫານທີ່ມີສານກາບາ, ເຊໂຣໂທນິນ ແລະ ຮໍໂມນເມລາໂທນິນປະລິມານສູງ ເພາະສານດັ່ງກ່າວຈະເຂົ້າໄປຊ່ວຍເຮັດໃຫ້ວົງຈອນການນອນສົມບູນຂຶ້ນ ເມື່ອຕື່ນຂຶ້ນມາແລ້ວຈະຮູ້ສຶກສົດຊື່ນ ແລະ ເຮັດໃຫ້ລະບົບຕ່າງໆໃນຮ່າງກາຍເຮັດວຽກເປັນປົກກະຕິ.

- new3 - ບັນຫາການນອນບໍ່ຫລັບໃນຜູ້ເຖົ້າແກ້ໄຂໄດ້

 – ອາຫານເພື່ອຜູ້ເຖົ້ານອນບໍ່ເປັນເວລາ : ບັນຫາຜູ້ເຖົ້າທີ່ນອນບໍ່ເປັນເວລາມັກເກີດຈາກມີບັນຫາສຸຂະພາບ ເຮັດໃຫ້ນອນຫລັບບໍ່ເປັນເວລາ ຄື ນອນເດິກຫລາຍ ແລະ ມັກຕື່ນສວາຍ ຫລື ເກືອບສວາຍ ຫລື ບາງຄົນອາດເຂົ້ານອນຫົວຄໍ່າ ແລະ ຕື່ນມາເຊົ້າຫລາຍ ເຂົ້າເຊົ້າຂອງຜູ້ເຖົ້າເປັນສິ່ງສຳຄັນຫລາຍ ອາຫານທີ່ຄວນກິນຈຶ່ງແມ່ນ  :

      1. ເຂົ້າປຽກປາ : ເນື່ອງຈາກເປັນອາຫານທີ່ມີສານອາຫານຊ່ວຍເພີ່ມພະລັງ ແລະ ມີປະໂຫຍດຕໍ່ສຸຂະພາບ ທັງຄາໂບໄຮເດຣດຈາກເຂົ້າ ແລະ ຊີ້ນປາທີ່ມີກົດໄຂມັນໂອເມກ້າ 3 ທີ່ມີຜົນການເຮັດວຽກຂອງສະໝອງ ຊ່ວຍໃຫ້ອາລົມເບີກບານ ລວມເຖິງຊ່ວຍຫລຸດຜ່ອນບັນຫາຈາກການນອນບໍ່ຫລັບຕອນກາງຄືນນຳ.

     2. ຊາເລມັອນບາມ : ເລມັອນບາມມີລັກສະນະຄ້າຍມິ້ນ ແຕ່ໃບຍາວກ່ວາ ຊາເລມັອນບາມມີຄຸນສົມບັດຊ່ວຍເພີ່ມຄວາມສົດຊື່ນ, ດື່ມແກ້ອາການອ່ອນເພຍ.

     3. ນຳ້ເຜິ້ງໝາກນາວ : ເຄື່ອງດື່ມອີກຊະນິດໜຶ່ງທີ່ຊ່ວຍເພີ່ມຄວາມສົດຊື່ນ ຈາກນຳ້ເຜິ້ງທີ່ຈະເຮັດໃຫ້ຮ່າງກາຍໄດ້ຮັບກົດແອມິໂນທຣິບໂຕເຟນຕາມທຳມະຊາດ ແລະ ໝາກນາວທີ່ມີວິຕາມິນເຊໃຫ້ຄວາມສົດຊື່ນ ແລະ ເສີມສ້າງພູມຕ້ານທານໃຫ້ແກ່ຮ່າງກາຍ.

- lattana 1 - ບັນຫາການນອນບໍ່ຫລັບໃນຜູ້ເຖົ້າແກ້ໄຂໄດ້

     – ເຕັກນິກການກິນແກ້ອາການນອນບໍ່ຫລັບ : ຫລາຍຄົນອາດເຄີຍໄດ້ຍິນຄຳແນະນຳທົ່ວໄປໃນການເລືອກອາຫານສຳລັບຜູ້ທີ່ມີອາການນອນບໍ່ຫລັບ ທັງການເພີ່ມອາຫານປະເພດທັນຍາພືດບໍ່ຜັດສີ, ຜັກ – ໝາກໄມ້ກາກໄຍສູງ ຫລື ອາຫານທີ່ມີທາດເຫລັກຫລາຍໃນທຸກຄາບອາຫານ ລວມເຖິງການດື່ມເຄື່ອງດື່ມອຸ່ນໆກ່ອນນອນເພື່ອຊ່ວຍໃຫ້ຫລັບງ່າຍຂຶ້ນ.

ທຸກຄາບແລງ ຄວນມີລາຍການແປ້ງ:ຫລາຍຄົນອາດເບິ່ງວ່າການກິນແປ້ງຕອນແລງອາດສົ່ງຜົນຕໍ່ ການຄວບຄຸມນຳ້ໜັກ, ແຕ່ການກິນແປ້ງຈະຊ່ວຍໃຫ້ຫລັບງ່າຍ ແລະ ສະບາຍຂຶ້ນ ພຽງແຕ່ຕ້ອງຄວບຄຸມໃຫ້ຢູ່ໃນປະລິມານເໝາະສົມ ແລະ ເນັ້ນແປ້ງຈາກທັນຍາພືດບໍ່ຜີດຂາວຈະໄດ້ບໍ່ສົ່ງຜົນຕໍ່ນຳ້ໜັກໂຕ.

– ງົດກິນອາຫານກ່ອນນອນ 3 ຊົ່ວໂມງເປັນຢ່າງໜ້ອຍ :ເພາະການກິນອາຫານຊ່ວງໃຫ້ເວລານອນ ຈະເຮັດໃຫ້ຮູ້ສຶກອຶດອັດ, ນອນຫລັບບໍ່ສະບາຍ ທັງຍັງອາດສົ່ງຜົນໃຫ້ເກີດພະຍາດກົດໄຫລຍ້ອນໄດ້, ງົດອາຫານທີ່ໃຊ້ສີສັງເຄາະ ເນື່ອງຈາກອາຫານທີ່ມີສີສັນສົດໃສ ໂດຍສະເພາະທີ່ຜະລິດຈາກສີສັງເຄາະຈະກະຕຸ້ນໃຫ້ຮ່າງກາຍເກີດຄວາມກະຕືລືລົ້ນຈົນນອນຫລັບໄດ້ຍາກຂຶ້ນ.

     ນອກຈາກການກິນອາຫານດີມີປະໂຫຍດແລ້ວ ສິ່ງສຳຄັນຄື ຕ້ອງປັບພຶດຕິກຳການນອນໃຫ້ເປັນເວລານຳ ກໍຈະຊ່ວຍເຮັດໃຫ້ການນອນເປັນໄປຢ່າງດຸ່ນດ່ຽງ ສຸຂະພາບຈຶ່ງແຂງແຮງ, ຮ່າງກາຍສົດໃສອ່ອນໄວ, ຫ່າງໄກພະຍາດໄປອີກດົນ.    

error: Content is protected !!