ຕື່ມພະລັງ ແລະ ກຳລັງໃຈໃຫ້ຕົນເອງໂດຍການນຶກເຖິງເລື່ອງດີໆກ່ອນນອນ

- advert banner 728 90 728x90 - ຕື່ມພະລັງ ແລະ ກຳລັງໃຈໃຫ້ຕົນເອງໂດຍການນຶກເຖິງເລື່ອງດີໆກ່ອນນອນ

    ເຮົາສາມາດສ້າງຄວາມສຸກໃຫ້ກັບຊີວິດຂອງເຮົາໄດ້ງ່າຍໆໂດຍການນຶກເຖິງສິ່ງດີໆ, ເລື່ອງດີໆ, ເລື່ອງທີ່ມີຄວາມສຸກ, ຄວາມປະທັບໃຈ ກ່ອນທີ່ເຮົາຈະນອນຫລັບພັກຜ່ອນ ຕາມກົດ “Peak-end Rule” ມາເບິ່ງກັນວ່າ ການຄິດເຖິງເລື່ອງດີໆກ່ອນອນ, ຊ່ວຍຕື່ມກຳລັງໃຈແລະສ້າງຄວາມສຸກໃຫ້ເຮົາແນວໃດແດ່ :

- new3 - ຕື່ມພະລັງ ແລະ ກຳລັງໃຈໃຫ້ຕົນເອງໂດຍການນຶກເຖິງເລື່ອງດີໆກ່ອນນອນ

     – ຕອນຈົບດີ ທຸກຢ່າງກໍດີ : ເວລາທີ່ເຮົານຶກເຖິງອະດີດທີ່ຜ່ານມາ ບາງຊ່ວງເວລາກໍເປັນຊ່ວງເວລາທີ່ແສນສຸກ ທີ່ປະທັບໃຈບໍ່ຮູ້ລືມ. ໃນຂະນະທີ່ບາງຊ່ວງເວລາກໍຊ່າງບໍ່ໜ້າຈື່ຈຳເລີຍ ຫາກເຮົາລອງນຶກເຖິງຊ່ວງເວລາເຫລົ່ານັ້ນຢ່າງລະອຽດ ເຮົາຈະພົບວ່າໃນຊ່ວງເວລາທີ່ແສນສຸກນັ້ນກໍອາດຈະບໍ່ໄດ້ສຸກຕະຫລອດ 100% ຫລື ແມ່ນແຕ່ໃນມື້ທີ່ແສນໜ້າເບື່ອໜ່າຍນັ້ນ ກໍບໍ່ໄດ້ໜ້າເບື່ອຈົນ ໝົດມື້. ລອງນຶກເຖິງມື້ແຕ່ງດອງທີ່ເຕັມໄປດ້ວຍຄວາມສຸກ, ຊາບຊຶ້ງໃຈຂອງເຮົາ ຫາກລອງນຶກຍ້ອນເວລາເບິ່ງໃນມື້ນັ້ນເຮົາກໍບໍ່ໄດ້ມີຄວາມສຸກຕະຫລອດໝົດມື້ໝົດເວັນ ເຮົາກໍມີຊ່ວງເວລາທີ່ຕ້ອງອົດຫລັບອົດນອນ, ກຽມງານ, ຕື່ນແຕ່ເຊົ້າມາແຕ່ງໜ້າ, ເຮັດຜົມ, ແລ່ນວຸ້ນຖ່າຍຮູບຈົນບໍ່ມີເວລາກິນເຂົ້າ, ຢືນຢູ່ເທິງເກີບສົ້ນສູງເປັນເວລາຫລາຍຊົ່ວໂມງຈົນເມື່ອຍຂາໄປໝົດ, ແບກຊຸດເຈົ້າສາວທີ່ທັງໜາ ແລະ ໜັກຍ່າງໄປຍ່າງມາຈົນທົ່ວງານ, ແຕ່ເມື່ອເບິ່ງພາບລວມແລ້ວ ສຸດທ້າຍເຮົາກໍມີຄວາມສຸກກັບງານແຕ່ງດອງນີ້ຢູ່ດີ.

     ການທີ່ເຮົານຶກເຖິງຊ່ວງເວລາໜຶ່ງໃນອະດີດ ແລ້ວຮູ້ສຶກມັກ ຫລື ບໍ່ມັກຊ່ວງເວລານັ້ນ ປັດໄຈໜຶ່ງທີ່ມີຜົນຕໍ່ຄວາມຮູ້ສຶກຂອງເຮົາຫລາຍໆກໍຂຶ້ນຢູ່ກັບ ຕອນຈົບຂອງເຫດການນັ້ນ. ຕໍ່ໃຫ້ຕ້ອງເມື່ອຍຫລາຍ, ເບື່ອໜ່າຍໝົດມື້, ແຕ່ຖ້າເຮົາຈົບມື້ດ້ວຍຄວາມສຸກ ຊ່ວງເວລາຂອງມື້ນີ້ກໍຈະຖືກຈົດຈຳວ່າເປັນມື້ທີ່ມີຄວາມສຸກຕະຫລອດໄປ. ໃນຂະນະດຽວກັນ ຫາກເຮົາມີຄວາມສຸກມາໝົດມື້, ແຕ່ ເມື່ອຈົບມື້ ເຮົາພັດຕ້ອງພົບກັບເລື່ອງໜ້າເບື່ອໜ່າຍທີ່ເຮັດໃຫ້ເຮົາຫງຸດຫງິດໃຈ ເຮົາກໍຈະຈື່ຊ່ວງນັ້ນເປັນຊ່ວງເວລາບໍ່ດີໃນຄວາມຊົງຈຳ.

- lattana 1 - ຕື່ມພະລັງ ແລະ ກຳລັງໃຈໃຫ້ຕົນເອງໂດຍການນຶກເຖິງເລື່ອງດີໆກ່ອນນອນ

     ທ່ານ ແດນຽວ ຄາເດມັນ ສາດສະດາຈານກຽດຕິຄຸນ ມະຫາວິທະຍາໄລພຣິນຕັນ ຜູ້ລິເລີ່ມວິຊາເສດຖະສາດພຶດຕິກຳ ແລະ ໄດ້ຮັບລາງວັນໂນເບລສາຂາວິຊາເສດຖະສາດ ອະທິບາຍເລື່ອງຜົນຂອງລະດັບຄວາມສຸກທີ່ເພີ່ມຂຶ້ນໃນດ້ານວິທະຍາສາດ ເອົາໄວ້ໃນກົດ “Peak-end Rule”. ທ່ານ ແດນຽວ ອະທິບາຍວ່າ : ເວລາທີ່ເຮົາປະເມີນປະສົບການວ່າດີຫລືບໍ່ດີ ເຮົາບໍ່ໄດ້ໃຊ້ປະສົບການຕັ້ງແຕ່ຕົ້ນຈົນຈົບມາເປັນໂຕຕັດສິນ, ແຕ່ເຮົາມັກຈະປະເມີນປະສົບການຂອງເຮົາຈາກຄວາມຈື່ຈຳທີ່ເກີດຂຶ້ນຕອນຄວາມຮູ້ສຶກນັ້ນສູງສຸດ (Peak) ແລະ ຕອນຈົບ (End) ຂອງເລື່ອງນັ້ນວ່າເປັນແນວໃດ ເຊິ່ງກົງກັບສຳນວນຂອງຍີ່ປຸ່ນທີ່ກ່າວໄວ້ວ່າ : ຖ້າ ຕອນຈົບດີທຸກຢ່າງກໍດີຕາມໄປນຳ.

ດັ່ງນັ້ນ ວິທີການງ່າຍໆທີ່ເຮັດໃຫ້ເຮົາມີຄວາມສຸກກັບທຸກໆມື້ ແມ່ນການນຶກທົບທວນເຖິງເລື່ອງດີໆທີ່ພົບໃນມື້ນັ້ນກ່ອນນອນທຸກຄືນ ເຮັດແບບນີ້ເປັນປະຈຳແລ້ວເຮົາຈະມີຄວາມສຸກກັບທຸກມື້ຂອງເຮົາ.

error: Content is protected !!