ເຕັກນິກການຊື້ເຄື່ອງອອນລາຍ ໃຫ້ກຸ້ມຄ່າ, ກຸ້ມເງິນ ແລະ ບໍ່ຖືກໂກງ

- advert banner 728 90 728x90 - ເຕັກນິກການຊື້ເຄື່ອງອອນລາຍ ໃຫ້ກຸ້ມຄ່າ, ກຸ້ມເງິນ ແລະ ບໍ່ຖືກໂກງ

   ປະຈຸບັນ ໃຜໆກໍນິຍົມຊື້ເຄື່ອງອອນລາຍກັນ ເພາະທັງສະດວກ, ວ່ອງໄວ, ບໍ່ຕ້ອງເດີນທາງອອກໄປໄກ ຈະເລືອກຢູ່ໃສ, ເວລາໃດທີ່ເຮົາສະດວກກໍໄດ້ ທັງບາງບ່ອນຍັງມີໂປຣໂມຊັນດີໆທີ່ເຮັດໃຫ້ເຮົາສາມາດຊື້ເຄື່ອງທີ່ຕ້ອງການໄດ້ແບບປະຢັດສຸດໆນຳອີກ, ແຕ່ຍ້ອນການຊື້ເຄື່ອງອອນລາຍນັ້ນ ເຮົາບໍ່ໄດ້ເຫັນສິນຄ້າໂຕຈິງ, ບໍ່ໄດ້ລອງສຳຜັດ ຫລື ທົດລອງໃສ່ກ່ອນທີ່ຈະຊື້ ເຮົາຈຶ່ງຕ້ອງພິຈາລະນາໃຫ້ລະອຽດກ່ອນທີ່ຈະຕັດສິນໃຈກົດສັ່ງຊື້ສິນຄ້ານັ້ນ.

- new3 - ເຕັກນິກການຊື້ເຄື່ອງອອນລາຍ ໃຫ້ກຸ້ມຄ່າ, ກຸ້ມເງິນ ແລະ ບໍ່ຖືກໂກງ

     – ຈົດສິ່ງທີ່ຕ້ອງຊື້ : ເຮັດລາຍການເຄື່ອງທີ່ຕ້ອງຊື້ໄວ້ວ່າມີຫຍັງທີ່ເຮົາຕ້ອງການແທ້ໆແດ່, ມີຫຍັງທີ່ຈຳເປັນຕ້ອງຟ້າວຊື້ຕອນນີ້, ມີຫຍັງທີ່ບໍ່ຟ້າວຊື້ກໍໄດ້, ຍັງບໍ່ຄ່ອຍຈຳເປັນຫລາຍປານໃດ ຊື້ຕາມຫລັງກໍໄດ້ ຈະໄດ້ເນັ້ນໄປໃສ່ສິ່ງທີ່ເຮົາຕ້ອງການເປັນຫລັກ.

     – ຕັ້ງງົບເອົາໄວ້ໃຫ້ຈະແຈ້ງ : ບາງເທື່ອເວລາທີ່ໄປຍ່າງເລາະຫ້າງ ຫລື ເປີດມືຖືເບິ່ງສິນຄ້າອອນລາຍ ກໍອາດຈະມີແດ່ທີ່ເຮົາຈະພົບສິ່ງຂອງທີ່ຖືກຕາຖືກໃຈ ຖ້າຍິ່ງຈັດໂປຣໂມຊັ່ນນຳແລ້ວ ຍິ່ງຮູ້ສຶກວ່າບໍ່ຄວນພາດ ແຕ່ຈະຊື້ກໍບໍ່ຮູ້ວ່າຈະໃຊ້ເງິນເກີນງົບທີ່ມີຢູ່ຫລືບໍ່, ເຮົາສາມາດແກ້ໄຂບັນຫານີ້ໄດ້ນຳ ການຕັ້ງງົບໃນການຊື້ເຜື່ອເອົາໄວ້ ເຜື່ອມີສິ່ງຂອງທີ່ເຮົາຢາກໄດ້ແທ້ໆ ຈະໄດ້ພໍມີເງິນໃຊ້ໃນໂອກາດພິເສດຕ່າງໆ ຕັ້ງງົບໄວ້ໃຫ້ຈະແຈ້ງວ່າ ເຮົາມີງົບໃນການຊື້ຢູ່ເທົ່າໃດ, ຕັ້ງງົບເອົາໄວ້ໃຫ້ຈະແຈ້ງຈະໄດ້ບໍ່ເຜີຊື້ຈົນເກີນກ່ວາທີ່ສາມາດໃຊ້ໄດ້ແທ້.

     – ປຽບທຽບຫລາຍໆຮ້ານກ່ອນຊື້ :ກ່ອນທີ່ຈະຊື້ສິນຄ້າຈັກອັນ ບໍ່ວ່າຈະເປັນການຍ່າງເລາະຫ້າງສັບພະສິນຄ້າ, ສູນການຄ້າຕ່າງໆ ຫລື ການສັ່ງຊື້ສິນຄ້າອອນລາຍ ລອງປຽບທຽບຫລາຍໆຮ້ານເບິ່ງກ່ອນ ເພາະສິນຄ້າບາງຊະນິດກໍມີການຈັດຈຳໜ່າຍໃນຫລາຍຮ້ານ, ມີໂຕແທນຈຳໜ່າຍຫລວງຫລາຍ ຍິ່ງຖ້າເປັນການຊື້ສິນຄ້າອອນລາຍທາງອິນເຕີເນັດ ບາງເວັບໄຊ ຫລື ບາງແອັບພລິເຄຊັນຈະມີ related product ຫລື ສິນຄ້າທີ່ໃກ້ຄຽງແນະນຳຂຶ້ນມາໃຫ້ເຮົາເຫັນ ບາງເທື່ອສິນຄ້າແບບດຽວກັບທີ່ເຮົາ ຕ້ອງການໃນແຕ່ລະຮ້ານອາດມີລາຄາ ແລະ ໂປຣໂມຊັນທີ່ແຕກຕ່າງກັນກໍໄດ້.

   – ເບິ່ງຣີວິວ ຫລື ຄຳຕຳໜິຕິຊົມຈາກລູກຄ້າ : ບາງເວັບໄຊ ຫລື ແອັບພລິເຄຊັນຈະມີຣີວິວ ຫລື ຂໍ້ຄວາມສະແດງຄວາມຄິດເຫັນຈາກລູກຄ້າທີ່ສັ່ງຊື້ສິນຄ້າຈາກຮ້ານນັ້ນໄປແລ້ວ ເຮົາສາມາດເບິ່ງຄວາມຄິດເຫັນຂອງລູກຄ້າໄດ້ວ່າ ເພິງພໍໃຈກັບສິນຄ້າທີ່ໄດ້ຮັບຫລືບໍ່ ສິນຄ້າມີຄຸນນະພາບ ຫລື ຄຸນສົມບັດກົງຕາມທີ່ໂຄສະນາໄວ້ຫລືບໍ່, ການຈັດສົ່ງວ່ອງໄວ, ທັນໃຈ, ອໍເດີຖືກຕ້ອງຕາມທີ່ສັ່ງຫລືບໍ່ ເພື່ອຈະໄດ້ເປັນໜຶ່ງໃນໂຕເລືອກເພື່ອຕັດສິນໃຈກ່ອນສັ່ງຊື້ກັບຮ້ານນີ້.

- lattana 1 - ເຕັກນິກການຊື້ເຄື່ອງອອນລາຍ ໃຫ້ກຸ້ມຄ່າ, ກຸ້ມເງິນ ແລະ ບໍ່ຖືກໂກງ

     – ແນມຫາສັນຍະລັກ Verify :ຫາກເຮົາຢາກສັ່ງຊື້ສິນຄ້າຈາກບໍລິສັດ ຫລື ອົງກອນທີ່ເປັນທາງການ ເຮົາສາມາດກວດສອບເຄື່ອງໝາຍ Verify ຂອງເວັບໄຊນັ້ນໄດ້ ເຊັ່ນ : ໃນ Page ເຟດບຸກ ມັກຈະມີເຄື່ອງໝາຍຕິກຖືກຕ້ອງສີຟ້າທາງຫລັງຊື່  Page ເຟດບຸກ ຫລື ບາງເວັບໄຊ ອາດມີການສະແດງເຄື່ອງໝາຍຂອງຂໍ້ຄວາມເພື່ອຢັ້ງຢືນວ່າຮ້ານຄ້າຮ້ານນີ້ເປັນຮ້ານຄ້າທາງການ ຂອງຍີ່ຫໍ້ນີ້ແທ້ໆ.

     – ກວດສອບໂປຣໂມຊັນໃຫ້ດີກ່ອນຊື້ : ດຽວນີ້ມີໂປຣໂມຊັນອອນລາຍໃຫ້ເຮົາເລືອກຫລວງຫລາຍ ເຊັ່ນ : ໂປຣໂມຊັນວັນປີໃໝ່,  ໂປຣໂມຊັນ Black Friday, ໂປຣໂມຊັນວັນທີ 11.11 ຫລື 12.12 ຫລື ໂປຣໂມຊັນຕ້ອນຮັບລະດູຮ້ອນ, ຈັດສົ່ງຟຣີ ເປັນຕົ້ນ.

     – ໝັ່ນຕິດຕາມຂ່າວສານໂປຣໂມຊັນຢູ່ສະເໝີ, ຈົດລາຍການສິ່ງຂອງທີ່ເຮົາຕ້ອງການເອົາໄວ້ ເມື່ອມີໂປຣໂມຊັນ ຫລື ໄດ້ຮັບໂຄ໊ດຫລຸດລາຄາມາກໍສາມາດກົດສັ່ງຊື້ໄດ້ໃນລາຄາພິເສດ, ກຸ້ມຄ່າຫລືບໍ່.

     – ເກັບຫລັກຖານໃຫ້ຄົບຖ້ວນ : ການຊື້ເຄື່ອງອອນລາຍຈຳເປັນຕ້ອງອາໄສຄວາມໄວ້ວາງໃຈສູງຫລາຍ ດັ່ງນັ້ນ ເພື່ອເປັນການປົກປ້ອງໂຕເຮົາເອງ ເຮົາຄວນເກັບຫລັກຖານການຊື້ຂາຍຕ່າງໆເອົາໄວ້ໃຫ້ຄົບຖ້ວນ ເຊັ່ນ : ການສົນທະນາທີ່ເວົ້າກັນເປັນລາຍລັກອັກສອນ, ຫລັກຖານການຈ່າຍເງິນ, ເລກບັນຊີຂອງພໍ່ຄ້າແມ່ຄ້າ, ຊ່ອງທາງການຕິດຕໍ່ຕ່າງໆ, ໃບເບິນຮັບເງິນ, ເລກກຳກັບສຳຫລັບຕິດຕໍ່ສະຖານະການຈັດສົ່ງພັດສະດຸ ເປັນຕົ້ນ ເພື່ອທີ່ຈະໄດ້ມີຫລັກຖານເອົາໄວ້ໃຫ້ອຸ່ນໃຈ ເຜື່ອມີເຫດການທີ່ບໍ່ຄາດຄິດເກີດຂຶ້ນ.

error: Content is protected !!