ລັດສັ່ງຢຸດຫລາຍໂຄງການປູກກ້ວຍທີ່ບໍ່ໄດ້ຮັບອະນຸມັດຢູ່ນະຄອນຫລວງວຽງຈັນ

- advert banner 728 90 728x90 - ລັດສັ່ງຢຸດຫລາຍໂຄງການປູກກ້ວຍທີ່ບໍ່ໄດ້ຮັບອະນຸມັດຢູ່ນະຄອນຫລວງວຽງຈັນ

ຮອງລັດຖະມົນຕີກະຊວງກະສິກໍາ-ປ່າໄມ້ ໃຫ້ສໍາພາດໃນວັນທີ 21 ພຶດສະພານີ້ວ່າ: ຂະແໜງການຂອງຕົນໄດ້ສົມທົບກັບອໍານາດການປົກຄອງນະຄອນຫລວງວຽງຈັນມີຄໍາສັ່ງໃຫ້ໂຄງການປູກກ້ວຍຂອງນັກລົງທຶນຕ່າງປະເທດຢູ່ເມືອງສັງທອງ ແລະ ນາຊາຍທອງຢຸດຕິການດໍາເນີນກິດຈະການ, ຫລັງຈາກພົບວ່າເຂົ້າມາລົງທຶນໂດຍບໍ່ໄດ້ຮັບອະນຸຍາດຖືກຕ້ອງຕາມລະບຽບກົດໝາຍ ສປປ ລາວ.

   ສວນກ້ວຍດັ່ງກ່າວນີ້, ແມ່ນພວມຢູ່ໃນຂັ້ນຕອນການບຸກເບີກເນື້ອທີ່ດິນເກືອບ 200 ເຮັກຕາ, ໂດຍນັກລົງທຶນໄດ້ເຊົ່າທີ່ດິນນໍາປະຊາຊົນໃນເຂດດັ່ງກ່າວເຊິ່ງຢູ່ໃກ້ກັບແມ່ນໍ້າງື່ມ, ນອກນີ້ຍັງພົບເກີດມີບັນຫາການບຸກລຸກເອົາດິນຂອງປະຊາຊົນຢູ່ໃກ້ຄຽງນໍາອີກຈຶ່ງໃຫ້ຢຸດຕິທັນທີ ເພື່ອຫລີກເວັ້ນຜົນກະທົບຕໍ່ສິ່ງແວດລ້ອມ-ສັງຄົມອື່ນໆຕາມມາ.

- Tiger Head 728x90 - ລັດສັ່ງຢຸດຫລາຍໂຄງການປູກກ້ວຍທີ່ບໍ່ໄດ້ຮັບອະນຸມັດຢູ່ນະຄອນຫລວງວຽງຈັນ
- 1 1 - ລັດສັ່ງຢຸດຫລາຍໂຄງການປູກກ້ວຍທີ່ບໍ່ໄດ້ຮັບອະນຸມັດຢູ່ນະຄອນຫລວງວຽງຈັນ

   ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງດັ່ງກ່າວ ໃຫ້ຮູ້ວ່າ: ພາຍຫລັງມີແຈ້ງການຂອງນາຍົກລັດຖະມົນຕີວ່າດ້ວຍການໂຈະການອະນຸຍາດປູກກ້ວຍໃນທົ່ວປະເທດ, ກະຊວງກະສິກໍາ-ປ່າໄມ້ ໄດ້ເປັນເຈົ້າການປະສານສົມທົບກັບພາກສ່ວນກ່ຽວຂ້ອງ ແລະ ທ້ອງຖິ່ນຕ່າງໆ ໃນການກວດກາກິດຈະການປູກກ້ວຍຂອງນັກລົງທຶນຕ່າງປະເທດໃນທົ່ວປະເທດເພື່ອໃຫ້ເຄື່ອນໄຫວຖືກຕ້ອງສອດຄ່ອງຕາມລະບຽບກົດໝາຍ, ໂດຍສະເພາະແມ່ນການຂໍອະນຸຍາດລົງທຶນ, ສໍາປະທານທີ່ດິນ, ການນໍາໃຊ້ສານເຄມີຕ່າງໆ ແມ່ນຕ້ອງປະຕິບັດຕາມຂັ້ນຕອນ ແລະ ມາດຕະຖານຕາມລະບຽບກົດໝາຍກໍານົດຄື: ໃນປີ 2017 ຜ່ານມາ, ເນື້ອທີ່ສວນກ້ວຍທົ່ວປະເທດມີຫລາຍກວ່າ 26 ພັນເຮັກຕາ ແລະ ປັດຈຸບັນຍັງເຫລືອພຽງ 15 ພັນເຮັກຕາຂອງ 90 ບໍລິສັດຜູ້ລົງທຶນ. ສໍາລັບການປູກກ້ວຍຢູ່ນະຄອນຫລວງວຽງຈັນສ່ວນຫລາຍແມ່ນຢູ່ເຂດເມືອງສັງທອງ, ນາຊາຍທອງ ແລະ ປາກງື່ມ ມີປະມານ 500 ກວ່າເຮັກຕາ.

error: Content is protected !!