ອົງການກວດສອບແຫ່ງລັດ ຫວນຄືນມູນເຊື້ອ 2 ວັນປະຫວັດສາດ

- advert banner 728 90 728x90 - ອົງການກວດສອບແຫ່ງລັດ ຫວນຄືນມູນເຊື້ອ 2 ວັນປະຫວັດສາດ

ໃນວັນທີ 21 ພຶດສະພານີ້, ອົງການກວດສອບແຫ່ງລັດ ໄດ້ຈັດພິທີເລົ່າມູນເຊື້ອວັນຜ່າວົງປິດລ້ອມ ຂອງກອງພັນທີ 2 ວີລະຊົນທີ່ທົ່ງໄຫຫີນ ຊຽງຂວາງ ຄົບຮອບ 60 ປີ (19/5/1959-19/5/2019) ແລະ ວັນວິລະກໍາໂຕນຄຸກຢ່າງມະຫັດສະຈັນ ຂອງບັນດາຜູ້ນໍາພັກ ແລະ ແນວລາວຮັກຊາດ ຄົບຮອບ 59 ປີ (24/5/1960-24/5/2019), ໂດຍທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ ໄດ້ຍົກໃຫ້ເຫັນປະຫວັດຄວາມເປັນມາ, ມູນເຊື້ອການຕໍ່ສູ້ຢ່າງພິລະອາດຫານຂອງກອງທັບ ແລະ ປະຊາຊົນ, ມູນເຊື້ອຄວາມເປັນແບບຢ່າງອັນດີງາມຂອງຜູ້ນໍາຂອງພັກ-ລັດ ພາຍຫຼັງທີ່ປະຕິບັດຕາມສັນຍາວຽງຈັນ ໃນການເຂົ້າລວມລາວ ຄັ້ງທີ I ຝ່າຍລາວຮັກຊາດ ແລະ ກໍາລັງສະໜັບສະໜູນ ນັບມື້ນັບມີອິດທິພົນສູງເດັ່ນຂຶ້ນໃນທົ່ວປະເທດ ແລະ ເວທີສາກົນສ້າງຄວາມບໍ່ພໍໃຈໃຫ້ຝ່າຍວຽງຈັນ ທີ່ເປັນລູກແຫຼ່ງຕີນມືຂອງພວກຈັກກະພັດ ຈຶ່ງໄດ້ດໍາເນີນການປາບປາມຈັບກຸມຄຸມຂັງກໍາລັງຝ່າຍແນວລາວຮັກຊາດ ແລະ ບຸກຄົນທີ່ຮັກຊາດຢ່າງໂຫດຮ້າຍ, ໃນວັນທີ 22 ກໍລະກົດ 1958 ຜຸຍ ຊະນະນິກອນ ໄດ້ໂຄ່ນລົ້ມລັດຖະບານປະສົມແຫ່ງຊາດ 2 ຝ່າຍ, ໄດ້ອອກກົດໝາຍຕ້ານກອມມູນິດ, ລຶບລ້າງສັນຍາເຊີແນວປີ 1954 ແລະ ສັນຍາວຽງຈັນ ປີ 1957 ດໍາເນີນການປາບປາມຂະບວນການ ປະຕິວັດທົ່ວປະເທດ ແລະ ອອກຄໍາສັ່ງໃຫ້ກໍາລັງທະຫານປິດລ້ອມປົດອາວຸດກອງພັນທີ 1 ແລະ ທີ 2 ໃນຕົ້ນເດືອນ ພຶດສະພາ 1959. ວັນທີ 15-17 ພຶດສະພາ 1959 ພວກເຂົາໄດ້ສັ່ງກໍາລັງຫຼວງ 4 ກອງພັນ ເຂົ້າມາ ປິດລ້ອມຄ້າຍກອງພັນທີ 2, ສັ່ງໃຫ້ທະຫານ ວັງປາວ ສະກັດລັດທາງອ້ອມຂ້າງທົ່ງໄຫຫີນ ເພື່ອບໍ່ໃຫ້ກອງພັນທີ 2 ເລັດລອດອອກໄປໄດ້. ຕໍ່ໜ້າສະພາບສັບສົນຂ້ຽວຂາດ ໃນຄໍ່າຄືນຂອງວັນທີ 18 ພຶດສະພາ 1959 ຄະນະພັກ-ຄະນະບັນຊາກອງພັນທີ 2 ພາຍໃຕ້ການຊີ້ນໍາຂອງສູນກາງພັກ ໄດ້ໃຊ້ກົນອຸບາຍຫຼອກສັດຕູ ແລະ ແຕ່ລະກົມກອງ ພ້ອມກັບຄອບຄົວ ພະນັກງານ, ນັກຮົບທັງໝົດ ໄດ້ນໍາໃຊ້ຄວາມມືດຖອນທັບໄປທາງທິດຕາເວັນຕົກສ່ຽງໃຕ້ມຸ້ງໜ້າຫາເຂດບ້ານໂຕນ, ນາແຖງ, ໜອງຕິ້ວແລ້ວເຂົ້າປ່າ ໄປຫາບ້ານຄ້າຍຢ່າງປິດລັບ. ຕົກມາຮອດເວລາ 7 ໂມງເຊົ້າຂອງວັນທີ 19 ພຶດສະພາ ປີ 1959 ສັດຕູບຸກເຂົ້າປົດອາວຸດກອງພັນທີ 2 ແຕ່ພວກເຂົາຕົກສະເງີ້ ເພາະຢູ່ໃນຄ້າຍມີແຕ່ຄວາມມິດງຽບ ແລະ ວ່າງເປົ່າ, ພວກສັດຕູເຈັບແຄ້ນແໜ້ນໃຈ ແລະ ໄດ້ຮີບຮ້ອນໃຫ້ທຸກກໍາລັງໄລ່ຕາມຫວັງດັບສູນ ກອງພັນທີ 2, ພວກເຂົາ ໄດ້ລະດົມເອົາ 6 ກອງພັນທີ່ຂຶ້ນກັບທະຫານພາກ 2, ເຮືອບິນຊ່ວຍໜູນ ອ້ອມຂ້າງທົ່ງໄຫຫີນ ເພື່ອໄລ່ຕາມແຕ່ບໍ່ສາມາດຕິດຕາມໄດ້ທັນ. ໃນການເຄື່ອນທັບ 10 ກວ່າວັນ ກອງພັນທີ 2 ໄດ້ສູ້ຮົບກັບສັດຕູທັງນ້ອຍ ແລະ ໃຫຍ່ 10 ຄັ້ງ ສຸດທ້າຍກອງພັນທີ 2 ພ້ອມກັບ 91 ຄອບຄົວໄດ້ ຜ່າວົງປິດລ້ອມທີ່ໜາແໜ້ນຂອງສັດຕູໄປສູ່ເຂດທີ່ໝັ້ນຂອງການປະຕິວັດ ດ້ວຍຄວາມປອດໄພ. ຫຼັງຈາກນັ້ນ ພວກລັດຖະບານຫຸ່ນວຽງຈັນ ກໍບໍ່ລົດລະຄວາມພະຍາຍາມທີ່ຊົ່ວຮ້າຍໃນການຫວັງທໍາລາຍກອງກໍາລັງປະຕິວັດ ແລະ ປະຊາຊົນລາວຜູ້ຮັກຊາດ.

- new3 - ອົງການກວດສອບແຫ່ງລັດ ຫວນຄືນມູນເຊື້ອ 2 ວັນປະຫວັດສາດ

 ໃນວັນທີ 18 ກໍລະກົດ 1959 ພວກສັດຕູໄດ້ຈັບກຸມຄຸມຂັງບັນດາຜູ້ນໍາພັກ ແລະ ແນວລາວຮັກຊາດ 16 ທ່ານ ທີ່ເຂົ້າຮ່ວມລັດຖະບານປະສົມ ເຂົ້າຄຸກໂພນເຄັງ ແຕ່ຍ້ອນການຊີ້ນໍາ ທີ່ສະຫຼາດສ່ອງໃສຂອງສູນກາງພັກ ນໍາໂດຍປະທານ ໄກສອນ ພົມວິຫານ ແລະ ຄວາມເກັ່ງກ້າສາມາດ ຂອງທ່ານຜູ້ນທັງ 16 ທ່ານ ມາຮອດ ເວລາ 00 ໂມງ ຂອງວັນທີ 24 ພຶດສະພາ 1960 ຫຼັງຈາກຖືກກັກຂັງ ເກືອບ 300 ວັນ ຜູ້ນໍາທັງຫມົດກໍສາມາດໂຕນອອກຈາກຄຸກ ແລະ ກັບໄປສູ່ເຂດທີ່ໝັ້ນຢ່າງປອດໄພ ພ້ອມກັບຄະນະຊີ້ນໍາສູນກາງພັກສືບຕໍ່ນໍາພາ ພາລະກິດປະຕິວັດຈົນໄດ້ຮັບໄຊຊະນະ. ວິລະກໍາຜ່າວົງປິດລ້ອມຂອງກອງພັນທີ 2 ທີ່ທົ່ງໄຫຫີນ ຊຽງຂວາງ ແລະ ການໂຕນຄຸກ ແບບລວມໝູ່ຂອງບັນດາຜູ້ນໍາພັກ ແລະ ແນວລາວຮັກຊາດ ຢ່າງມະຫັດສະຈັນຄັ້ງນີ້ ແມ່ນມີຄວາມສ່ຽງສູງທີ່ສຸດບໍ່ມີຜູ້ໃດຈະຄິດວ່າຈະເປັນໄປໄດ້ ຈຶ່ງຖືກຈາລຶກໄວ້ໃນປະຫວັດສາດຂອງລາວສູ່ເຊັ່ນລູກເຊັ່ນຫຼານຕໍ່ໆໄປ.

- lattana 1 - ອົງການກວດສອບແຫ່ງລັດ ຫວນຄືນມູນເຊື້ອ 2 ວັນປະຫວັດສາດ
error: Content is protected !!