ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ

- drug n - ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ
- Untitled design - ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ

ໃນໄລຍະການຢ້ຽມຢາມ ລາວ ເປັນເວລາ 2 ວັນ ຜ່ານມານີ້, ທ່ານນາງ ເຄີສະເຕັນ ດີ ເມດີສັນ (Kirsten D. Madison) ຜູ້ຊ່ວຍລັດຖະມົນຕີ ຮັບຜິດຊອບວຽກງານປາບປາມ ຢາເສບຕິດ ແລະ ປະຕິບັດກົດໝາຍ (INL) ໄດ້ພົບກັບລັດຖະມົນຕີກະຊວງການຕ່າງປະເທດ ທ່ານ ສະເຫຼີມໄຊ ກົມມະສິດ, ຮອງລັດຖະມົນຕີກະຊວງການເງິນ ທ່ານນາງ ທິບພະກອນ ຈັນທະວົງສາ ແລະ ຮອງລັດຖະມົນກະຊວງປ້ອງກັນຄວາມສະຫງົບ ທ່ານ ພົນຕີ ກົງທອງ ພົງວິຈິດ. ເພື່ອແນໃສ່ການຮ່ວມມືລະຫວ່າງ ສອງປະເທດໃນຂົງເຂດ ກົດໝາຍ ແລະ ວຽກງານຕ້ານຢາເສບຕິດ ແລະ ອາຊະຍາກໍາຂ້າມຊາດ ແລະ ການສົ່ງເສີມລັດແຫ່ງກົດໝາຍ.

ໃນການໄປຢ້ຽມຢາມການຝຶກອົບຮົມຂອງກົມພາສີຂອງ ສປປ ລາວ, ທ່ານຜູ້ຊ່ວຍລັດຖະມົນຕີ ເມດິສັນ ໄດ້ຍ້ອງຍໍ ການຮ່ວມມືດ້ານການບັງຄັບໃຊ້ກົດໝາຍ ເປັນເວລາ 30 ປີ ລະຫວ່າງສອງລັດຖະບານ ເຊິ່ງນໍາພາໂດຍພະແນກ INL.

ທ່ານຜູ້ຊ່ວຍລັດຖະມົນຕີ ເມດິສັນ ກ່າວວ່າ “ໃນຊ່ວງໄລຍະນີ້, ສອງປະເທດ ໄດ້ເຮັດວຽກຮ່ວມກັນສະກັດກັ້ນ ແລະ ຕ້ານອາຊະຍາກໍາຂ້າມຊາດ, ຕ້ານຢາເສບຕິດ, ການຄ້າມະນຸດ ແລະ ການຄ້າສັດປ່າຜິດກົດໝາຍ ດັ່ງກ່າວ ແລະ ຄາດວ່າການຮ່ວມມືຈະໄດ້ຮັບການເສີມສຂະຫຍາຍ”

ປັດຈຸບັນສະຫະລັດກໍາລັງສະໜອງການຊ່ວຍເຫຼືອ ເພື່ອຍົກລະດັບຄວາມອາດສາມາດຂອງ ລັດຖະບານ ລາວ ໃນການສະກັດກັ້ນ ແລະ ຕ້ານການຄ້າຢາເສບຕິດຜິດກົດໝາຍ ໂດຍສະເພາະພະແນກ INL ໄດ້ສະໜອງການຝືກອົບຮົມ ແລະ ອຸປະກອນເຄື່ອງມືໃຫ້ເຈົ້າໜ້າທີ່ບັງຄັບໃຊ້ກົດໝາຍ ແລະ ການສະໜັບສະໜູນໂຄງການພັດທະນາຕ່າງໆ ໃຫ້ຊາວກະສີກອນທີ່ເຄີຍປູກຝິ່ນ ແລະ ບັນດາສູນບໍາບັດການຕິດຢາເສບຕິດ ພ້ອມສະໜັບສະໜູນການເຮັດວຽກຮ່ວມກັບລັດຖະບານລາວ ເພື່ອປັບປຸງລັດແຫ່ງກົດໝາຍ ແລະ ສ້າງຄວາມອາດສາມາດໃນການສະກັດກັ້ນ ແລະ ຕ້ານອາຊະຍາກໍາຂ້າມຊາດ ໂດຍສະເພາະການຄ້າຢາເສບຕິດ, ການຄ້າສັດປ່າ ແລະ ການຄ້າມະນຸດລຽບເຂດຊາຍແດນຂອງປະເທດ. ເຊິ່ງກິດຈະກໍາຫຼັກ ປະກອບມີ ການສະໜອງການຝຶກອົບຮົມໃຫ້ຕໍາຫຼວດ, ພະນັກງານພາສີ, ຜູ້ພິພາກສາ ແລະ ໄອຍາການ ເພື່ອສະໜັບສະໜູນຄວາມພະຍາຍາມຂອງພວກເຂົາ ໃນການຫຼຸດຜ່ອນອາຊະຍາກໍາຂ້າມຊາດ.  ແລະ ເພື່ອຍົກລະດັບຄວາມສາມາດໃນດ້ານການຕ້ານການຟອກເງິນ.

- Wave100S AD to Website 2020 0 - ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ

  ນັບແຕ່ປີ 1989  ເປັນຕົ້ນມາ ພະແນກ INL ໄດ້ປະກອບສ່ວນຫຼາຍກວ່າ 60 ລ້ານໂດລາ ເພື່ອສະໜັບສະໜູນໂຄງການຕ່າງໆ ຢູ່ ລາວນັບຕັ້ງແຕ່ ໂຄງການບໍາບັດຜູ້ຕິດຢາເສບຕິດ ໄປຮອດ ໂຄງການພັດທະນາການປູກພືດ ສໍາລັບຊາວກະສີກອນທີ່ເຄີຍປູກຝິ່ນອື່ນໆອີກ.

- WhatsApp Image 2020 05 27 at 5 - ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ
- WhatsApp Image 2020 05 27 at 5 - ສະຫະລັດອາເມລິກາ ເພີ່ມການສະໜັບສະໜູນລັດຖະບານລາວ ໃນວຽກງານຕ້ານຢາເສບຕິດ
error: Alert: ເນື້ອຫາຂ່າວມີລິຂະສິດ !!