ນັກທຸລະກິດສະຫວັນນະເຂດ-ກວາງບິ່ງ ເພີ່ມທະວີຮ່ວມມືດ້ານການຄ້າ

- advert banner 728 90 728x90 - ນັກທຸລະກິດສະຫວັນນະເຂດ-ກວາງບິ່ງ ເພີ່ມທະວີຮ່ວມມືດ້ານການຄ້າ

ກອງປະຊຸມຮ່ວມທຸລະກິດການຄ້າສະຫວັນນະເຂດ-ກວາງບິ່ງ ສສ ຫວຽດນາມ ປະຈໍາປີ 2019 ໄດ້ຈັດຂຶ້ນທີ່ເທສະບານແຂວງສະຫວັນນະເຂດ ໃນວັນທີ 17 ພຶດສະພານີ້ ຝ່າຍລາວນໍາໂດຍ ທ່ານ ໂພສີນ້ອຍ ກຸທິລາດ ຮອງຫົວໜ້າພະແນກອຸດສາຫະກໍາ-ການຄ້າ (ອຄ) ແຂວງ ແລະ ຝ່າຍຫວຽດນາມນໍາໂດຍທ່ານ ຟານຮວາຍນາມ ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງກວາງບິ່ງ ແລະ ນັກທຸລະກິດຂອງທັງສອງແຂວງເຂົ້າຮ່ວມເປັນຈໍານວນຫຼາຍ, ເພື່ອເປີດໂອກາດໃຫ້ນັກທຸລະກິດສອງແຂວງໄດ້ແລກປ່ຽນບົດຮຽນ ແລະ ປະສົບການຕ່າງໆນໍາກັນ ໃນການພົວພັນແລກປ່ຽນສິນຄ້າເຊິ່ງກັນ ແລະ ກັນ ລະຫວ່າງສອງຝ່າຍນັບມື້ກວ້າງຂວາງ ແລະ ເຂົ້າສູ່ລວງເລິກຕາມທິດທາງນະໂຍບາຍຂອງສອງພັັກ, ລັດຖະບານລາວ-ຫວຽດນາມ ໃນການສ້າງຄວາມເຂັ້ມແຂງໃຫ້ບັນດາແຂວງ ແລະ ຕົວເມືອງທີ່ມີທ່າແຮງບົ່ມຊ້ອນ ເພື່ອຊຸກຍູ້ສົ່ງເສີມເຊິ່ງກັນ ແລະ ກັນໃນການຂຸດຄົ້ກໍາລັງແຮງການຜະລິດຂະໜາດນ້ອຍ ແລະ ກາງ ເພື່ອຍູ້ແຮງການສົ່ງເສີມອອກຂອງສອງວິສາຫະກິດ ແລະ ປະຊາຊົນໃຫ້ມີການຂະຫຍາຍຕົວຢ່າງແຂງແຮງດີຂຶ້ນເປັນກ້າວໆ.

- new3 - ນັກທຸລະກິດສະຫວັນນະເຂດ-ກວາງບິ່ງ ເພີ່ມທະວີຮ່ວມມືດ້ານການຄ້າ

    ໃນງານພົບປະດັ່ງກ່າວຍັງໄດ້ເປີດວາງສະແດງ ແລະ ຈໍາໜ່າຍຜະລິດຕະພັນສິນຄ້າຕ່າງໆຂອງແຂວງສະຫວັນນະເຂດ ແລະ ແຂວງກວາງບິ່ງ ເຊິ່ງລ້ວນແຕ່ເປັນຜະລິດຕະພັນທີ່ມີຊື່ສຽງຂອງທ້ອງຖິ່ນ ໂອກາດນີ້, ໄດ້ມີຫຼາຍບໍລິສັດ ແລະ ຫ່າງຮ້ານຕ່າງໆໄດ້ີການຈັບຄູ່ທຸລະກິດນໍາກັນເຖິງ 6 ຄູ່ຄື: ກຸ່ມຜະລິດ-ປຸງແຕ່ງຜະລິດຕະພັນອາຫານທຸເວື່ອນດວ່ານ (ຜູ້ຈໍາໜ່າຍສິນຄ້າ) ແລະ ບໍລິສັດ ສັງວານຄໍາການຄ້າຂາເຂົ້າ-ຂາອອກ ຈໍາກັດຜູ້ດຽວ (ຜູ້ບໍລິໂພກ, ຜູ້ຊື້), ບໍລິສັດ ອານນົງ ຈໍາກັດຜູ້ດຽວ ( ຜູ້ຈັດຈໍາໜ່າຍສິນຄ້າ) ກັັັັບບໍລິສັດ ສາຍພູຫຼວງການຄ້າຂາເຂົ້າ-ຂາອອກ ຈໍາກັດຜູ້ດຽວ (ຜູ້ບໍລິໂພກ, ຜູ້ຊື້) ກຸ່ມຜະລິດ-ປຸງແຕ່ງຜະລິດຕະພັນອາຫານທຸເວື່ອນດວ່ານ (ຜູ້ຈໍາໜ່າຍສິນຄ້າ) ກັບບໍລິສັດ ເບຍສະຫວັນ (ຜູ້ບໍລິໂພກ, ຜູ້ຊື້) ຈາກນີ້ກໍມີກຸ່ມຜະລິດ ແລະ ບໍລິສັດການຮຶງຟ້ານ (ຜູ້ຈັດຈໍາໜ່າຍສິນຄ້າ) ກັບບໍລິສັດ ສັງວານຄໍາການຄ້າຂາເຂົ້າ-ຂາອອກ ຈໍາກັດຜູ້ດຽວ (ຜູ້ບໍລິໂພກ, ຜູ້ຊື້) ກຸ່ມຜະລິດ-ປຸງແຕ່ງຜະລິດຕະພັນອາຫານທຸເວື່ອນດວ່ານ (ຜູ້ຈໍາໜ່າຍສິນຄ້າ) ກັບບໍລິສັດ ເກດສະໜາການຄ້າຂາເຂົ້າ-ຂາອອກ ຈໍາກັດຜູ້ດຽວ ແລະ ກຸ່ມຜະລິດ-ປຸງແຕ່ງຜະລິດຕະພັນຈາກເຫັດ ແລະ ທຸລະກິດກະສິກໍາ ຕວັນລິງ (ຜູ້ຈໍາໜ່າຍສິນຄ້າ) ກັບບໍລິສັດ ສັງວານຄໍາການຄ້າຂາເຂົ້າ-ຂາອອກ ຈໍາກັດຜູ້ດຽວ (ຜູ້ບໍລິໂພກ, ຜູ້ຊື້) ເຊິ່ງທັງສອງຝ່າຍກໍໄດ້ມີການເຊັນບົດບັນທຶກຮ່ວມທຸລະກິດນໍາກັນອື່ນໆອີກ.

- lattana 1 - ນັກທຸລະກິດສະຫວັນນະເຂດ-ກວາງບິ່ງ ເພີ່ມທະວີຮ່ວມມືດ້ານການຄ້າ
error: Content is protected !!