ປະຫວັດຂອງທ່ານ ເຊ ກູວາຣາ ນັກປະຕິວັດແຫ່ງລາຕິນອະເມລິການ ຜູ້ກອບກູ້ເສລີພາບຂອງໂລກ

- advert banner 728 90 728x90 - ປະຫວັດຂອງທ່ານ ເຊ ກູວາຣາ ນັກປະຕິວັດແຫ່ງລາຕິນອະເມລິການ ຜູ້ກອບກູ້ເສລີພາບຂອງໂລກ

ທ່ານ ກູວາຣາ ເກີດໃນປີ 1928, ຊື່ເຕັມຂອງທ່ານຄື ເອີເນສໂຕ ຣາຟາເອລ ກູວາຣາ ເດີ ລາເຊີນາ, ເກີດທີ່ປະເທດອາເຈນຕິນາ ຄອບຄົວຂອງທ່ານເປັນຄົນສະເປນອົບພະຍົບມາ ມີພີ່ນ້ອງທັງໝົດ 5 ຄົນ, ໃນໄວເດັກ ຣາຟາເອລ ເປັນຄົນທີ່ມັກຫຼິ້ນກິລາຣັກບີ້ຫຼາຍ ເຖິງຈະມີບັນຫາສຸຂະພາບຄືໂຣຼກຫອບຫືດກໍຕາມ ເມື່ອໃຫຍ່ຂຶ້ນທ່ານເຂົ້າຮຽນຄະນະແພດສາດ ມະຫາວິທະຍາໄລບົວໂນສໄອເຣສ ຈົນຈົບການສຶກສາ.

- new3 - ປະຫວັດຂອງທ່ານ ເຊ ກູວາຣາ ນັກປະຕິວັດແຫ່ງລາຕິນອະເມລິການ ຜູ້ກອບກູ້ເສລີພາບຂອງໂລກ

     ກິດຈະກໍາຍາມວ່າງຂອງທ່ານ ຣາຟາເອລ ໃນໄລຍະທີ່ຮຽນໝໍຢູ່ກໍຄື ການຂັບຂີ່ລົດໄປທ່ຽວທົ່ວເຂດລາຕິນອະເມລິກາ ທ່ານໃຊ້ລົດຈັກນອຣ໌ຕັນ 500 ຊີຊີ ອອກເດີນທາງໄປຕາມແຜນທີ່ພ້ອມກັບຮັບໜ້າທີ່ເປັນອາສາສະໝັກກ່ຽວກັບສຸຂະພາບຂອງປະຊາຊົນ ການເດີນທາງໃນຄັ້ງນີ້ເປີດໂລກຂອງທ່ານ ຣາຟາເອລ ໃຫ້ຮູ້ຈັກທະວີບອາເມລິກາລາຕິນຫຼາຍຂຶ້ນຈົນກາຍເປັນແຮງບັນດາໃຈໃຫ້ແກ່ທ່ານໃນໄລຍະຕໍ່ມາ.

     ຫາກເບິ່ງຊື່ແທ້ໃນຫຍໍ້ໜ້າທໍາອິດ ຈະເຫັນວ່າບໍ່ມີຄໍາວ່າ ເຊ ເລຍ ແລ້້ວຄໍານີ້ມາໄດ້ແນວໃດ ຢ້ອນໄປຕອນທີ່ທ່ານ ຣາຟາເອລ ກໍາລັງເຂົ້າໄປວາງແຜນປະຕິຮູບໃນປະເທດ ກົວເຕມາລາ ຕອນນັ້ນຜູ້ຕິດຕາມຂອງທ່ານເລີ່ມຮ້ອງທ່ານວ່າ ເຊ ຊຶ່ງຄໍານີ້ເປັນຄໍາອຸທານຈາກພາສາສະເປນ ໝາຍເຖິງຄໍາທັກທາຍແບບໄວໜຸ່ມ ບາງທ້ອງຖິ່ນຄໍານີ້ຍັງແປວ່າ ໝູ່ ຫຼືເພື່ອນອີກດ້ວຍ ຣາຟາເອລ ເຫັນວ່າຊື່ນີ້ມີຄວາມໝາຍດີ ຈຶ່ງນໍາມາເພີ່ມໃສ່ກັບຊື່ເດີມ ແລ້ວຮ້ອງຕົນເອງວ່າ ເຊ ກູວາຣາ ຕັ້ງແຕ່ນັ້ນມາ.

     ຈຸດເລີ່ມຕົ້ນຂອງການປະຕິວັດ: ເຖິງວ່າທ່ານຈະເລີ່ມສົນໃຈການປະຕິວັດມາແຕ່ຮຽນ ແຕ່ເຫດຜົນທີ່ເຮັດໃຫ້ທ່ານໄດ້ກາຍເປັນນັກປະຕິວັດຕົວຈິງ ຄືຕອນທີ່ທ່ານເຂົ້າຮ່ວມກັບ ຟິເດສ ຄາສໂທຣ ແລະ ນ້ອງຊາຍຂອງທ່ານ ຣາອູລ ເພື່ອໂຄ່ນລົ້ມລັດຖະບານທະຫານໃນຂະນະນັ້ນ ທັງ 3 ຄົນຮ່ວມກັບຄະນະປະຕິວັດສໍາເລັດ ເຮັດໃຫ້ ເຊ ພູວາຣາ ໄດ້ຮັບການຍົກຍ້ອງທັງຊື່ສຽງ, ຕໍາແໜ່ງ ແຕ່ບໍ່ໜ້າເຊື່ອວ່າຫຼັງຈາກນັ້ນໄລຍະໜຶ່ງ ທ່ານໄດ້ຫາຍຕົວໄປຢ່າງລຶກລັບ ຈົນໄປປາກົດຕົວຢູ່ສະຖານທີ່ອື່ນ ເພື່ອຊ່ວຍໃຫ້ການປະຕິວັດຫຼາຍແຫ່ງໄດ້ຮັບຜົນສໍາເລັດ.

- lattana 1 - ປະຫວັດຂອງທ່ານ ເຊ ກູວາຣາ ນັກປະຕິວັດແຫ່ງລາຕິນອະເມລິການ ຜູ້ກອບກູ້ເສລີພາບຂອງໂລກ

      ການກະທໍາຂອງ ເຊ ກູວາຣາ ຕ້ອງຍອມຮັບເລີຍວ່າ ທ່ານເປັນຜູ້ຢູ່ເບື້ອງຫຼັງການປະຕິວັດທີ່ເກີດຂຶ້ນໃນຍຸກນັ້ນ ແລະ ສໍາເລັດໄດ້ກໍເພາະທ່ານມີສ່ວນຊຸກຍູ້ພ້ອມກັບໃຫ້ການສະໜັບສະໜູນ ຈຶ່ງເຮັດໃຫ້ທ່ານຖືກຍົກຍ້ອງໃນຖານະວີລະບູລຸດຜູ້ປ່ຽນແປງອາເມລິກາລາຕິນ ຢ່າງແທ້ຈິງ.

error: Content is protected !!