5 ວິທີໃຊ້ເງິນໜ້ອຍໆ, ແຕ່ມີຄວາມສຸກຫລາຍໆ

- advert banner 728 90 728x90 - 5 ວິທີໃຊ້ເງິນໜ້ອຍໆ, ແຕ່ມີຄວາມສຸກຫລາຍໆ

     ຫລາຍຄົນຄິດວ່າຍິ່ງມີເງິນຫລາຍຈະຍິ່ງມີຄວາມສຸກ, ແຕ່ຮູ້ຫລືບໍ່ວ່າໃຊ້ເງິນໜ້ອຍໆກໍມີຄວາມສຸກຫລາຍໆໄດ້ຄືກັນ.

- new3 - 5 ວິທີໃຊ້ເງິນໜ້ອຍໆ, ແຕ່ມີຄວາມສຸກຫລາຍໆ

   1. ໃຊ້ເງິນຊື້ປະສົບການ ສຸກດົນກ່ວາຊື້ສິ່ງຂອງ :“ຖ້າຂ້ອຍຮັ່ງມີເມື່ອໃດ ຂ້ອຍຈະຊື້ທຸກຢ່າງທີ່ຂວາງໜ້າ ແລ້ວຂ້ອຍກໍຈະມີຄວາມສຸກ” ຄົນສ່ວນຫລາຍເຊື່ອແບບນີ້ມາແຕ່ດົນນານ ໂດຍບໍ່ເຄີຍຕັ້ງຄຳຖາມວ່າແທ້ຫລືບໍ່.

     ນັກວິໄຈພົບວ່າ : ຄົນເຮົາມີຄວາມສຸກກັບສິ່ງຂອງໃໝ່ໆພຽງແຕ່ໄລຍະເວລາອັນສັ້ນໆເທົ່ານັ້ນ ເພາະມະນຸດມີຄວາມສາມາດໃນການປັບໂຕທີ່ດີເລີດ ເຖິງວ່າສິ່ງຂອງສິ່ງນັ້ນຈະຫລູຫລາ, ໃຫ້ຄວາມສະດວກສະບາຍປານໃດກໍຕາມ, ແຕ່ເມື່ອເວລາຜ່ານໄປ ເຮົາກໍຈະປັບໂຕເຂົ້າກັບສິ່ງຂອງເຫລົ່ານັ້ນ ແລະ ບໍ່ໄດ້ຮູ້ສຶກຕື່ນເຕັ້ນຫຍັງກັບມັນໄດ້ຫລາຍປານໃດ (ແລະນີ້ກໍເປັນເຫດຜົນວ່າເປັນຫຍັງເຮົາຈຶ່ງຢາກໄດ້ສິ່ງຂອງໃໝ່ໆຢູ່ຕະຫລອດເວລາ). ແຕ່ສິ່ງຂອງໃໝ່ໆຊຳ້ພັດໃຫ້ຄວາມຮູ້ສຶກກົງກັນຂ້າມກັບປະສົບການໃໝ່ໆ ເຊິ່ງຈະສ້າງຄວາມຮູ້ສຶກຕື່ນເຕັ້ນສຸດຊຶ້ງ ແລະ ຕິດອົດຕິດໃຈຫລາຍກ່ວາ ສະນັ້ນແລ້ວ ຖ້າຈະໃຊ້ເງິນໂດຍຫວັງວ່າຈະມີຄວາມສຸກຫລາຍຂຶ້ນ ແທນການຈະຊື້ສິ່ງຂອງ ນັກວິໄຈຈຶ່ງແນະນຳໃຫ້ຊື້ປະສົບການດີກ່ວາ. ແລະນີ້ແມ່ນປະສົບການທີ່ຄົ້ນພົບ ແລ້ວວ່າຈະຝາກຄວາມປະທັບໃຈໃຫ້ຄົນເຮົາມີຄວາມສຸກມ່ວນຊື່ນໄດ້ຢ່າງບໍ່ໜ້າເຊື່ອ ດັ່ງນີ້ :

    – ປະສົບການທີ່ເຮັດໃຫ້ເຮົາໄດ້ໃກ້ຊິດເພື່ອນມະນຸດ ເຊັ່ນ : ແທນການຈະຊື້ກະເປົາຫລູຫລາ ກໍປ່ຽນມາເປັນເຈົ້າພາບງານລ້ຽງອາຫານຕາມສະຖານສົງເຄາະຕ່າງໆ.

    – ປະສົບການທີ່ໂດດເດັ່ນ ປະທັບໃຈຈົນເກັບໄວ້ເລົ່າໃຫ້ໃຜໆຟັງໄດ້ເປັນປີໆ ເຊັ່ນ : ຂີ່ລົດຖີບ ຫລື ແລ່ນມາຣາທອນຂ້າມປະເທດເພື່ອການກຸສົນ, ໄປປີນພູປີນຜາ ເປັນຕົ້ນ.

    – ປະສົບການທີ່ເຮັດໃຫ້ເຮົາກັບເປັນໂຕຂອງໂຕເອງ ຫລື ເຮັດໃຫ້ເຮົາເຂົ້າໃກ້ຄວາມຝັນຫລາຍຂຶ້ນ ເຊັ່ນ : ເຂົ້າສູນຝຶກອົບຮົມຮຽນຮູ້ໃນສິ່ງທີ່ເຮົາສົນໃຈ.

    2. ປ່ຽນສິ່ງຂອງທີ່ໄດ້ຈົນລຶ້ງເຄີຍທຸກມື້ ເປັນຂອງລາງວັນໃນໂອກາດພິເສດ : ຖ້າເຮົາມັກການເລີ່ມຕົ້ນມື້ໃໝ່ໂດຍກາເຟສົດຫອມກຸ້ມ ໂຮຍໜ້າດ້ວຍຟອງນົມ ແລະ ດື່ມແບບນີ້ເປັນປະຈຳມາຕະຫລອດ ກໍລອງເຊົາດື່ມຈັກ 2 – 3 ມື້ ຮັບຮອງວ່າມື້ທີ 4 ກາເຟລົດຊາດເກົ່າໆສູດເກົ່າໆຈະແຊບຍິ່ງກ່ວາເກົ່າ.

     ນັກວິໄຈບອກວ່າ : ການທີ່ຈະເຮັດໃຫ້ຊັອກໂກແລັດ, ກາເຟ ຫລື ສິ່ງໃດກໍຕາມກັບມາສ້າງຄວາມສຸກໃຫ້ເຮົາໄດ້ອີກຄັ້ງ ເຮົາຕ້ອງບໍລິໂພກສິ່ງເຫລົ່ານັ້ນໃຫ້ໜ້ອຍລົງ ຫລື ງົດເວັ້ນຊ່ວງການດື່ມ, ກິນ, ເລາະ ແລະ ປ່ຽນໃຫ້ສິ່ງຂອງ ຫລື ກິດຈະກຳເຫລົ່ານັ້ນກາຍເປັນຂອງລາງວັນທີ່ດົນໆເທື່ອເຮົາຈຶ່ງຈະໄດ້ຮັບ ແລ້ວເຮົາກໍຈະມີຄວາມສຸກຈາກມັນໄດ້ຫລາຍຂຶ້ນ ໂດຍທີ່ໃຊ້ເງິນໜ້ອຍລົງກ່ວາເກົ່າ.

- lattana 1 - 5 ວິທີໃຊ້ເງິນໜ້ອຍໆ, ແຕ່ມີຄວາມສຸກຫລາຍໆ

     3. ຊື້ເວລາໃຫ້ໂຕເອງ : ເວລາແມ່ນປັດໄຈສຳຄັນຂອງຄວາມສຸກ ແລະ ເວລາທີ່ວ່າກໍແມ່ນເວລາໃນປະຈຸບັນ ບໍ່ແມ່ນເວລາຫລັງກະສຽນດັ່ງທີ່ມັກເຂົ້າໃຈກັນ. ນັກວິໄຈໄດ້ອອກແບບການທົດລອງໂດຍໃຫ້ອາສາສະໝັກກົດປຸ່ມເພື່ອແລກກັບຊັອກໂກແລັດ ໂດຍກົດ 10 ເທື່ອຈະໄດ້ຊັອກໂກແລັດ 1 ອັນ, ແຕ່ລະຄົນມີເວລາ 5 ນາທີ ຈະກົດຫລາຍເທົ່າໃດກໍໄດ້ ແລະ ເມື່ອໝົດເວລາ ທຸກຄົນກໍຈະໄດ້ກິນຊັອກໂກແລັດທີ່ໂຕເອງກົດໄດ້,  ແຕ່ມີເງື່ອນໄຂວ່າ ຖ້າກິນບໍ່ໝົດຫ້າມເອົາກັບເມືອເຮືອນນຳເດັດຂາດ ເຮັດໃຫ້ແຕ່ລະຄົນຕ້ອງກິນແບບຟ້າວຟັ່ງ. ຜົນການທົດລອງກໍຄື ຄົນສ່ວນຫລາຍກົດປຸ່ມກັນໂດຍບໍ່ຄຳນຶງ ໄດ້ຮັບຊັອກໂກແລັດຫລາຍກໍແມ່ນ, ແຕ່ຊຳ້ພັດກິນຢ່າງບໍ່ມີຄວາມສຸກ. ແຕ່ເມື່ອນັກວິໄຈຈຳກັດຈຳນວນຊັອກໂກແລັດໃນກຸ່ມການທົດລອງກຸ່ມໜຶ່ງປະກົດວ່າ : ຄົນກຸ່ມນີ້ຮູ້ສຶກມີຄວາມສຸກຫລາຍຂຶ້ນ (ເພາະເມື່ອຍໜ້ອຍທັງຕອນກົດ ແລະ ຕອນກິນ). ຈະເວົ້າໄປແລ້ວໃນການທົດລອງນີ້ ຊັອກໂກແລັດກໍປຽບດັ່ງເງິນ ສ່ວນການກົດປຸ່ມກໍປຽບດັ່ງການເຮັດວຽກ ແລະ ຕອນກິນຊັອກໂກແລັດກໍປຽບດັ່ງການໃຊ້ເງິນທີ່ໄດ້ຈາກການເຮັດວຽກນັ້ນເອງ ເຮົາຈະເຫັນວ່າ ດ້ວຍເວລາທີ່ມີຈຳກັດ, ຄວາມທຸ້ມເທເອົາແຕ່ປະລິມານ ຫລື ເງິນຕາເປັນການໃຊ້ເວລາຢ່າງບໍ່ມີຄວາມສຸກ ສຸດທ້າຍເຖິງຈະໄດ້ສິ່ງທີ່ຕ້ອງການມາຫລວງຫລາຍ ແຕ່ເຮົາກໍບໍ່ສາມາດມີຄວາມສຸກກັບມັນຢ່າງທີ່ຄວນ. ສະນັ້ນ ກ່ອນຈະຈົກເງິນໃນກະເປົ໋າຢ່າລືມ :

   – ຖາມໂຕເອງທຸກເທື່ອທີ່ຊື້ສິ່ງຂອງວ່າ ສິ່ງຂອງນັ້ນກະທົບກັບການໃຊ້ເວລາຂອງເຮົາຫລາຍປານໃດ ຫາກຄິດຄຳນວນເລື່ອງຄຸນນະພາບຂອງເວລາແບບນີ້ເລື້ອຍໆ ທັດສະນະຄະຕິໃນການເລືອກໃຊ້ຈ່າຍກໍຈະເນັ້ນໄປໃສ່ຄວາມສຸກທີ່ເຮົາຈະໄດ້ຮັບໂດຍອັດຕະໂນມັດ.

     4. ຈ່າຍສົດງົດການໃຊ້ບັດເຄຣດິດ ຫລື ຈ່າຍຜ່ອນ : ໂດຍປົກກະຕິ ເຮົາຮູ້ສຶກແນວໃດໃນຊ່ວງເວລາ 1 ອາທິດກ່ອນຈະຮອດມື້ທີ່ໄດ້ໄປທ່ອງທ່ຽວ ? ທັງຕື່ນເຕັ້ນ ແລະ ເບີກບານໃຈຫລາຍເລີຍແມ່ນບໍ່ ?

    ນັກວິໄຈກ່າວວ່າ : ການຄິດເຖິງສິ່ງດີໆທີ່ຈະເກີດຂຶ້ນໃນອະນາຄົດນັ້ນສ້າງຄວາມສຸກໄດ້ມະຫາສານ ແລະ ໃນການໃຊ້ຈ່າຍເພື່ອຊື້ຄວາມສຸກທີ່ຍັງມາບໍ່ເຖິງ ເຊັ່ນ : ປີ້ຄອນເສີດ, ທຣິບທ່ອງທ່ຽວ ແລະອື່ນໆ ການຈ່າຍດ້ວຍເງິນສົດກໍຈະໃຫ້ຄວາມສຸກຫລາຍກ່ວາການໃຊ້ບັດເຄຣດິດຕິດໜີ້  ເພາະເມື່ອຈ່າຍເງິນໄປແລ້ວ ເຮົາກໍຈະຄິດເຖິງແຕ່ຊ່ວງເວລາດີໆທີ່ຈະຕາມມາໂດຍບໍ່ມີອັນໃດຕ້ອງກັງວົນ ກົງກັນຂ້າມ ການໃຊ້ບິດເຄຣດິດຕິດໜີ້  ເຊິ່ງຫລາຍເທື່ອເປັນການຢືມເງິນທະນາຄານມາໃຊ້ (ຍ້ອນໂຕເອງຍັງບໍ່ມີເງິນສົດ ຈ່າຍ) ແລ້ວຄ່ອຍຈ່າຍຄືນຕາມຫລັງ ເຊິ່ງຂໍ້ເສຍແມ່ນມັນຈະກະຕຸ້ນໃຫ້ເຮົາໃຊ້ເງິນຫລາຍຂຶ້ນ.

     5. ແບ່ງປັນໃຫ້ຜູ້ອື່ນ : ນັກຈິດຕະວິທະຍາໄດ້ຜົນສະຫລຸບອອກມາວ່າ  ການໃຫ້ເງິນແກ່ຜູ້ອື່ນເຮັດໃຫ້ຄົນເຮົາມີຄວາມສຸກໄດ້ຫລາຍກ່ວາແທ້ ໂດຍປະລິມານຄວາມສຸກນັ້ນບໍ່ໄດ້ຂຶ້ນກັບຈຳນວນເງິນໜ້ອຍ ຫລື ຫລາຍ.

error: Content is protected !!