ປູກໄມ້ຢ່າອ້າງ ແຕ່ເນື້ອທີ່

- advert banner 728 90 728x90 - ປູກໄມ້ຢ່າອ້າງ ແຕ່ເນື້ອທີ່

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງທັງຫລາຍ, ຫລາຍຄົນ, ກໍຈະຮູ້ດີ ແລ້ວວ່າ: ຍັງ ອີກບໍ່ເທົາໃດມື້ວັນປູກໄມ້ແຫ່ງ ຊາດ ທີ 1 ມິຖຸນາ ກໍຄືວັນເດັກ ນ້ອຍສາກົນກໍຈະໝູນວຽນມາ ບັນຈົບຄົບຮອບອີກວາລະໜຶ່ງ  ແລະ ເປັນໂອກາດໃຫ້ຊາວ ລາວເຮົາໄດ້ແຂ່ງຂັນກັນປູກໄມ້ເພື່ອຄືນຄວາມຂຽວສູ່ທຳມະຊາດ, ພາຍຫລັງໃນຫລາຍ ປີຜ່ານມານີ້, ປ່າໄມ້ຂອງປະເທດເຮົາຖືກທຳລາຍຢ່າງ ຫລວງຫລາຍໃນຫລາຍຮູບ ແບບ, ຈາກເງ່ືອມມືຂອງມະນຸດເຮົາເອງ.

ຈະແມ່ນການຖາງປ່າ ເພື່ອການຜະລິດ, ການຂະຫຍາຍຕົວຂອງໂຄງການພັດ ທະນາຕ່າງໆແຕ່ຮ້າຍແຮງກວ່ານັ້ນກໍແມ່ນການຄ້າໄມ້ ທີ່ດຳເນີນໄປຢ່າງຫລາກ ຫລາຍແຕ່ກໍ ໂຊກດີຜົນຮ້າຍ ດັ່ງກ່າວໄດ້ຜ່ອນຜັນລົງພາຍຫລັງນາຍົກລັດຖະມົນຕີກໍ ຄືລັດຖະບານຊຸດປັດຈຸບັນເພິ່ນໄດ້ອອກ ຄຳສັ່ງເລກທີ 15/ນຍ, ວ່າ ດ້ວຍການສະກັດກັ້ນ ແລະ ໃຫ້ຢຸດຕິການ ຕັດໄມ້ທຸກຮູບແບບ ແລະ ເພີ່ມ ທະວີການເອົາໃຈໃສ່ປູກໄມ້ ໃຫ້ເປັນປ່າຫລາຍຂຶ້ນ, ເຊິ່ງ ແຕ່ລະປີທົ່ວປະເທດໃຫ້ບັນລຸ ໄດ້ຢ່າງໜ້ອຍ 30 ພັນເຮັກຕາ ຂຶ້ນໄປ.

ໂດຍມອບໃຫ້ອຳນາດການປົກຄອງທ້ອງຖິ່ນ ແລະ ບັນດາບໍລິສັດໂຮງເຫລື່ອຍ, ໂຮງຊອຍຕ່າງໆ ຕ້ອງມີພັນ ທະປະກອບສ່ວນເຂົ້າໃນ ວຽກງານປູກໄມ້ນີ້ໃຫ້ໄດ້ທັງປະລິມານ ແລະ ຄຸນນະພາບ, ຈາກນັ້ນກໍຄ່ອຍໆ ເຮັດໃຫ້ ຂະ ບວນການດັ່ງກ່າວຂະຫຍາຍ ຕົວກວ້າງຂວາງຂຶ້ນເປັນລຳດັບ.

ເມື່ອຈະກ້າວສູ່ວັນປູກໄມ້ແຫ່ງຊາດປີໃດ, ຫລາຍ ທ້ອງຖິ່ນເຂດແຂວງຕ່າງກໍ ໄດ້ເອົາໃຈໃສ່ກ້າເບ້ຍໄມ້ຊະ ນິດຕ່າງໆ ໄດ້ຢ່າງຫລວງ ຫລາຍພ້ອມວາງແຜນ ແລະ ຈັດສັນເນື້ອ ທີ່ປູກໄມ້ບ່ອນໃດ ກໍນັບເປັນ ສິບເປັນຮ້ອຍເຮັກ ຕາ-ແຕ່ເສຍດາຍບັນດາຕົວເລກດັ່ງກ່າວສ່ວນໜຶ່ງກໍເປັນພຽງການ ເອກອ້າງຜົນງານ ເຊິ່ງກັນ ແລະ ກັນເທົ່ານັ້ນ, ສ່ວນປະສິດທິພາບ ແລະ ຄຸນນະພາບໃນການປົກປັກຮັກ ສາຕົ້ນໄມ້ປູກໃໝ່ແມ່ນຍັງ ເຮັດໄດ້ໜ້ອຍໂດຍສະເພາະ ແມ່ນຂະບວນການປູກໄມ້ ຂອງເບື້ອງລັດ ເຮົາແມ່ນມີອັດ ຕາການລອດເຫລືອໜ້ອຍ ທີ່ສຸດເພາະຍັງຂາດງົບປະ ມານ ແລະ ຜູ້ຈະເຂົ້າມາຄຸ້ມ ຄອງປົກປັກຮັກສາຕົ້ນໄມ້ປູກ ໃໝ່ສ່ວນຫລາຍກໍມີພຽງແຫ່ ກັນໄປປູກແລ້ວ ກໍປັດກົ້ນກັບ ເຮືອນໃຜເຮືອນລາວພໍໄດ້ກິນເຂົ້າແຊບແລ້ວກໍເອົາຕົວເລກ ເນື້ອທີ່ປູກໄມ້ນັ້ນຂຶ້ນບັນຊີ     ຜົນງານການປູກໄມ້ສຳລັບ ວົງການ ແລະ ຂະແໜງການຂອງຕົນແລ້ວກໍເປັນພໍ, ສ່ວນ ເບ້ຍໄມ້ຈະມີຄວາມຈະເລີນ ເຕີບໃຫຍ່ຫລືບໍ່ແມ່ນເອົາໄວ້ ເບື້ອງຫລັງ.

- lattana 1 - ປູກໄມ້ຢ່າອ້າງ ແຕ່ເນື້ອທີ່
- 1 1 - ປູກໄມ້ຢ່າອ້າງ ແຕ່ເນື້ອທີ່

ຟັງມາກໍເປັນຕາຢາກ ຫົວຫລາຍສິບປີມາແລ້ວທີ່  ບັນດາກະຊວງ ແລະ ອົງການຕ່າງໆ  ໃນນະຄອນຫລວງເຮົາແຫ່ກັນໄປປູກໄມ້ຢູ່ເຂດນ້ຳຊວງເພື່ອສ້າງຜົນງານ ໃນວັນສຳຄັນຕ່າງໆ, ໂດຍ ສະເພາະແມ່ນໄລຍະວັນປູກໄມ້ແຫ່ງຊາດນີ້ຍິ່ງເປັນຂະບວນຟົດຟື້ນ, ແຕ່ມາເບິ່ງເຖິງ  ຄຸນນະພາບຂອງມັນແມ່ນບໍ່ ມີ ຜົນພໍເທົ່າໃດ, ປີໃດກໍພາກັນປູກໃສ່ຂຸມເກົ່າພາໃຫ້ເສຍວັດຖຸເງິນຄຳ ແລະ ເຫື່ອແຮງ, ແຕ່ໃນທີ່ສຸດເຂດນ້ຳຊວງກໍ ຍັງເຫັນເປັນພຽງປ່າເຫລົ່າ ເປັນສ່ວນໃຫຍ່ເທົ່ານັ້ນ,  ສ່ວນປ່າໄມ້ໃຫຍ່ແມ່ນມີໜ້ອຍ ຫລາຍ. ຖ້າມີກໍພຽງຂອງ ສ່ວນບຸກຄົນເທົ່ານັ້ນ.

ດັ່ງນັ້ນໃນບົດຂຽນນີ້, ພວກເຮົາລອງມາຕັ້ງບັ້ງ ເລກບວກລົບ, ຄູນຫານນຳ ກັນເບິ່ງດູວ່າ: ການປູກໄມ້ໃນວັນສຳຄັນດັ່ງກ່າວຈະເອົາປະ ລິມານ ຫລື ຄຸນນະພາບຖ້າເລັ່ງຄຸນນະພາບກໍຈະຕ້ອງໄດ້ ເພີ່ມທະວີງົບປະມານ ແລະ ແຮງງານໃນການຄຸ້ມຄອງ ບົວລະບັດຮັກ ສາຕົ້ນໄມ້ປູກ ໃໝ່ຈິ່ງຈະລອດເຫລືອແລະ ຈະເລີນຫງອກງາມໄດ້./.

- 555742234 - ປູກໄມ້ຢ່າອ້າງ ແຕ່ເນື້ອທີ່

error: Content is protected !!