ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?

- advert banner 728 90 728x90 - ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?

ກາເຟເປັນເຄື່ອງດຶ່ມຊະນິດໜຶ່ງ ພາໃຫ້ຄົນເຮົາສົດຊື່ນ, ຊ່ວຍຕ້ານພະຍາດຈຳນວນໜຶ່ງໃນຮ່າງກາຍ. ແຕ່ຖ້າບໍ່ຮູ້ນຳໃຊ້ ຫຼື ບໍ່ຮູ້ດຶ່ມໃຫ້ຖືກວິທີ ກໍຈະພາໃຫ້ເກີດອັນຕະລາຍຕໍ່ສຸຂະພາບໄດ້.

- new3 - ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?
- 052305 2019 - ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?

ທຳລາຍຄວາມເປັນປົກະຕິຂອງຮ່າງກາຍ: ຕາມການຄົ້ນຄ້ວາຂອງບັນດານັກຊ່ຽວຊານໃຫ້ຮູ້ວ່າ: ຖ້າດຶ່ມກາເຟໃນເວລາທ້ອງວ່າງ ຈະເຮັດໃຫ້ຄວາມປົກະຕິຂອງຮ່າງກາຍມີການປ່ຽນແປງ. ເມື່ອຕື່ນເຊົ້າຂຶ້ນມາ hormone cortisol ຈະໄຫຼຊຶມອອກມາ ຊ່ວຍໃຫ້ຄົນເຮົາສົດຊື່ນ ແລະ ເຕັມໄປດ້ວຍພະລັງ. ແຕ່ ຖ້າດຶ່ມກາເຟໃນເວລານີ້, ຈະສະກັດກັ້ນຂະບວນການໄຫຼຊຶມຂອງ  cortisol ອາດເຮັດໃຫ້ລະບົບປົກະຕິຂອງຮ່າງການຖືກປ່ຽນແປງ, ແທນທີ່ຈະເຮັດໃຫ້ເຮົາສົດຊື່ນ ແຕ່ກັບກາຍເຮັດໃຫ້ເຮົາອິດເມື່ອຍ ແລະ ຢາກນອນ.

- 062305 2019 - ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?

ເຮັດໃຫ້ຮ່າງການເສຍນໍ້າ: ຕະຫຼອດຄໍ່າຄືນທີ່ເຮົານອນນັ້ນ ນໍ້າໃນຮ່າງກາຍຈະຖືກສູນເສຍໄປ, ຖ້າຫາກດຶ່ມກາເຟເຂົ້າໄປ ຈະເຮັດໃຫ້ນໍ້າໃນຮ່າງກາຍລຸດລົງຢ່າງແຮງ. ຜົນງານການຄົ້ນຄ້ວາຈຳນວນໜຶ່ງໃຫ້ຮູ້ວ່າ: caffeine ທີ່ມີຢູ່ໃນກາເຟນັ້ນ ຈະຊ່ວຍໃຫ້ການຖ່າຍເບົາງ່າຍ ແລະ ຫຼາຍຂຶ້ນ ກໍເທົ່າກັບວ່າຖ່າຍເທນໍ້າໃນຮ່າງກາຍອອກໄປເປັນຈຳນວນຫຼວງຫຼາຍ. ຖ້າຫາກສັງເກດດີໆ ພາຍຫຼັງດຶ່ມກາເຟໃນຍາມເຊົ້າແລ້ວ ເຮົາຈະເຫັນວ່າທຽວເບົາດຸກ່ວາ, ຫຼາຍກ່ວາ ປົກະຕິ.

ເຮັດໃຫ້ເກີດຄວາມກັງວົນ, ຄວາມໃສ່ໃຈບໍ່ສູງ: ປອ.Adam Simon ໃຫ້ຮູ້ວ່າ: ຖ້າເຮົາດຶ່ມກາເຟເຂົ້າໄປໃນເວລາທ້ອງວ່າງ ອາດເຮັດໃຫ້ເຮົາເກີດຄວາມກັງວົນ, ຕື່ນເຕັ້ນ ຫຼື ອາການຕ່າງໆ ດ້ານຈິດຕະສາດເກີດຂຶ້ນ ໄປໃນແງ່ທີ່ບໍ່ດີ. ການດຶ່ມກາເຟໃນເວລາທ້ອງວ່າງບໍ່ສະເພາະແຕ່ເຮັດໃຫ້ເຮົາເກີດອາການກັງວົນເທົ່ານັ້ນ ແຕຍັງເຮັດໃຫ້ຄົນເຮົາເສຍຄວາມໃສ່ໃຈ ເພາະຢູ່ໃນກະເພາະເວລານີ້ມີaxitເຮັດໃຫ້ທ້ອງຂອງເຮົາຖືກປັ່ນປ່ວນ ຮູ້ສຶກຢູ່ຍາກ, ເກີດຄວາມກັງວົນ, ບາດເຕັ້ນຂອງຫົວໃຈກໍໄວຂຶ້ນ ສົ່ງຜົນສະທ້ອນບໍ່ໜ້ອຍບໍ່ການເຮັດວຽກຂອງມັນສະໝອງ.

ເສຍຄວາມຮູ້ສຶກຢາກກິນເຂົ້າ: ຊ່ຽວຊານຈຳນວນໜຶ່ງໃຫ້ຮູ້ວ່າ: ການດຶ່ມກາເຟໃນຕອນເຊົ້າ ເຮັດໃຫ້ບໍ່ຢາກກິນເຂົ້າ. ຍ້ອນເຫດຜົນດັ່ງກ່າວ ຫຼາຍຄົນຈຶ່ງດຶ່ມກາເຟ ເພື່ອບໍ່ໃຫ້ຫິວເຂົ້າ ແລະ ທັງເປັນການລຸດນໍ້າໜັກໄປໃນໂຕ. ແຕ່ຖ້າຫາກດຶ່ມແຕ່ກາເຟ ແລ້ວ ບໍ່ກິນເຂົ້າເຊົ້າ ຈະນຳເອົາຄວາມອັນຕະລາຍມາສູ່ຮ່າງກາຍເຊັ່ນ: ລະບົບຄຸ້ມກັນຈະລຸດລົງ, ຄວາມຮູ້ສຶກຕໍ່າ, ເກີດໜິ້ວໃນບີ…

- lattana 1 - ດຶ່ມກາເຟ ກ່ອນກິນເຂົ້າເຊົ້າມີຜົນຮ້າຍແນວໃດ ?

ເປັນການທຳລາຍກະເພາະອາຫານ: ຕື່ນເຊົ້າຂຶ້ນມາແລ້ວດຶ່ມກາເຟລົງໄປ ຈະເຮັດໃຫ້ປະລິມານ axit ໃນກະເພາະອາຫານເພີ່ມສູງຂຶ້ນ. ປະລິມານ ອາຊິດ ດັ່ງກ່າວແມ່ນໄວ້ເພື່ອຍ່ອຍອາຫານ ແຕ່ຫາກບໍ່ໄດ້ຍ່ອຍອາຫານ ມັນກໍຈະກົດຕົວຢູ່ໃນກະເພາະ ແລ້ວກໍກາຍເປັຍຜູ້ທຳລາຍກະເພາະເສຍເອງ. ປະກົດການທຳອິດທີ່ສະແດງອອກມາແມ່ນກະເພາະອາຫານບໍ່ສາມາດຍ່ອຍອາຫານໄດ້, ເກີດອາການເອື້ອມຮ້ອນ( ຫຼື ຊາວບ້ານເຄີຍເວົ້າວ່າ: ມະຮົກ ) ປະໄວ້ດົນໄປກໍຈະພາໃຫ້ເກີດເປັນບາດແຜໃນກະເພາະ.

ດຶ່ມກາເຟເວລາໃດເໝາະສົມທີ່ສຸດ? ນັກຊ່ຽວຊານເຕືອນວ່າ: ບໍ່ຄວນດຶ່ມກາເຟ ໃນເວລາຕື່ນເຊົ້າຂຶ້ນມາໃໝ່ໆ ແລະ ກໍບໍ່ຄວນດຶ່ມກາເຟເວລາທ້ອງວ່າງ. ເວລາດຶ່ມກາເຟທີ່ເໝາະສົມທີ່ສຸດແມ່ນດຶ່ມພາຍຫຼັງກິນເຂົ້າເຊົ້າແລ້ວປະມານ 1-2 ຊົ່ວໂມງ ຫຼື ດຶ່ມໃນເວລາ 2-3 ໂມງແລງ ເພາະເວລານີ້ແມ່ນໄລຍະເວລາທີ່ຮ່າງກາຍຕົກຢູ່ໃນພາວະອິດເມື່ອຍ ແລະ ຕ້ອງການຄວາມສົດຊື່ນ. ສະນັ້ນ, ດຶ່ມກາເຟເວລານີ້ແມ່ນຈະໄດ້ຜົນປະໂຫຍດທີ່ສຸດ ແລະ ກໍຫຼີກລ່ຽງການດຶ່ມກາເຟໃນເວລາ 4-6 ໂມງແລງ ເພາະກາເຟຈະເຮັດໃຫ້ທ່ານນອນບໍ່ລັບໃນຄໍ່າຄືນທີ່ຈະມາເຖິງ.

——————————-

error: Content is protected !!