ມົນລະພິດທາງອາກາດ ເຮັດໃຫ້ອາຊະຍາກຳເພີ່ມຂຶ້ນ

- advert banner 728 90 728x90 - ມົນລະພິດທາງອາກາດ ເຮັດໃຫ້ອາຊະຍາກຳເພີ່ມຂຶ້ນ

ຮຽບຮຽງໂດຍ: ລູກເມືອງພວນ

- new3 - ມົນລະພິດທາງອາກາດ ເຮັດໃຫ້ອາຊະຍາກຳເພີ່ມຂຶ້ນ

ເມື່ອຟັງຫົວຂໍ້ນີ້ແລ້ວຄືວ່າເປັນເລື່ອງນິທານ ຫຼາຍຄົນອາດບໍ່ເຊື່ອ, ແຕ່ຜົນງານການຄົ້ນຄ້ວາໃນມໍ່ໆມານີ້ ຂອງນັກວິທະຍາສາດກຸ່ມໜຶ່ງໃຫ້ຮູ້ວ່າ,  ບັນຫາດັ່ງກ່າວແມ່ນມີຄວາມຈິງ ແລະ ຄວນເອົາມານຳໃຊ້ໃນພາກປະຕິບັດຕົວຈິງ.

ຜົນງານການຄົ້ນຄ້ວາທາງວິທະຍາສາດໃຫ້ຮູ້ວ່າ: ມົນລະພິດທາງອາກາດມີຜົນກະທົບຕໍ່ສຸຂະພາບຈິດ, ຄວາມສາມາດຕີລາຄາບັນຫາ, ຄວາມຮັບຮູ້ຫຼຸດລົງ ແລະ  ສິ່ງທີ່ໜ້າເປັນຫ່ວງທີ່ສຸດກໍຄື ອາຊະຍາກຳຈະເພີ່ມຂຶ້ນ.

ການຄົ້ນພົບບັນຫາດັ່ງກ່າວນີ້, ມັນເປັນສັນຍານເຕືອນຕໍ່ມວນມະນຸດຂອງພວກເຮົາໃຫ້ມີຄວາມລະມັດລະວັງຕໍ່ບັນຫາດັ່ງກ່າວ, ເພາະວ່າ ເຄິ່ງໜຶ່ງຂອງພົນລະເມືອງໂລກ ແມ່ນດຳລົງຊີວິດຢູ່ໃນຕົວເມືອງໃຫ່ຍ ບ່ອນທີ່ແອອັດ ແລະ ມີມົນລະພິດທາງອາກາດໜັກໜ່ວງ.

ອົງການອະນາໄມໂລກ WHO ຊີ້ແຈງວ່າ: ໃນ 10 ຄົນໃດ, ມີ 9 ຄົນຕ້ອງສູບເອົາອາກາດທີ່ເປັນພິດ ແລະ ເປັນອັນຕະລາຍຕໍ່ສຸຂະພາບ.

ຄາດວ່າ, ມີປະມານ ເຈັດລ້ານຄົນ ຕາຍຍ້ອນສູບເອົາອາກາດທີ່ເປັນພິດໃນແຕ່ລະປີ ແຕ່ບໍ່ທັນໄດ້ບວກຈຳພວກທີ່ຖືກຄາດຕະກຳຍ້ອນມົນລະພິດນັ້ນເຂົ້ານຳ.

ປີ 2011, Sefi Roth ນັກຄົ້ນຄ້ວາຈາກມະຫາວິທະຍາໄລ ເສດຖະກິດ ລອນດອນໃຫ້ຮູ້ວ່າ: ມົນລະພິດທາງອາກາດມີຜົນກະທົບຮ້າຍແຮງຕໍ່ສຸຂະພາບຂອງພວກເຮົາ.

ເພີ່ນໄດ້ດຳເນີນການຄົ້ນຄ້ວາເບິ່ງວ່າ, ມົນລະພິດທາງອາກາດ ມີຜົນກະທົບຕໍ່ຄວາມຮັບຮູ້ຂອງຄົນເຮົາແທ້ບໍ່? ທ່ານກໍໄດ້ເຮັດການທົດລອງຕໍ່ໄປນີ້:

ຜົນກະທົບຕໍ່ຄວາມສາມາດຮັບຮູ້ຂອງຄົນເຮົາ.

ທ່ານ Roth ພ້ອມດ້ວຍຄະນະຄົ້ນຄ້ວາ ຂອງເຂົາ ໄດ້ມີການສັງເກດນັກສຶກສາທີ່ມີລະດັບຄວາມຮູ້ເທົ່າທຽມກັນ ໄປສອບເສັງຢູ່ສະຖານທີ່ດຽວກັນ ແຕ່ໄປເສັງ ໃນວັນທີ່ມີມົນລະພິດທາງອາກາດຮຸນແຮງແຕກຕ່າງກັນ ຈະເຫັນວ່າ: ມື້ໃດອາກາດມີມົນລະພິດໜັກທີ່ສຸດ ຜົນຂອງການສອບເສັງບໍ່ສູງ(ຄະແນນບໍ່ສູງ), ກົງກັນຂ້າມ ມື້ໃດອາກາດບໍ່ມີພິດ ຫຼື ມົນລະພິດອາກາດໜ້ອຍທີ່ສຸດ ນັກສຶກສາເຮັດບົດສອບເສັງໄດ້ດີກ່ວາ ແລະ ຄະແນນກໍສູງກ່ວາ.

- lattana 1 - ມົນລະພິດທາງອາກາດ ເຮັດໃຫ້ອາຊະຍາກຳເພີ່ມຂຶ້ນ

Roth  ເວົ້າວ່າ: “ ພວກເຮົາຈະເຫັນຄວາມສາມາດເຮັດບົດສອບເສັງຂອງນັກສຶກສາໃນມື້ອາກາດມີມົນລະພິດໜັກທີ່ສຸດນັ້ນ ຫຼຸດລົງຢ່າງຈະແຈ້ງ ແລະ ຄະແນນກໍຕໍ່າກ່ວາວັນທີ່ອາກາດບໍ່ມີມົນລະພິດ ຫຼື ມີມົນລະພິດໜ້ອຍທີ່ສຸດ ”

ມີຜົນກະທົບໃນໄລຍະຍາວນານ

ເພື່ອຢາກຮູ້ວ່າ ມົນລະພິດອາກາດກະທົບໃສ່ຄົນເຮົາຢູ່ດົນປານໃດ? Roth ໄດ້ຕິດຕາມ ຜົນກະທົບຂອງມົນລະພິດຕໍ່ນັກສຶກສາເຫັນວ່າ ມັນແກ່ຍາວເປັນເວລາແຕ່ 8 ຫາ 10 ປີ

ທ່ານຍັງສັງເກດເບິ່່ງບົດສອບເສັງຂອງນັກສຶກສາ ໃນມື້ມີມົນລະພິດອາກາດໜັກໜ່ວງ ເຫັນວ່າຄະແນນບໍ່ສູງ ແລະ ນັກສຶກສາເຫຼົ່ານີ້ ກໍໄດ້ເຂົ້າໂຮງຮຽນມະຫາວິທະຍາໄລທຳມະດາ ບໍ່ມີຊື່ສຽງ ແລະ ເວລາອອກໄປເຮັດວຽກ ກໍບໍ່ສາມາດຫາເງິນເປັນກອບເປັນກຳໄດ້

ທ່ານເວົ້າວ່າ: “ ພຽງແຕ່ໄດ້ຮັບຜົນກະທົບຈາກ ອາກາດທີ່ເປັນພິດ ບໍ່ພຽງເທົ່າໃດຊົ່ວໂມງ ແຕ່ມັນໄດ້ປະຜົນເສຍຫາຍນັ້ນໄວ້ໃຫ້ແກ່ຄົນເຮົາຢ່າງຍາວນານ”

ບົດຄົ້ນຄ້ວາອີກບົດໜຶ່ງ ຂອງ Roth ໃນປີ 2016 ໃຫ້ຮູ້ວ່າ: ມົນລະພິດທາງອາກາດອາດເຮັດໃຫ້ ສະມັດຕະພາບຂອງການຜະລິດຫຼຸດລົງເຊັ່ນດຽວກັນ

ເພີ່ມອາດຊະຍາກຳ

ບົດຄົ້ນຄ້ວາປີ 2018, ໄດ້ວິເຄາະວິໄຈ ຂໍ້ມູນການກໍ່ອາດຊະຍາກຳຢູ່ຕາມ 600 ໜ່ວຍເລືອກຕັ້ງຂອງປະເທດອັງກິດໃຫ້ເຫັນວ່າ: ມື້ທີ່ມີມົນລະພິດທາງອາກາດໜັກໜ່ວງ ແລະ ບ່ອນທີ່ມີທັງຄົນຮັ່ງມີ ແລະ ຄົນທຸກຍາກຢູ່ປົນກັນນັ້ນ ການກໍ່ອາດຊະຍາກຳເພີ່ມຂຶ້ນ

ເຖິງຢ່າງໃດກໍດີ, ພວກເພີ່ນໄດ້ມີຄວາມລະມັດລະວັງ ໃນການສະຫຼຸບຜົນຂອງການຄົ້ນຄ້ວາ ແລະ ໄດ້ຍົກເອົາຂໍ້ມູນຕົວຊີ້ວັດຈຳນວນໜຶ່ງມາພິສູດໃຫ້ເຫັນວ່າ ມົນລະພິດທາງອາກາດ ມີສ່ວນພົວພັນກັບ ການເພີ່ມຂຶ້ນຂອງອາດຊະຍາກຳ. ຍ້ອນວ່າ ມົນລະພິດທາງອາກາດກະທົບໃສ່ປະສາດ ເຮັດໃຫ້ຄົນເຮົາເກີດຄວາມງຸດງິດ, ໃຈຮ້າຍ, ບໍ່ມີຄວາມອົດທົນ, ເກີດອາລົມຮ້າຍໄດ້ງ່າຍກ່ວາ ວັນທີ່ອາກາດເຍືອກເຢັນ. ຍ້ອນເຫດຜົນດັ່ງກ່າວການເກີດ ກໍລະນີຜິດຖຽງກັນ, ຕີກັນ, ທຳຮ້າຍກັນ…ຈຶ່ງບໍ່ສາມາດຫຼີກລ່ຽງໄດ້.

error: Content is protected !!