ເຈົ້າ​ຊີ​ວິດ ປູກ​ເຂົ້າ​ກິນ​ເອງ

- advert banner 728 90 728x90 - ເຈົ້າ​ຊີ​ວິດ ປູກ​ເຂົ້າ​ກິນ​ເອງ

ໂດຍ: ມຶກບໍ່ແຫ້ງ

- lattana 1 - ເຈົ້າ​ຊີ​ວິດ ປູກ​ເຂົ້າ​ກິນ​ເອງ

ການ​ຜະ​ລິດ​ອາ​ຫານ​ກິນ​ເອງ​ຕາມ​ເງື່ອນ​ໄຂ​ນັ້ນ​ຖື​ວ່າ​ເປັນ​ເລື່ອງ​ລາວ​ທີ່​ໜ້າ​ຊື່ນ​ຊົມ ດັ່ງເລື່ອງ​ລາວ ການ​ປູກ​ເຂົ້າ​ຂອງ​ເຈົ້າ​ຈັກ​ກະ​ພັດ ຍີ່​ປຸ່ນ​ທີ່​ສືບ​ທອດ​ກັນ​ມາ ເປັນ​ສະ​ຕະ​ວັດ​ນັ້ນ ​ໄດ້​ກາຍ​ເປັນ​ແວ່ນ​ແຍງ​ທີ່​ດີ​ແກ່​ຄົນ​ທັງ​ໂລກ.

ໃນ​ປີ 2015 ອົງ​ການ​ສະ​ຫະ​ປະ​ຊາ​ຊາດ ໄດ້​ປະ​ກາດ​ວ່າ ເປັນ​ປີ ແຫ່ງ​ການ​ຍົກ​ສູງ​ຄວາມ​ສຳ​ຄັນ​ຂອງ ສວນ​ຄົວ ເພື່ອ​ສົ່ງ​ເສີມ​ໃຫ້ ປະ​ຊາ​ຊົນ​ທົ່ວ​ໂລກ ຜະ​ລິດອ​າ​ຫານ​ກິນ​ເອງ, ເພີ່ມ​ພູນ ​ການ​ຄ້ຳ​ປະ​ກັນ​ສະ​ບຽງ​ອາ​ຫານ ທັງ​ຮັບ​ປະ​ກັນ​ຄວາມ​ປອດ​ໄພ ​ທ່າ​ມ​ກາງ ການ​ແຜ່​ລະ​ບາດ​ຂອງ​ບັນ​ດາ​ອາຫານ​ປອ​ມ ຊອມ​ເອົາ​ແຕ່​ຊີ​ວິດ​ຄົນ ຄື​ທຸກມື້ນີ້.

ສອດ​ຄ່ອງ​ກັບ ແນວ​ຄິດ​ດັ່ງ​ກ່າວນັ້ນ ຄົນ​ຍີ່​ປຸ່ນ ຖື​ວ່າ​ໂຊກ​ດີຫຼາຍ ​ທີ່ໄດ້​ມີ ເຈົ້າຈັກກະ​ພັດ ຊົງ​ເປັນ​ແບບ​ຢ່າງ​ຂອງ​ປະ​ຊາ​ຊົນ ໃນ​ການ​ປູກ​ເຂົ້າ ໂດຍບໍ່​ໄດ້​ຖື​ວ່າ ການ​ເປັນ​ຮອດ ເຈົ້າ​ກະ​ພັດ​ແລ້ວ ຈະ​ບໍ່​ສົນ​ໃຈ​ນຳ​ເລື່ອງ​ແນວນີ້​ອີກ. ການ​ປູກ​ເຂົ້າ​ໃນ ພາ​ລະ​ຊະ​ວັງ ຂອງ ເຈົ້າ​ຈັກ​ກະ​ພັດ​ຍີ່​ປຸ່ນນັ້ນ ໄດ້​ເລີ່ມ​ມາ​ແຕ່​ສະ​ໄໝ ເຈົ້າ​ຈັກ​ກະ​ພັດ ໂຊວາ (Showa 1901-1989) ​ຜູ້​ເປັນ​ປູ່​ຂອງ ​ເຈົ້າຈັກກະ​ພັດ ນາ​ຣຸ​ຮິ​ໂຕະ (Naruhito) ​ປັດ​ຈຸ​ບັນ.

ການ​ປູກ​ເຂົ້າ​ພາຍ​ໃນ​ພາ​ລາ​ຊະ​ວັງ​ນັ້ນ ແມ່ນ​ເກີດ​ຈາກ ຄວາມ​ຄິດ​ຂອງ ເຈົ້າ​ຈັກ​ກະ​ພັດ ໂຊວາ ​ທີ່ຕ້ອງ​ການ​ໃຫ້​ຄົນ​ພາຍ​ໃນ​ປະ​ເທດ​ຮັບ​ຮູ້​ວ່າ ຊາວ​ນາ ນັ້ນ​ເຮັດ​ວຽກ​ໜັກ​ພຽງ​ໃດ, ຍ້ອນ​ແນວນັ້ນ ບັນ​ດາ ຊາວ​ນາ ຈຶ່ງ​ສົມ​ຄວນ​ໄດ້​​ຮັບການ​ສັນ​ລະ​ເສີນ ຄຸນ​ງາມ​ຄວາມ​ດີ​ຂອງ​ເຂົາ​ເຈົ້າ. ການ​ປູກ​ເຂົ້າ ພາຍ​ໃນ​ພະ​ລາ​ຊະ​ວັງ​ນັ້ນ ມີ​ທັງ​ເຂົ້າ​ໜຽວ ແລະ​ເຂົ້າ​ຈ້າວ.

ຈາກ​ເລື່ອງ​ລາວ​ການ​ປູກ​ເຂົ້າ​ໃນ​ພາ​ລະ​ຊະ​ວັງ ຂອງ​ເຈົ້າ​ຈັກ​ກະ​ພັດ​ໃນ​ຍີ່​ປຸ່ນນັ້ນ ໄດ້​ເຮັດ​ໃຫ້ຊາວ​ນາ ໃນ​ປະ​ເທດ​ດັ່ງ​ກ່າວ ມີ​ຄວາມ​ພາກ​ພູມ​ໃຈ​ໃນ​ການ ປູກ​ເຂົ້າ, ບາງ​ໂຮງ​ຮຽນ ກໍ​ໄດ້​ເອົາ​ກິດ​ຈະ​ກຳ ການ​ປູກ​ເຂົ້າ ສອດ​ແຊ​ກ​ເຂົ້າ​ໃນ​ການ​ຮຽນ ການ​ສອນ​ພ້ອມ. ​ດັ່ງ​ນັ້ນ ຈຶ່ງບໍ່​ແປກໃຈວ່າ ປະ​ເທດ​ຍີ່​ປຸ່ນ ມີ​ເນື້ອ​ທີ່​ໜ້ອຍ ຖ້າ​ທຽບ​ໃສ່​ປະ​ຊາ​ກອນ (ຄວາມ​ໜາ​ແໜ້ນ​ຂອງ​ປະ​ຊາ​ກອນ 334 ຄົນ ຕໍ່​ກິ​ໂລ​ຕາ​ແມັດ ໃນ​ຂະ​ນະ​ທີ ລາວ​ມີ​ພຽງ 24-27 ຄົນ ຕໍ່​ກິ​ໂລ​ຕາ​ແມັດ) ແຕ່​ປານນັ້ນ ຍັງ​ມີ​ເຂົ້າ​ເຫຼືອ​ກິນ​ທຸກ​ປີ ແລະ​ທັງ​ໄດ້​ເອົາໄປ ຊ່ວຍ​ປະ​ເທດ​ອື່ນ​ອີກ ເຊິ່ງ​ກໍ​ແນ່ນອນ ຍ້ອນ​ປັດ​ໄຈຫຼາຍ​ຢ່າງ​ທີ່​ເຮັດ​ໃຫ້​ຜົນ​ຜະ​ລິດ​ເຂົ້າ​ໄດ້ຫຼາຍ.

ພວກ​ເຮົາ​ຄົນ​ລາວ ທີ່​ມີ​ດິນດອນ​ຕ່ອນ​ຫຍ້າຫຼວງຫຼາຍນັ້ນ ແມ່ນ​ໂຊກ​ດີ​ທີ່​ສຸດ ເພື່ອ​ຈະ​ໄດ້​ ປູກເຂົ້າ, ​ພືດຜັກ​, ໝາກ​ໄມ້ ກິນ​ເອງ ທ່າມ​ກາງ ຂ່າວ​ຄາວ ການ​ພົບ​ສານ​ເຄ​ມີ ເຕັ​ມ​ທ້ອງ​ຕະຫຼາດ​, ທັງ​ເປັນ​ການ​ປະ​ຢັດ, ໄດ້​ກິນ   ​ອາ​ຫານ​ສົດ ແລະ​ປອດ​ໄພ​ຕຶ່ມ​ອີກ.

- Tiger Head 728x90 - ເຈົ້າ​ຊີ​ວິດ ປູກ​ເຂົ້າ​ກິນ​ເອງ
- 1 1 - ເຈົ້າ​ຊີ​ວິດ ປູກ​ເຂົ້າ​ກິນ​ເອງ

ຫຼາຍ​ຄົນ​ທີ່​ຢູ່​ໃນ​ເມືອງ​ຕິ​ວ່າບໍ່​ມີເນື້ອ​ທີ່​ດິນຫຼາຍ ແຕ່​ຄິດ​ເສຍ​ວ່າ ຄາວ​ສະ​ໄໝ ປະ​ເທດ ກູບາ ຖືກ​ປິດກັ້ນ ຈາກ​ປະ​ເທດ​ມະ​ອຳ​ນາດນັ້ນ, ​ປະ​ຊາ​ຊົນ ກູ​ບາ ສາ​ມາດ​ຜະ​ລິດ ອາ​ຫານ​ກິນ​ເອງ, ກຸ້ມ​ຕົນ​ເອງ ໂດຍ​ສະ​ເພາະ​ຄົນ​ໃນ​ເມືອງ ມາ​ຮອດ​ປັດ​ຈຸ​ບັນ ການ​ຜະ​ລິດ​ກະ​ສິ​ກຳ ໃນ​ເຂດ​ຕົວ​ເມືອງຂອງ​ປະ​ເທດ​ດັ່ງ​ກ່າວ ມີ​ບົດ​ບາດ​ຢ່າງຫຼວງຫຼາຍ ​ປະ​ກອບ​ສ່ວນ​ໃຫ້ ມີ​ການ​ຄ້ຳ​ປະ​ກັນ​ສະ​ບຽງ​ອາ​ຫານຫຼາຍ​ຂຶ້ນ.

ສິ່ງ​ໜ້າ​ເສົ້າ​ໃຈ ອີກ​ອັນ​ໜຶ່ງ ເມື່ອ​ເວົ້າ​ເລື່ອງ​ເຂົ້າ, ໃນ​ປັດ​ຈຸ​ບັນ ເຫັນ​ວ່າ ມີ​ທົ່ງ​ນາຫຼາຍ​ຂົງ​ເຂດ ຂອງ​ລາວ​ ກາຍ​ເປັນ​ນາ​ເຮື້ອ ຫຼື ກາຍ​ເປັນ​ດິນ​ແນວ​ອື່ນ ເຮັດ​ໃຫ້​ການ​ຜະ​ລິດ​ເຂົ້າ​ໜ້ອຍ​ລົງ, ໂຄງ​ການ​ຊົນ​ລະ​ປະ​ທານ ທີ​ລົງ​ທຶນ​ສ້າງຫຼາຍ​ຕື້​ກີບ ຫຼາຍ​ແຫ່ງ​ທົ່ວ​ປະ​ເທດ ເປ່​ເພ ຍ້ອນ​ຂາດ​ການ​ບົວ​ລະ​ບັດ​ຮັດ​ສາ​ທີ່​ດີ, ປະ​ຊາ​ຊົນ​ບໍ່​ສົນ​ໃຈ​ນຳ ການ​ປູກ​ເຂົ້າ​ອີກ​ຕໍ່​ໄປ​ດ້ວຍຫຼາຍ​ເຫດ​ຜົນ.

ຢ່າງ​ໃດ​ກໍ​ຕາມ, ດ້ວຍເຫດ​ຜົນ​ທີ່​ວ່າ ຜັກ​ປົນ​ເຈືອ​ສານ​ເຄ​ມີຕາມ​ທ້ອງ​ຕະຫຼາດ, ຜັກ​, ໝາກ​ໄມ້​ນຳ​ເຂົ້າ​ຈາກ​ຕ່າງ​ປະ​ເທດ ທີ່ບໍ່​ມີ​ຄວາມ​ປອດ​ໄພ ແລະ​ລາ​ຄາ​ສູງ, ປະ​ຊາ​ຊົນ ຈຳ​ນວນຫຼາຍ ຍັງ​ຂາດ​ແຄນ​ອາ​ຫານ​ນັ້ນ ມັນ​ອາດ​ເປັນ​ການ​ດີ ທີ່​ພວກ​ເຮົາ​ປູ​ກ​ພືດ​ຜັກ​ກິນ​ເອງຕາມ​ເງື່ອນ​ໄຂ ແມ່ນ​ແຕ່ເຈົ້າ​ຊີ​ວິດ​ຂອງ​ປະ​ເທດ​ເພິ່ນ ກໍ​ຍັງ​ບໍ່​ປະ​ເລື່ອງນີ້.