ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ

- advert banner 728 90 728x90 - ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ

ປາກິດສະຖານທົດລອງລູກສອນໄຟຄັ້ງໃຫມ່ ໃນວັນທີ 23 ພຶດສະພາ ໃນເວລາ ດຽວກັນອິນເດຍ ເຊິ່ງເປັນ ຄູ່ປໍລະປັກກັນ ກຳລັງນັບ ຜົນການເລືອກຕັ້ງຄັ້ງສຳຄັນຂອງປະເທດ.

- lattana 1 - ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ

ສຳນັກຂ່າວຕ່າງ ປະເທດ ລາຍງານວ່າ: ປາກິດສະຖານອອກມາເປີດເຜີຍວ່າ: ພວກເຂົາໄດ້ທົດລອງຍິງລູກສອນ ໄຟທີ່ມີຂີດຄວາມສາມາດໃນການຕິດຕັ້ງຫົວຮົບນິວເຄຼຍ ແລ້ວ ໃນວັນທີ 23 ພຶດສະພານີ້ ໂດຍເຊື່ອວ່າເປັນການສົ່ງສັນຍານເຕືອນເຖິງອິນເດຍ ທີ່ກຳລັງນັບຜົນການເລືອກ ຕັ້ງໃຫຍ່ ເຊິ່ງຄາດວ່າທ່ານ ນາເຣນທຣາໂມດີ ຈະຊະນະ ແລະ ໄດ້ເປັນນາ ຍົກລັດຖະ ມົນຕີອີກສະໄຫມ.

“ຊາອີນ-2 ເປັນລູກ ສອນໄຟຂີດຄວາມສາມາດ ສູງທີ່ກົງຕາມຄວາມຕ້ອງການທາງຍຸດທະສາດຂອງປາກິດສະຖານໃນການຮັກສາ ສະຖຽນລະພາບດ້ານການ ປ້ອງປາບໃນພາກພື້ນນີ້”. ກອງທັບປາກິດສະຖານລະບຸຜ່ານຖະແຫລງການ ໂດຍລູກສອນໄຟຊາອີນປະຈຳ ການໃນກອງທັບປາກິດສະ ຖານນັບແຕ່ປີ 2014 ຄາດວ່າ ພັດທະນາຈາກລູກສອນໄຟ ທີ່ອອກແບບໂດຍຈີນ ມີໄລຍະ ຍິງສູງສຸດ 1.500 ກມ.

ຖະແຫລງການຂອງ ປາກິດສະຖານບໍ່ໄດ້ລະບຸເຖິງອິນເດຍ ແຕ່ເນັ້ນໃຫ້ເຫັນຄວາມ ເຄັ່ງຕຶງລະຫວ່າງ ອິນເດຍກັບ ປາກິດສະຖານ ທີ່ສ່ຽງຈະລຸກລາມກາຍເປັນສົງຄາມ ເພື່ອຍາດຊີງແຄວ້ນກາສເມຍ.

ເຖິງຢ່າງໃດກໍຕາມ, ປາກິດສະຖານຍັງສະແດງທ່າທີ ເປີດກວ້າງສຳລັບການເຈລະຈາສັນຕິພາບຫລັງການ ເລືອກຕັ້ງອິນເດຍຈົບລົງ ໂດຍໃນວັນທີ 22 ພຶດສະພາ ທ່ານ ຊາເມມູດ ຄູເຣຊີ ລັດຖະ ມົນຕີວ່າການກະຊວງຕ່າງ ປະເທດປາກິດສະຖານ ພົບ ປະເຈລະຈາກັບທ່ານ ນາງ ຊຸມາ ສະວາຣາດ ລັດຖະມົນຕີຕ່າງປະເທດອິນເດຍ ໂດຍ ລະບຸວ່າ: ທັງສອງຝ່າຍຕ້ອງ ການເປັນເພື່ອນບ້ານທີ່ດີຕໍ່ກັນ ແລະ ຢຸດຕິບັນຫາຜ່ານ ການເຈລະຈາ.

- 1 1 - ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ
- Tiger Head 728x90 - ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ

- 32574887 - ປາກິດສະຖານທົດລອງຍິງລູກສອນໄຟຮອບໃໝ່ຂະນະອິນເດຍນັບຜົນເລືອກຕັ້ງ