ໄວ້ໃຈໂຮງງານ ປາແດກ ຮຸ່ງເຮືອງສີນ

- advert banner 728 90 728x90 - ໄວ້ໃຈໂຮງງານ ປາແດກ ຮຸ່ງເຮືອງສີນ

ໂຮງງານ ປາແດກ ຮຸ່ງເຮືອງສີນ ຊື່ນີ້ຫຼາຍຄົນຢູ່ນະຄອນຫຼວງເຮົາຄົງຈະຮັບຮູ້ດີ, ເພາະເປັນໂຮງງານຜະລິດປາແດກສໍາເລັດຮູບ ທີ່ມີຄວາມແຊບ, ສະອາດ ແລະ ຮັບປະກັນຄວາມປອດໄພຂອງຜູ້ບໍລິໂພກ, ເປັນໂຮງງານປາແດກທີ່ມີປະສົບການມາແລ້ວຫຼາຍກວ່າ 30 ປີ ແລະ ໄດ້ຮັບຄວາມນິຍົມຈາກຜູ້ບໍລິໂພກຕະຫຼອດມາ.

- new3 - ໄວ້ໃຈໂຮງງານ ປາແດກ ຮຸ່ງເຮືອງສີນ

ດັ່ງທ່ານນາງ ວິໄລສີນ ເຕີນຕານ ເຈົ້າຂອງໂຮງງານດັ່ງກ່າວ ໃຫ້ຮູ້ວ່າ: ຈຸດເລີ່ມຕົ້ນຂອງຕົ້ນແມ່ນໃນປີ 1988 ໄດ້ເປັນແມ່ຄ້າຂາຍຜັກ ແລະ ປາແດກດິບ ຢູ່ທີ່ຕະຫຼາດສວນມອນ ແລະ ເຫັນວ່າໄດ້ຂາຍດີ ແລະ ຕໍ່ມາປີ 2004 ຕົນໄດ້ມີຄວາມຄິດຢາກເສີມຂະຫຍາຍທຸລະກິດການຂາຍປາແດກໃຫ້ໄປໄດ້ໄກ, ດັ່ງນັ້ນ, ຈຶ່ງໄດ້ທົດລອງເຮັດປາແດກນໍ້າຕົ້ມສຸກສໍາເລັດຮູບອອກຈໍາໜ່າຍ ແລະ ເຫັນວ່າຜະລິດຕະພັນດັ່ງກ່າວກໍໄດ້ຮັບຄວາມນິຍົມຈາກຜູ້ບໍລິໂພກເປັນບໍ່ໜ້ອຍ ແລະ ຕໍ່ມາປີ 2007 ຕົນເອງພ້ອມຄອບຄົວຈຶ່ງໄດ້ຕັດສິນໃຈລົງທຶນສ້າງໂຮງງງານປາແດກແຫ່ງນີ້ຂຶ້ນ ໂດຍໃສ່ຊື່ວ່າ: ໂຮງງານ ປາແດກ ຮຸ່ງເຮືອງສີນ ແລະ ໄດ້ເລີ່ມຜະລິດປາແດກດ້ວຍຫຼາຍຮູບແບບຄື: ປາແດກນໍ້າອັດແກ້ວ, ແຈ່ວປາແດກເຄື່ອງສໍາເລັດຮູບຊະນິດຕ່າງໆ ແລະ ເຫັນວ່າກໍໄດ້ຮັບຄວາມນິຍົມບໍ່ໜ້ອຍຈາກລູກຄ້າຢູ່ພາຍໃນປະເທດເຮົາ ຈົນມາຮອດປີ 2013  ຜະລິດຕະພັນຂອງໂຮງງານຈຶ່ງໄດ້ຮັບເຄື່ອງໝາຍການຄ້າ ໜຶ່ງເມືອງ ໜຶ່ງຜະລິດຕະພັນ (ໂອດ໋ອບ) ຈາກນະຄອນຫຼວງວຽງຈັນ ແລະ ຈາກນັ້ນມາກໍໄດ້ຂະຫຍາຍກິດຈະການຂອງຕົນຂຶ້ນມາເລື່ອຍໆ ແລະ ໄດ້ມີການຕໍ່ຍອດຜະລິດຕະພັນຈາກ 1 ມາເປັນ 10 ຜະລິດຕະພັນໃນປັດຈຸບັນຄື: ນໍ້າປາແດກສຸກ, ນໍ້າປາແດກ (ສະເພາະຕໍາ ແລະ ນໍ້າປາແດກແບບທົ່ວໄປ), ແຈ່ວສຸກີ້ (ຊີ້ນດາດ, ຈຸ່ມ) ແຈ່ວພັນປາ, ແຈ່ວປາແດກຝຸ່ນ, ແຈ່ວປາແດກເຄື່ອງ, ແຈ່ວຈີ່ຫລີດ, ປາແດກໜຽວ, ປາແດກຝຸ່ນ ແລະ ປາແດກນໍ້າປະສົມຕອນ ແລະ ຜະລິດຕະພັນອື່ນໆອີກຫຼາຍຢ່າງຂອງໂຮງງານລ້ວນແຕ່ ໄດ້ຮັບໃບຢັ້ງຢືນ ອຢ ຈາກກະຊວງສາທາລະນະສຸກເປັນຢ່າງດີ.

ເຈົ້າຂອງໂຮງງານໃຫ້ຮູ້ອີກວ່າ: ໃນແຕ່ລະປີໂຮງງານສາມາດຜະລິດປາແດກຕຸກທັງຕຸກນ້ອຍ ແລະ ຕຸກໃຫຍ່ ປະມານ 140-150 ໂຕນ ແລະ ປັດຈຸບັນຜະລິດຕະພັນປາແດກຂອງໂຮງງານແຫ່ງນີ້ ສາມາດຈໍາໜ່າຍຢູ່ໃນ 9 ຕົວເມືອງນະຄອນຫຼວງວຽງຈັນໄດ້ຢ່າງທົ່ວເຖິງ. ນອກຈາກນັ້ນຍັງມີຕົວແທ່ນຈໍາໜ່າຍຫຼັກຢູ່ແຂວງໄຊຍະບູລີ ແລະ ແຂວງ ຄໍາມ່ວນ ນໍາອີກ ແລະ ໃນຕໍ່ໜ້າໂຮງງານມີແຜນຈະປັບປຸງລົດຊາດ ແລະ ຈະມີການຕໍ່ຍອດຜະລິດຕະພັນອອກໄປເລື່ອຍໆ ຕາບໃດທີ່ຄົນລາວກິນເຂົ້າໜຽວຈໍ້າປາແດກ ໂຮງງານເຮົາກໍຈະຢູ່ຄຽງຄູສັງຄົມລາວຕະຫຼອດໄປ.

- lattana 1 - ໄວ້ໃຈໂຮງງານ ປາແດກ ຮຸ່ງເຮືອງສີນ

ໂຮງງານ ປາແດກ ຮຸ່ງເຮືອງສີນ (HHS) ຕັ້ງຢູ່ບ້ານ ຈອມເພັດເໜືອ, ໜ່ວຍ 23, ເຮືອນເລກທີ 242, ຮ່ອມ 9, ເມືອງ ສີສັດຕະນາກ ນະຄອນຫຼວງວຽງຈັນ, ທ່ານໃດຕ້ອງການຜະລິດຕະພັນ ຫຼືຢາກເປັນຕົວແທນຈໍາໜ່າຍ ສາມາດຕິດຕໍ່ໄດ້ທີເບີ 020 5541 8059, 020 5487 9501 ແລະ 021 350302 ຫຼືມາພົວພັນໂດຍກົງກັບໂຮງງານໄດ້ທຸກເວລາໃນໂມງລັດສະການ.

error: Content is protected !!