ຈົ່ງພ້ອມກັນປູກໄມ້ໃຫ້ເປັນຂະບວນຟົດຟື້ນບົນພື້ນຖານປະຢັດມັດທະຍັດ

- advert banner 728 90 728x90 - ຈົ່ງພ້ອມກັນປູກໄມ້ໃຫ້ເປັນຂະບວນຟົດຟື້ນບົນພື້ນຖານປະຢັດມັດທະຍັດ

ຄືດັ່ງຮູ້ນໍາກັນແລ້ວວ່າອີກບໍ່ພໍເທົ່າໃດ ວັນປູກຕົ້ນໄມ້ແຫ່ງຊາດ 1 ມິຖຸນາກໍຈະໝູນວຽນມາອີກວາລະໜຶ່ງ ແລະ ມາຮອດປັດຈຸບັນເຫັນວ່າຂະແໜງການຕ່າງໆນັບແຕ່ສູນກາງຮອດທ້ອງຖິ່ນ ຕ່າງກໍໄດ້ເປັນເຈົ້າການຫ້າງຫາກະກຽມເບ້ຍໄມ້, ເນື້ອທີ່ປູກ ແລະ ເຄື່ອງມືອຸປະກອນຕ່າງໆ ເພື່ອເຮັດໃຫ້ຂະບວນການປູກໄມ້ນີ້ມີບັນຍາກາດຟົດຟື້ນດີ, ຕັ້ງໜ້າປະຕິບັດຕາມແຈ້ງການຂອງກະຊວງກະສິກໍາ-ປ່າໄມ້ວາງອອກ ເພື່ອໃຫ້ການປູກໄມ້ມີປະສິດທິຜົນ ແລະ ປະຢັດມັດທະຍັດ ເປັນຕົ້ນ: ຂະແໜງການປ່າໄມ້ທຸກຂັ້ນຕ້ອງເປັນເຈົ້າການສົມທົບກັບພາກສ່ວນຕ່າງໆເພື່ອວາງແຜນປູກໄມ້ໃຫ້ມີປະສິດທິຜົນ ເຊັ່ນ: ຊະນິດໄມ້ທີ່ຈະປູກ, ພື້ນທີ່ເຂດເປົ້າໝາຍຈະປູກໄມ້ອື່ນໆ. ພ້ອມທັງແຕ່ງຕັ້ງຄະນະວິຊາການລົງແນະນໍາຢູ່ບັນດາສໍານັກງານ, ອົງການ, ຫົວໜ່ວຍທຸລະກິດ ແລະ ຊຸມຊົນຕ່າງໆ ໃຫ້ຮັບຮູ້ເຂົ້າໃຈຕື່ມກ່ຽວກັບເຕັກນິກການປູກ, ບົວລະບັດຮັກສາ ເພື່ອໃຫ້ໄມ້ປູກໃໝ່ມີປະສິດທິຜົນ. ໄປຄຽງຄູ່ກັນນັ້ນ, ກໍໃຫ້ມີການຈັດວາງສະແດງເບ້ຍໄມ້, ໃຫ້ຄວາມຮູ້ຜ່ານກິດຈະກໍາຖາມ-ຕອບ ຕິດພັນກັບການສະເຫລີມສະຫລອງວັນເດັກນ້ອຍສາກົນໃຫ້ຟົດຟື້ນ ແນໃສ່ປູກຈິດສໍານຶກໃຫ້ອະນຸຊົນ, ເຍົາວະຊົນ ໄດ້ເຂົ້າໃຈເຖິງຄຸນປະໂຫຍດຂອງຕົ້ນໄມ້ຕໍ່ການດໍາລົງຊີວິດ ແລະ ການປ່ຽນແປງຂອງດິນຟ້າອາກາດ. 

- Tiger Head 728x90 - ຈົ່ງພ້ອມກັນປູກໄມ້ໃຫ້ເປັນຂະບວນຟົດຟື້ນບົນພື້ນຖານປະຢັດມັດທະຍັດ
- 1 1 - ຈົ່ງພ້ອມກັນປູກໄມ້ໃຫ້ເປັນຂະບວນຟົດຟື້ນບົນພື້ນຖານປະຢັດມັດທະຍັດ
- lattana 1 - ຈົ່ງພ້ອມກັນປູກໄມ້ໃຫ້ເປັນຂະບວນຟົດຟື້ນບົນພື້ນຖານປະຢັດມັດທະຍັດ