ເຟສບຸກ ຈະ​ບໍ່​ລຶບ​ຂ່າວ​ປອມ

- 29 - ເຟສບຸກ ຈະ​ບໍ່​ລຶບ​ຂ່າວ​ປອມ
- Untitled design - ເຟສບຸກ ຈະ​ບໍ່​ລຶບ​ຂ່າວ​ປອມ

ຮຽບຮຽງໂດຍ:ລູກ ເມືອງພວນ

ບໍລິສັດ Mark Zuckerberg ເວົ້າວ່າ, ຈະບໍ່ລຶບ ຂ່າວ ປອມອອກຈາກ ເຟສບຸກ ຂອງ ຕົນເພາະມັນຈະເປັນການ ລະເມີດຂໍ້ຕົກລົງຂອງກຸ່ມ.

ເຟສບຸກ ຢູ່ອັງກິດ ໂຄສະນາວ່າ: “ ຂ່າວປອມບໍ່ແມ່ນ ເພື່ອນຂອງພວກເຮົາ ”

ແຕ່ບໍລິສັດດັ່ງກ່າວ ພັດເວົ້າວ່າ: ແຕ່ລະຄົນລົງຂ່າວ ແມ່ນມີ “ ທັດສະນະແຕກຕ່າງກັນ ” ແຕ່ຖ້າປະຕິເສດການລົງຂ່າວ “ ຂີ້ຕົວະ ” ຈະ “ເປັນການລ່ວງລະເມີດຫຼັກ ການພື້ນຖານ ສິດສະເໝີພາບ ໃນການປາກເວົ້າ”

ແທນທີ່ວ່າຈະລຶບຂ່າວປອມ, ເຟສບຸກຊໍ້າພັດເວົ້າວ່າ:  “ຈະລຸດຜ່ອນ” ບົດຂຽນ ທີ່ພວກເຂົາເຫັນວ່າເປັນຂ່າວປອມ ໃນ New Feeds ລົງ.

ເຟສບຸກ ຖືກກວດສອບ ຢ່າງລະອຽດ ກ່ຽວກັບພາລະ ບົດບາດຂອງຕົນ ໃນການ ໂຄສະນາຊວນເຊື່ອຂ່າວປອມ ພາຍຫຼັງທີ່ພົບວ່າ ລັດເຊຍໄດ້ ພະຍາຍາມສ້າງຜົນສະທ້ອນ ເຖິງຜູ້ມີສິດເລືອກຕັ້ງຂອງ ສະຫະລັດ ໂດຍຜ່ານສື່ສັງຄົມ.

ວັນທີ 11 ກໍລະກົດ, ເຟສ ບຸກ ໄດ້ຈັດຕັ້ງເຫດການໜຶ່ງ ຂຶ້ນຢູ່ ນິວຢອກ, ຊຶ່ງພວກເຂົາ ໄດ້ພະຍາຍາມຊອກຫາວິທີ ທາງຊວນເຊື່ອບັນດານັກ ຂ່າວວ່າ: ເຂົາກຳລັງແກ້ໄຂ ບັນຫາຢູ່.

ນັກຂ່າວຈາກ CNN Oliver Darcy ຖາມວ່າ: ເຟສ ບຸກ ຈະສາມາດແກ້ໄຂ ບັນຫາແຜ່ລະບາດຂອງຂ່າວຜິດພາດໄດ້ບໍ ໃນເມື່ອໜ້າເວບ InfoWars ຍັງປະກົດຕົວ ຢູ່ໃນ New Feeds ?

- Wave100S AD to Website 2020 0 - ເຟສບຸກ ຈະ​ບໍ່​ລຶບ​ຂ່າວ​ປອມ

InfoWars ເປັນຜູ້ຜະ ລິດລາຍການ ສົນທະນາ (talk shows) ອອນລາຍ ຊຶ່ງມີປະມານ 900.000 ຄົນຕິດຕາມຢູ່ໃນ ເຟສບຸກ. ໂຄສົກລາຍການ Alex Jones ໃຫ້ຮູ້ວ່າ: ມີປະມານ 2,4 ລ້ານຄົນຕິດຕາມຢູ່ໃນ  YouTube.

ແຕ່ວ່າ ລາຍການດັ່ງ ກ່າວ ໄດ້ນຳສະເໜີລາຍການ ທີ່ຜິດພາດ, ຕົວຢ່າງວ່າ, ເຂົາ ໄດ້ລົງຂ່າວວ່າ: ລັດຖະບານ ສະຫະລັດຢັ້ງຢືນວ່າ ເຫດ ການຍິງຂ້າກັນຢູ່ໃນໂຮງ ຮຽນ Sandy Hook ປີ 2012 ນັ້ນ ແມ່ນຂ່າວປອມ.

ຕອບຄຳຖາມຂອງ CNN, John Hegeman ຂອງ Facebook ໃຫ້ຮູ້ວ່າ: “ ພວກເຮົາສ້າງ ເຟສບຸກຂຶ້ນ ແມ່ນເພື່ອໃຫ້ກາຍເປັນບ່ອນ ທີ່ທຸກຄົນ ສາມາດມີປາກ ມີ ສຽງໄດ້ ”

ແຕ່ເຂົາກໍບໍ່ກ້າປະຕິເສດວ່າ ບໍ່ມີຂ່າວປອມ ແຕ່ຖ້າຫາກ ພວກເຂົາບໍ່ລະເມີດຫຼັກການ ຂອງ ເຟສບຸກ ກໍຈະຕົກອັນດັບ ຈາກຜູ້ນຳໃຊ້ໄປລາຍງານ ຫຼື ຖືກກຳນົດວ່າເປັນຂ່າວປອມ.

ໂຄສົກຄົນໜຶ່ງກ່າວກັບ CNN ວ່າ: “ ພວກເຮົາຈະ ອະນຸຍາດໃຫ້ທຸກຄົນ ລົງບົດ  ຂຽນຂອງຕົນໃນຮູບການ ສະ ແດງຄວາມເຫັນ, ແຕ່ພວກ ເຮົາຈະບໍ່ໃຫ້ມັນປະກົດອອກ ຢູ່ໃນໜ້າ News Feed  ”

ບໍລິສັດເຟສບຸກໃຫ້ຮູ້ວ່າ: “ບົດຄວາມຂຽນໃນຮູບການ ດັ່ງກ່າວ ຈະເຮັດໃຫ້ ຜູ້ຕິດ ຕາມລຸດລົງ 80% ໃນອະນາ  ຄົດ”. ບັນດາໜ້າເວບໄຊທີ່ ມັກແບ່ງປັນຂ່າວປອມ ຈະຖືກ ລົດອັນດັບລົງ.

- 29 - ເຟສບຸກ ຈະ​ບໍ່​ລຶບ​ຂ່າວ​ປອມ
- WhatsApp Image 2020 05 27 at 5 - ເຟສບຸກ ຈະ​ບໍ່​ລຶບ​ຂ່າວ​ປອມ
- WhatsApp Image 2020 05 27 at 5 - ເຟສບຸກ ຈະ​ບໍ່​ລຶບ​ຂ່າວ​ປອມ
error: Alert: ເນື້ອຫາຂ່າວມີລິຂະສິດ !!