6 ວິທີ​ສອນ​ໃຫ້​ເດັກ​ຮູ້ມ້ຽນ​ມັດ​ເຄື່ອງ​ຫລິ້ນຂອງ​ຕົນ​ຕາມ​ແບບ Montessori

- advert banner 728 90 728x90 - 6 ວິທີ​ສອນ​ໃຫ້​ເດັກ​ຮູ້ມ້ຽນ​ມັດ​ເຄື່ອງ​ຫລິ້ນຂອງ​ຕົນ​ຕາມ​ແບບ Montessori

ຮຽບຮຽງໂດຍ: ລູກເມືອງພວນ

(​ເນື່ອງ​ໃນ​ໂອກາດ ວັນ​ເດັກນ້ອຍ​ສາກົນ 1 ມິຖຸນາ)

ວິທີຂອງ Montessori ແມ່ນປັດຊະຍາການສຶກສາ ໂດຍອີງໃສ່ບົດຮຽນປະສົບການຂອງທ່ານໝໍ ແລະ ນັກສຶກສາສາດຊາວອີຕາລີ Maria Montessori (1870-1952). ວິທີດັ່ງກ່າວ ຈະຊ່ວຍໃຫ້ເດັກພັດທະນາຕາມຄວາມສາມາດສະເພາະຂອງເຂົາ. ວິທີຕ່າງໆ ຂ້າງລຸ່ມນີ້ ແມ່ນວິທີການ Montessori ສອນໃຫ້ເດັກຮູ້ມ້ຽນມັດເຄື່ອງຫຼິ້ນຂອງຕົນເອງ:

1.ມ້ຽນເຄື່ອງຫຼິ້ນໄວ້ ບ່ອນເກົ່າ (ບໍ່ຍ້າຍບ່ອນ)

ຜູ້ປົກຄອງຄິດວ່າ, ຖ້າຫາກຖອກເຄື່ອງຫຼິ້ນຂອງ ເດັກເຂົ້າໄວ້ໃນກະຕ່າດຽວກັນເດັກຈະຊອກເຄື່ອງຫຼິ້ນຂອງຕົນໄດ້ງ່າຍຂຶ້ນ, ແນວຄວາມຄິດແບບນີ້ແມ່ນຜິດ ພາດບໍ່ຖືກຕ້ອງ. ເດັກມີຄວາມຈຳແບບຕາຍໂຕ, ເດັກຈະມີຄວາມເພິ່ງພໍໃຈ ຖ້າເຄື່ອງຫຼິ້ນ ຂອງພວກເຂົາຫາກຖືກປະ ໄວ້ບ່ອນເກົ່າຂອງມັນ ແລະ ເຂົາກໍມັກຈະມ້ຽນມັດເອົາ ເອງໄດ້ງ່າຍກວ່າ.

ເວລາເດັກຫຼີ້ນຜູ້ປົກຄອງ ຈົ່ງຕິດຕາມເບິ່ງວ່າ ເຄື່ອງຫຼິ້ນອັນໃດທີ່ເດັກບໍ່ມັກຫຼິ້ນ  ແລະ ບໍ່ແຕະຕ້ອງເຖິງຈັກເທື່ອເຮົາກໍເອົາມັນໄປມ້ຽນໄວ້ ບ່ອນໜຶ່ງຕ່າງຫາກ.

ເຄື່ອງຫຼິ້ນອັນໃດທີ່ເດັກ ມັກຫຼີ້ນເປັນປະຈຳ ກໍໃຫ້ຈັດໄວ້ເປັນລະບຽບບ່ອນໃຜບ່ອນ ມັນຢູ່ເທິງຮ້ານໄວ້ເຄື່ອງຫຼິ້ນ, ເດັກຈະບໍ່ສັບສົນ, ປົນເປ…

2.ເປັນແບບຢ່າງໃຫ້ ເດັກ.

ຖ້າຜູ້ປົກຄອງຢາກໃຫ້ ເດັກມ້ຽນມັດເຄື່ອງຫຼິ້ນເອົາເອງ, ຜູ້ໃຫ່ຍຕ້ອງເປັນແບບ ຢ່າງໃຫ້ແກ່ເດັກ. ທາງທີ່ດີທີ່ສຸດຕ້ອງພ້ອມກັບເດັກມ້ຽນມັດເຄື່ອງຫຼິ້ນຂອງເຂົາ. ເບື້ອງຕົ້ນພໍ່ແມ່ ອາດຈະເປັນຜູ້ເຮັດ ເອົາເອງເປັນແບບຢ່າງໃຫ້ແກ່ເດັກກ່ອນ ຫຼັງຈາກນັ້ນກໍ ຄ່ອຍໆ ປະໃຫ້ເດັກເຮັດເອົາເອງ. ເດັກມັກມ້ຽນເຄື່ອງຫຼິ້ນ ຂອງຕົນກັບຜູ້ໃຫ່ຍທີ່ພາເຂົາເຮັດ, ເຂົາບໍ່ມັກຖືກບັງຄັບໃຫ້ເຮັດເອົາເອງຜູ້ດຽວ.

3.ວາງລະບຽບການ ຄັກແນ່

- lattana 1 - 6 ວິທີ​ສອນ​ໃຫ້​ເດັກ​ຮູ້ມ້ຽນ​ມັດ​ເຄື່ອງ​ຫລິ້ນຂອງ​ຕົນ​ຕາມ​ແບບ Montessori
- 1 1 - 6 ວິທີ​ສອນ​ໃຫ້​ເດັກ​ຮູ້ມ້ຽນ​ມັດ​ເຄື່ອງ​ຫລິ້ນຂອງ​ຕົນ​ຕາມ​ແບບ Montessori

ຜູ້ປົກຄອງຕ້ອງວາງລະບຽບການໃນການມ້ຽນ ເຄື່ອງຫຼິ້ນໃຫ້ເດັກຄັກແນ່. ເມື່ອວາງລະບຽບການແລ້ວ ກໍແນະນຳໃຫ້ເດັກເຮັດເອົາເອງເປັນປະຈຳ ແລະ ເຂັ້ມງວດຕໍ່ເດັກ ຫຼິ້ນແລ້ວຕ້ອງຮູ້ ມ້ຽນມັດເອົາເອງບໍ່ໃຫ້ເດັກປະໄວ້ຊະຊາຍ, ຖ້າຫຼິ້ນແລ້ວ ເຂົາບໍ່ມ້ຽນກໍບອກໃຫ້ເຂົາມາມ້ຽນທັນທີ, ບໍ່ໃຫ້ເຂົາລະເຫຼີງການມ້ຽນມັດຫຼັງຈາກຫຼິ້ນແລ້ວ.

4.ເຮັດໃຫ້ການມ້ຽນມັດກາຍມາເປັນການຫຼິ້ນ.

ເວົ້າແບບນີ້ກໍບໍ່ໝາຍຄວາມວ່າ ມ້ຽນມັດເຄື່ອງຫຼິ້ນ ເທື່ອໃດກໍຕ້ອງໃຫ້ກາຍເປັນ ການຫຼິ້ນສະເໝີໄປ. ຖ້າຫາກ ມີເວລາກໍຄວນຊວນເດັກມ້ຽນມັດເຄື່ອງຫຼິ້ນນຳກັນ, ເມື່ອໄດ້ມ້ຽນມັດກັບຜູ້ໃຫຍ່  ເຂົາຈະມີຄວາມສຸກ, ມີຄວາມ ຫ້າວຫັນ ແລະ ຕັ້ງໃຈດີກ່ວາ ແລະ ສຸດທ້າຍກໍຈະກາຍ ເປັນ ຄວາມຊິ້ນເຄີຍໃຫ້ແກ່ເດັກ. ເວລາມ້ຽນເຄື່ອງຫຼິ້ນກັບເດັກ ຜູ້ປົກຄອງອາດຈະເຮັດເປັນ ການແຂ່ງຂັນກັນວ່າ: ຜູ້ໃດຈະເກັບໄດ້ຫຼາຍ ແລະ ໄວກ່ວາ ກັນ, ຖ້າເຮົາເກັບໝົດໄວກວ່າ ເຂົາເຮົາອາດຍົກສອງມືຂຶ້ນ ແລ້ວຮ້ອງຂຶ້ນວ່າ: ໝົດແລ້ວ, ຊະນະແລ້ວ ຫຼື ບາງເທື່ອເຮົາ ກໍຕາງຕິເກັບຊ້າກວ່າເດັກເພື່ອໃຫ້ເຂົາຊະນະ.

5.ເຮັດໃຫ້ເດັກເຫັນໄດ້ຜົນຂອງການມ້ຽນມັດ.

ຜູ້ເປັນພໍ່ແມ່ຕ້ອງວາງ ຄາດໝາຍຄັກແນ່ໃນເວລາ ເກັບມ້ຽນເຄື່ອງຫຼິ້ນ ເພື່ອໃຫ້ ເດັກມີຄວາມຕັ້ງໃຈ ເພື່ອສ້າງ ຄວາມຊີ້ນເຄີຍໃຫ້ເດັກ ແລະ ສ້າງເປັນນິໄສໃຫ້ເຂົາມີສະຕິໃນການມ້ຽນມັດເຄື່ອງຫຼິ້ນພາຍຫຼັງຫຼິ້ນແລ້ວແຕ່ລະເທື່ອ ແລະ ຫ້າມເວົ້າເດັດ ຂາດວ່າ: “ບໍ່ຕ້ອງກິນເຂົ້າ ຖ້າມ້ຽນເຄື່ອງບໍ່ທັນແລ້ວ”  ເຮົາອາດຈະເວົ້າ: “ລູກມ້ຽນ ເຄື່ອງແລ້ວໆ ເຮົາກິນເຂົ້າ ນຳກັນເນາະ”

6.  ໃຫ້ເດັກຫຼິ້ນແລ້ວໆ ຈຶ່ງບອກໃຫ້ເດັກມ້ຽນເຄື່ອງຫຼິ້ນ.

ເຮົາບໍຄວນຈິງຈັງເມື່ອ ເດັກກຳລັງຫຼິ້ນມ່ວນ ແລະ ກຳລັງມຸກມຸ່ຍຢູ່ກັບເຄື່ອງຫຼິ້ນແລ້ວບອກໃຫ້ເດັກມ້ຽນ ເຄື່ອງ, ຕ້ອງຖ້າໃຫ້ເດັກຫຼິ້ນ ສຳເລັດແລ້ວຈິ່ງບອກໃຫ້ເດັກມ້ຽນເຄື່ອງຫຼິ້ນຂອງຕົນ. ຖ້າບອກໃຫ້ເຂົາມ້ຽນໃນ ເວລາກຳລັງຫຼິ້ນມ່ວນຢູ່ນັ້ນ ຈະບໍ່ໄດ້ຜົນເດັດຂາດ ຍິ່ງໄປກວ່ານັ້ນຈະຖືກຕໍ່ຕ້ານຈາກ ເດັກ. ຖ້າຫາກມີຄວາມຈຳ ເປັນເດັກຕ້ອງເລີກການຫຼິ້ນພໍ່ແມ່ຕ້ອງຊ່ວຍເຂົາມ້ຽນມັດໃຫ້ເປັນລະບຽບຮຽບຮ້ອຍ.

- 248 - 6 ວິທີ​ສອນ​ໃຫ້​ເດັກ​ຮູ້ມ້ຽນ​ມັດ​ເຄື່ອງ​ຫລິ້ນຂອງ​ຕົນ​ຕາມ​ແບບ Montessori
error: Content is protected !!