ຮາກຖານຄູກັ້ນນໍ້າບໍ່ຮັບປະກັນດ້ານເຕັກນິກຈຶ່ງພາໃຫ້ເຂື່ອນເຊປຽນ-ເຊນໍ້ານ້ອຍແຕກພັງ

- advert banner 728 90 728x90 - ຮາກຖານຄູກັ້ນນໍ້າບໍ່ຮັບປະກັນດ້ານເຕັກນິກຈຶ່ງພາໃຫ້ເຂື່ອນເຊປຽນ-ເຊນໍ້ານ້ອຍແຕກພັງ

ຄະນະສືບສວນ-ສອບສວນແຫ່ງຊາດ ເພື່ອກວດກາສາເຫດການແຕກພັງຂອງຄູກັນນໍ້າ D ໂຄງການເຂື່ອນໄຟຟ້າພະລັງງານໍ້າເຊປຽນ-ເຊນໍ້ານ້ອຍໃນວັນທີ 23 ກໍລະກົດ 2018 ໄດ້ເປີດເຜີຍໃນວັນທີ 28 ພຶດສະພານີ້ວ່າ: ເຫດການດັ່ງກ່າວບໍ່ສາມາດເອີ້ນເປັນເຫດສຸດວິໄສຕາມໄດ້ກໍານົດໄວ້ໃນສັນຍາສໍາປະທານ, ເນື່ອງຈາກເຂື່ອນແຫ່ງນີ້ຢູ່ໃນໄລຍະເກັບກັກນໍ້າເຂົ້າອ່າງ, ເຖິງແມ່ນວ່າມີຝົນຕົກຕິດຕໍ່ກັນຫລາຍວັນກ່ອນມື້ຄູກັ້ນນໍ້າແຕກພັງກໍຕາມ, ແຕ່ໃນເວລາແຕກພັງໄດ້ເລີ່ມຕົ້ນຂຶ້ນນັ້ນ ລະດັບນໍ້າໃນອ່າງເກັບນໍ້າຍັງຕໍ່າກວ່າລະດັບສັນເຂື່ອນຫລາຍ, ຊຶ່ງຄະນະກວດກາພົບວ່າສາເຫດຕົ້ນຕໍແມ່ນກ່ຽວຂ້ອງກັບຄວາມສາມາດໃນການຊືມນໍ້າສູງຂອງຮາກຖານຂອງເຂື່ອນກັ້ນນໍ້າ ປະກອບກັບຊັ້ນດິນທີ່ສາມາດຖືກກັດເຊາະໄດ້ງ່າຍ, ໂດຍສະເພາະການປາກົດມີຮູນ້ອຍໆທີ່ມີການເຊື່ອມຕໍ່ເຊິ່ງກັນ ແລະ ກັນໃນຊັ້ນດິນ, ໄປພ້ອມກັບການເພີ່ມຂຶ້ນຂອງລະດັບນໍ້າໃນໄລຍະການເກັບກັກນໍ້າໃນອ່າງ, ກະແສການຊືມຂອງນໍ້າຕາມເສັ້ນທາງໄຫລຂອງນໍ້າຕາມທາງນອນກໍ່ເລີ່ມຂຶ້ນໃນຮາກຖານ ບວກກັບຄວາມສາມາດໃນການຊືມນໍ້າສູງຂອງດິນ ປາກົດການນີ້ໄດ້ສົ່ງຜົນໃຫ້ມີການກັດເຊາະພາຍໃນຮາກຖານ ແລະ ເຮັດໃຫ້ດິນລາເຕຣິດອ່ອນໂຕລົງ ເມື່ອການກັດເຊາະ ແລະ ການອ່ອນໂຕ ຂອງຮາກຖານເຖິງຂັ້ນໃດໜຶ່ງ ແລະ ເຮັດໃຫ້ຄວາມສະເຖຍລະພາບຂອງເຂື່ອນບໍ່ສາມາດຮັບປະກັນໄດ້ອີກຕໍ່ໄປ ແລະ ການເລື່ອນຖະໄຫລເລິກແບບໝູນໄດ້ເລີ່ມຕົ້ນຂຶ້ນທີ່ບ່ອນສູງສຸດຂອງເຂື່ອນກັ້ນນໍ້າ ແລະ ໃນທີ່ສຸດກໍນໍາໄປສູ່ການແຕກພັງດັ່ງກ່າວ.

- new3 - ຮາກຖານຄູກັ້ນນໍ້າບໍ່ຮັບປະກັນດ້ານເຕັກນິກຈຶ່ງພາໃຫ້ເຂື່ອນເຊປຽນ-ເຊນໍ້ານ້ອຍແຕກພັງ
- lattana 1 - ຮາກຖານຄູກັ້ນນໍ້າບໍ່ຮັບປະກັນດ້ານເຕັກນິກຈຶ່ງພາໃຫ້ເຂື່ອນເຊປຽນ-ເຊນໍ້ານ້ອຍແຕກພັງ
error: Content is protected !!