ລາວເອົາໃຈໃສ່ຍົກລະດັບຄຸນນະພາບຂອງພະນັກງານນໍາທ່ຽວ

- advert banner 728 90 728x90 - ລາວເອົາໃຈໃສ່ຍົກລະດັບຄຸນນະພາບຂອງພະນັກງານນໍາທ່ຽວ

  ສະຖາບັນສື່ມວນຊົນ, ວັດທະນະທໍາ ແລະ ທ່ອງທ່ຽວ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຈັດຊຸດຝຶກອົບຮົມໃຫ້ພະນັກງານນຳທ່ຽວລະດັບຊາດຊຸດທີ 26 ຂຶ້ນໃນວັນທີ 27 ພຶດສະພາ-9 ສິງຫານີ້, ໂດຍການເປັນປະທານຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແລະ ມີພະນັກງານນຳທ່ຽວ 60 ກວ່າຄົນຈາກບັນດາບໍລິສັດທ່ອງທ່ຽວໃນທົ່ວປະເທດເຂົ້າຮ່ວມ.
  ຮອງຫົວໜ້າສະຖາບັນສື່ມວນຊົນ ວັດທະນະທຳ ແລະ ທ່ອງທ່ຽວ ໄດ້ກ່າວວ່າ: ໃນໄລຍະຜ່ານມາ, ໄດ້ມີພະນັກງານນໍາທ່ຽວຈໍານວນຫລາຍໄດ້ຜ່ານການຍົກລະດັບດ້ານຄວາມຮູ້ ແລະ ທັກສະບໍລິການນໍາທ່ຽວໃຫ້ຖືກຕ້ອງຕາມມາດຕະຖານທັງໃນລະດັບຊາດ ແລະ ພາກພື້ນ ເພື່ອແນໃສ່ດຶງດູດນັກທ່ອງທ່ຽວໃຫ້ເຂົ້າມາທ່ຽວປະເທດເຮົາດ້ວຍຄວາມປະທັບໃຈ ແລະ ນັບມື້ຫລາຍຂຶ້ນ.    ໃນໂອກາດນີ້, ທ່ານຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີຄໍາເຫັນເນັ້ນວ່າ: ການຍົກລະດັບຄວາມຮູ້ຂອງພະນັກງານນໍາທ່ຽວແມ່ນມີຄວາມສໍາຄັນຫລາຍ, ເນື່ອງຈາກເປັນຜູ້ອະທິບາຍໃຫ້ນັກທ່ອງທ່ຽວໄດ້ຮູ້ເຖິງປະຫວັດຄວາມເປັນມາ, ຄວາມສວຍງາມຂອງບ້ານເມືອງ, ຄວາມປານິດຂອງສີລະປະ, ຄວາມລ້ຳຄ່າຂອງວັດທະນະທຳ, ຂະນົບທຳນຽມຮີດຄອງປະເພນີ ແລະ ຄວາມສວຍງາມຂອງທີວທັດທຳມະຊາດ ລວມທັງດ້ານອື່ນໆ, ສະນັ້ນພະນັກງານນຳທ່ຽວຕ້ອງໄດ້ຮຽນຮູ້ ແລະ ເຂົ້າໃຈຂອງບັນດາເນື້ອໃນຕ່າງໆຢ່າງເລິກເຊິ່ງ, ມີຄຸນສົມບັດ ແລະ ກິລິຍາມາລະຍາດດີ ເພື່ອສ້າງຊື່ສຽງຂອງຊາດໃຫ້ເປັນທີ່ຮູ້ຈັກທົ່ວໂລກ ແລະ ຊ່ວຍໂຄສະນາດຶງດູດນັກທ່ອງທ່ຽວໃຫ້ເຂົ້າມາປະເທດເຮົານັບມື້ຫລາຍຂຶ້ນ.

- lattana 1 - ລາວເອົາໃຈໃສ່ຍົກລະດັບຄຸນນະພາບຂອງພະນັກງານນໍາທ່ຽວ
- 1 1 - ລາວເອົາໃຈໃສ່ຍົກລະດັບຄຸນນະພາບຂອງພະນັກງານນໍາທ່ຽວ
error: Content is protected !!