ລາຍຮັບພາສີດ່ານສາກົນຂົວມິດຕະພາບ IV ມີ ທ່າອ່ຽງເພີ່ມຂຶ້ນ

- advert banner 728 90 728x90 - ລາຍຮັບພາສີດ່ານສາກົນຂົວມິດຕະພາບ IV ມີ ທ່າອ່ຽງເພີ່ມຂຶ້ນ

ດ່ານພາສີສາກົນຂົວມິດຕະພາບ IV ຫ້ວຍຊາຍ ແຂວງບໍ່ແກ້ວ ສປປ ລາວ-ອຳເພີຊຽງຂອງ ຈັງຫວັດຊຽງລາຍປະເທດໄທ ໂດຍມີດ່ານສາກົນ, ດ່ານທ້ອງຖິ່ນ, ດ່ານປະເພນີຂຶ້ນກັບ, ກອງຄຸ້ມຄອງພາສີ I (ແຂວງຫຼວງນໍ້າທາ-ແຂວງບໍ່ແກ້ວ) ໃນ 5 ເດືອນຕົ້ນປີນີ້ ສາມາດປະຕິບັດລາຍຮັບໄດ້ທັງໝົດ 72,4 ຕື້ກີບເທົ່າກັບ 35​,​02​% ຂອງແຜນການປີ, ຖ້າທຽບໃສ່ປີຜ່ານມາເຫັນວ່າ ການເກັບລາຍຮັບມີທ່າອ່ຽງເພີ່ມຂຶ້ນ, ສ່ວນໃຫຍ່ລາຍຮັບໄດ້ມາຈາກນໍ້າມັນເຊື້ອໄຟກວມເອົາ 70%, ຄ່າທໍານຽມພາຫະນະ, ຄ່າທໍານຽມຄົນເຂົ້າ-ອອກຜ່ານດ່ານ, ເຄື່ອງວັດສະດຸກໍ່ສ້າງ, ເຄື່ອງອຸປະໂພກບໍລິໂພກ, ແລະ ສິນຄ້າອື່ນໆ.

- lattana 1 - ລາຍຮັບພາສີດ່ານສາກົນຂົວມິດຕະພາບ IV ມີ ທ່າອ່ຽງເພີ່ມຂຶ້ນ

ທ່ານ ຄໍາຜາຍ ຈັນນີຍາວົງ ຫົວໜ້າດ່ານພາສີດັ່ງກ່າວໃຫ້ຮູ້ວ່າ:​ດ່ານພາສີສາກົນຂົວມິດຕະພາບ IV ຂຶ້ນກັບກອງຄຸ້ມ ຄອງພາສີ I, ຊຶ່ງເປັນເສນາທິການໃຫ້ແກ່ກົມພາສີໃນການໂຄສະນາເຜີຍແຜ່ດ້ານລະ ບຽບຫຼັກການ, ປະຕິບັດກົດໝາຍ ແລະ ນິຕິກໍາອື່ນໆທີ່ກຽວຂ້ອງກັບວຽກງານ ຂະແໜງພາສີຢ່າງເຂັ້ມງວດໃນການ ຈັດຕັ້ງປະຕິບັດແຜນການການຈັດເກັບລາຍຮັບ, ຕາມລະບຽບກົດໝາຍທີ່ໄດ້ກໍານົດໄວ້ຕາມພາລະບົດບາດ ແລະ ໜ້າທີ່ການເມືອງທີ່ ໄດ້ຮັບມອບໝາຍໃຫ້ຖືກຕ້ອງສອດຄ່ອງ, ​ຄົບຖ້ວນໂປ່ງໃສ ສາມາດກວດໄດ້ ແລະ ທັນເວລາຄື: ໃນປີ 2019 ໄດ້ຮັບຕົວເລກແຜນການ ຈັດເກັບລາຍຮັບເຂົ້າງົບປະມານ ທັງໝົດ 207 ຕື້ືກວ່າກີບ ແລະ ໄດ້ແບ່ງໃຫ້ແຕ່ລະດ່ານຈັດຕັ້ງປະຕິບັດເຊັ່ນ: ດ່ານພາສີສາກົນຂົວມິດຕະພາບ IV ໃຫ້ປະຕິບັດໄດ້ 185 ຕື້ກີບ, ດ່ານພາສີສາກົນ ບ້ານມອມ 2 ຕື້ກີບ, ດ່ານພາສີສາກົນສາມຫຼ່ຽມຄໍາ 7 ຕື້ກີບ, ດ່ານພາສີ ທ້ອງຖິ່ນຕົ້ນເຜີ້ງ 1,5 ຕື້ກີບ, ດ່ານພາສີປະເພນີນໍ້າເກິ່ງ 200 ລ້ານກີບ,​ ດ່ານພາສີທ້ອງຖິ່ນຫ້ວຍຊາຍ 10 ຕື້ກີບ,  ດ່ານພາສີປະເພນີບ້ານດ່ານ ແລະ ປາກທາຈໍານວນ 1,3 ຕື້ກີບ.

- 1 1 - ລາຍຮັບພາສີດ່ານສາກົນຂົວມິດຕະພາບ IV ມີ ທ່າອ່ຽງເພີ່ມຂຶ້ນ
- Tiger Head 728x90 - ລາຍຮັບພາສີດ່ານສາກົນຂົວມິດຕະພາບ IV ມີ ທ່າອ່ຽງເພີ່ມຂຶ້ນ