ສະຫລອງ​ວັນ​ເດັກ​ສາກົນ​ໃຫ້​ມີ​ຄວາມ​ໝາຍ​ເລິກ​ເຊິ່ງ

- advert banner 728 90 728x90 - ສະຫລອງ​ວັນ​ເດັກ​ສາກົນ​ໃຫ້​ມີ​ຄວາມ​ໝາຍ​ເລິກ​ເຊິ່ງ

ໂດຍ: ທ່ຽງ​ທຳ

- new3 - ສະຫລອງ​ວັນ​ເດັກ​ສາກົນ​ໃຫ້​ມີ​ຄວາມ​ໝາຍ​ເລິກ​ເຊິ່ງ

ສະບາຍດີເພື່ອນຜູ້ອ່ານ ທີ່ຮັກແພງ, ນັບເກືອບສັດຕະວັດແລ້ວທີ່ຊາວໂລກເຮົາ ຕ່າງກໍໄດ້ຈັດຕັ້ງກັນສະເຫລີມ ສະຫລອງວັນ ເດັກນ້ອຍສາ ກົນ ວັນທີ 1 ມິຖຸນາ, ຂຶ້ນແຕ່ລະປີຢ່າງມີຄວາມໝາຍ ແລະ ເຕັມໄປດ້ວຍບັນຍາກາດ ເບີກບານມວນຊື່ນ ແລະ ປີນີ້ ກໍຍັງອີກພຽງ 2 ມື້ວັນປະຫວັດສາດສຳຄັນດັ່ງກ່າວກໍຈະໝູນວຽນມາບັນຈົບຄົບຮອບອີກວາລະໜຶ່ງ ແລະ ກໍເປັນໂອກາດອັນດີໃຫ້ພວກ ເຮົາໄດ້ລະນຶກເຖິງເຫດການ ສຳຄັນນີ້ເພື່ອແນໃສ່ປົກປ້ອງ ແລະ ຍ້ອງຍໍສັນລະເສີນເດັກໃນທົ່ວໂລກໃຫ້ສົມກັບ ເປັນອະນາຄົດອັນແຈ່ມໃສ ຂອງປະເທດຊາດ.

ກໍດັ່ງພວກເຮົາຮັບຮູ້ນຳກັນແລ້ວວ່າ: ຢູ່ກອງປະຊຸມ  ສະມັດຊາໃຫຍ່ ສັນນິບາດ, ນາໆຊາດ ເມື່ອວັນທີ 6 ກັນຍາ 1924 ໄດ້ຮັບຮອງເອົາຖະແຫລງການເຊີແນວກ່ຽວກັບ  ສິດທິເດັກ ແລະ ເປັນຄັ້ງທຳອິດ ເຊິ່ງໄດ້ປະກາດວ່າ: ເດັກ ມີຄວາມຕ້ອງການໃນການປ້ອງກັນ ແລະ ດູແລ ເບິ່ງແຍງ ເປັນພິເສດລວມທັງການປົກ ປ້ອງທີ່ເໝາະສົມທາງດ້ານກົດໝາຍກ່ອນເກີດ ແລະ  ຫລັງເກີດຍ້ອນວ່າເດັກຍັງ ບໍ່ທັນມີວຸດທິພາວະທີ່ສົມ ບູນຄົບຖ້ວນທາງດ້ານຮ່າງກາຍ ແລະ ຈິດໃຈ.

- lattana 1 - ສະຫລອງ​ວັນ​ເດັກ​ສາກົນ​ໃຫ້​ມີ​ຄວາມ​ໝາຍ​ເລິກ​ເຊິ່ງ

ໃນປີຕໍ່ມາກອງປະຊຸມໂລກຄັ້ງທຳອິດເພື່ອຄວາມ ເປັນຢູ່ທີ່ດີຂອງເດັກໄດ້ຖືກຈັດຂຶ້ນຢູ່ທີ່ເຊີແນວ, ປະເທດ ເຊີວິດເຊີແລນ ໃນວັນທີ 1 ມິຖຸນາ 1925 ແລະ ກໍໄດ້ປະກາດເອົາວັນດັ່ງກ່າວເປັນວັນເດັກສາກົນ ແລະ ມາຮອດ ເດືອນພະຈິກ 1949 ກອງປະຊຸມໃຫຍ່ສະຫະພັນແມ່ຍິງ ປະຊາທິປະໄຕ ສາກົນທີ່ນະຄອນຫລວງມົດສະກູ, ສະຫະພາບໂຊວຽດກໍໄດ້ປະກາດ ເອົາວັນທີ 1 ມິຖຸນາ ເປັນວັນເດັກສາກົນອີກ ເທື່ອໜຶ່ງເພື່ອປົກປ້ອງ, ສັນລະເສີນເດັກ ແລະ ນັບແຕ່ນັ້ນມາການສະ ເຫລີມສະຫລອງວັນເດັກ ສາກົນໂດຍປົກກະຕິປະກອບມີການອອກບົດປາໄສທີ່ກ່ຽວພັນເຖິງສິດທິ,  ຄວາມເປັນ ຢູ່ ທີ່ດີຂອງເດັກ ແລະ ການດຳ ເນີນກິດຈະກຳຕ່າງໆ ເພື່ອເດັກ ແລະ ຜ່ານມານີ້ເຮົາເຮັດໄດ້ດີແລ້ວບໍ່? ໃນຕົວຈິ່ງແລ້ວ ແມ່ນພວກເຮົາກໍສາມາດດຳ ເນີນໄປຢ່າງມີຄວາມໝາຍ ເຊິ່ງໄປຄຽງຄູ່ກັບການຈັດຕັ້ງດ້ານພິທີການຕ່າງໆ ສຳລັບເດັກແລ້ວ, ເພື່ອພວກເຂົາໄດ້ຮ່ວມເບີກບານມ່ວນຊື່ນ ແລະ ໄດ້ມີໂອກາດສະແດງຄວາມອາດສາມາດຕ່າງໆ ຂອງຕົນ ແລ້ວ, ຍັງຊ່ວຍໃຫ້ເຂົາເຈົ້າ ໄດ້ປູກຈິດສຳນຶກທີ່ດີ ໃນການປະພຶດອື່ນໆ ແລ້ວ ແລະ ໃນພາກປະຕິບັດຕົວຈິງບັນດາຂະແໜງການອຳນາດການຄອງຕ່າງກໍໄດ້ເອົາໃຈໃສ່ສຳລັບວຽກໂພສະນາການສຳລັບເດັກ, ວຽກງານສັກຢາກັນພະຍາດ, ການສະໜອງນ້ຳສະອາດ, ວິດຖ່າຍຫລຸດຜ່ອນອັດຕາການເສຍຊີວິດຂອງເດັກ,  ພ້ອມເອົາໃຈໃສ່ສ້າງ ເງື່ອນໄຂ ແລະ ໂອກາດໃຫ້ເດັກ ແລະ ໄວໜຸ່ມໄດ້ເຂົ້າຮ່ວມການຝຶກອົບຮົມທັກສະຊີວິດ, ວິຊາຊີບ, ຝຶກສີມືແຮງງານຕິດພັນກັບການເຂົ້າຮ່ວມຢ່າງຕັ້ງໜ້າ ຂອງພາກສ່ວນວິສາຫະກິດ,   ທຸລະກິດທັງພາກລັດ ແລະ ເອກະຊົນ ເພື່ອຮອງຮັບການ ເຊື່ອມໂຍງເຂົ້າກັບພາກພື້ນ ແລະ ສາກົນ, ເພີ່ມອັດຕາການ ເຂົ້າຮຽນ ແລະ ຮຽນຈົບການສຶກສາພາກບັງຂັບໂດຍສະເພາະແມ່ນເດັກຍິງ ແລະ ເອົາໃຈໃສ່ປ້ອງກັນບໍ່ໃຫ້ເກີດ ຄວາມຮຸນແຮງຕໍ່ເດັກ, ຖ້າເກີດກໍຕ້ອງຮັບປະກັນການແກ້ໄຂຢ່າງທັນການ ແລະ ເໝາະສົມ, ສູ້ຊົນປະຕິບັດສິດທິພື້ນຖານຂອງເດັກໃນການຢູ່ລອດ, ການພັດທະນາ, ສ້າງເງື່ອນໄຂໃຫ້ເດັກທຸກຄົນໄດ້ເຮັດກິດຈະກຳນອກໂຮງ ຮຽນຕິດພັນ ກັບຂະບວນການຕ່າງໆ./.

- 2222258 - ສະຫລອງ​ວັນ​ເດັກ​ສາກົນ​ໃຫ້​ມີ​ຄວາມ​ໝາຍ​ເລິກ​ເຊິ່ງ
error: Content is protected !!