ສະຖາບັນຣັຕນະ ບໍລິຫານທຸລະກິດ ຜູ້ພິຊິດມາດຕະຖານ ແລະ ຕົວຊີ້ວັດຂອງກະຊວງສຶກສາທິການ ແລະກິລາ ​ໄດ້​ຮັບ​ອະນຸມັດ​ໃຫ້​ສອນ​ປະລິນຍາ​ຕີ

- advert banner 728 90 728x90 - ສະຖາບັນຣັຕນະ ບໍລິຫານທຸລະກິດ ຜູ້ພິຊິດມາດຕະຖານ ແລະ ຕົວຊີ້ວັດຂອງກະຊວງສຶກສາທິການ ແລະກິລາ ​ໄດ້​ຮັບ​ອະນຸມັດ​ໃຫ້​ສອນ​ປະລິນຍາ​ຕີ

ສະຖາບັນຣັຕນະບໍລິຫານ ທຸລະກິດ ເປັນສະຖາບັນການສຶກສາແຫ່ງ ໜຶ່ງມີຊື່ສຽງ  ​ແລະ ເກົ່າແກ່ ເປັນທີ່ຮູ້ຈັກກັນ​ດີ​ຂອງ​ສັງຄົມ​ລາວ ໃນນາມ “ວິທະຍາໄລຣັຕນະບໍລິຫານ” ຫລື ມີຊື່ເປັນພາສາອັງກິດວ່າ RBAC ທີ່ຫລາຍຄົນໃຝ່ຫາ.

- new3 - ສະຖາບັນຣັຕນະ ບໍລິຫານທຸລະກິດ ຜູ້ພິຊິດມາດຕະຖານ ແລະ ຕົວຊີ້ວັດຂອງກະຊວງສຶກສາທິການ ແລະກິລາ ​ໄດ້​ຮັບ​ອະນຸມັດ​ໃຫ້​ສອນ​ປະລິນຍາ​ຕີ

ທ່ານ ສົມ​ເພັດ ຣັຕນະ​ສິມ ປະທານ​ສະ​ຖາ​ບັນ​ດັ່ງກ່າວ ໃຫ້ຮູ້ວ່າ: ຕະຫລອດໄລຍະການເປີດສອນຫລັກສູດກ່ຽວກັບບໍລິຫານທຸລະກິດ ຕັ້ງແຕ່ປີ 1974 ເປັນຕົ້ນມາ ສະຖາບັນແຫ່ງນີ້ ປຽບເໝືອນໂຮງງານແຫ່ງໜຶ່ງທີ່ຜະລິດບຸກຄະລາກອນໃຫ້ເປັນນັກທຸລະ ກິດທີ່ມີຊື່ສຽງຂອງລາວ ແລະ ກາຍເປັນນັກພັດທະນາແບບມືອາຊີບມາຫລາຍຫລາຍພັນຄົນ ຈົນກາຍເປັນສະຖາບັນໃນດວງໃຈຂອງນັກຮຽນນັກ ສຶກສາ ທັງໄດ້ຮັບຄວາມໄວ້ວາງໃຈຈາກພໍ່ແມ່ຜູ້ປົກຄອງທີ່ສົ່ງເສີມໃຫ້ລູກຫລານຂອງຕົນໄດ້ເຂົ້າມາສຶກສາຮ່ຳຮຽນ ແລະຍັງໄດ້ຮັບຄວາມ​ເຊື່ອ​ໝັ້ນຈາກກະຊວງສຶກສາທິການ ແລະ ກິລາຕະຫລອດມາ.

​​​ໄລຍະ​ການປັບປຸງລະບົບໂຄງສ້າງ ​ແລະ ຫລັກສູດການ​ຮຽນ​ການ​ສອນຂອງ​ມະຫາວິທະຍາ​ໄລ​ແຫ່ງ​ຕ່າງໆ​ໃນ​ລາວ ​ເພື່ອ​ເປັນ​ການຍົກລະດັບມາດຕະຖານ​ໃຫ້​ໄດ້ຕາມເງື່ອນໄຂ 50 ຕົວຊີ້ວັດ ແລະ 10 ມາດຕະຖານຂອງກະຊວງສຶກສາທິການ ແລະ ກິລາວາງອອກ ເຊິ່ງວິທະຍາໄລຣັຕນະນະບໍລິຫານ ກໍເປັນໜຶ່ງສະຖາບັນການສຶກສາທີ່ຕ້ອງປະຕິບັດຕາມນະໂຍບາຍດັ່ງກ່າວ ຈຶ່ງ​ໄດ້​ປັບ​ຈາກ​ຫລັກສູດ​ປະລິນຍາ​ຕີ, ປະລິນຍາ​ໂທ​ມາ​ເປັນ​ຊັ້ນ​ສູງ ​ແລະ ກໍເປັນໂອກາດດີໃຫ້ສະຖາບັນໄດ້ພິສູດຄຸນ​ນະພາ​ບ ​ແລະ ມາດຕະຖານຂອງ​ຕົນ ເປັນຕົ້ນແມ່ນ ບັນດາຫລັກສູດທີ່ໃຊ້ເຂົ້າໃນການສິດສອນມີລະດັບທຽບຖານກັບພາກພື້ນ ​ແລະ ​ສາກົນ,  ທັງ​ໄດ້​ສົ່ງພະນັກງາ​ນຄູອາຈານຫລາຍ​ທ່ານ​ໄປຍົກລະດັບ ແລະ ແລກປ່ຽນບົດຮຽນກັບບັນດາວິທະຍາໄລ, ມະຫາວິທະຍາໄລຕ່າງໆທັງພາຍໃນ ແລະພາກພື້ນ.

ຈາກ​ຜົນງານ​ທີ່​ຍາດ​ມາ​ໄດ້ຫລາຍໆ​ດ້ານ ກະຊວງ​ສຶກສາ​ທິການ ​ແລະ​ກິລາ ​ແລະ​ອົງການ​ທ່ີ່ກ່ຽວຂ້ອງຕ່າງໆ​ເຫັນ​ໄດ້​ເຖິງ​ຄວາມ​ອາດ​ສາມາດຂອງ​ສະ​ຖາ​ບັນ ​ແລະ ​ເຫັນ​ໄດ້ຈາກ​ຜົນສຳ​ເລັດ​ຕ່າງໆຂອງ​ນັກ​ສຶກສາ ຮຽນ​ຈົບ​ອອກ​ໄປ​ປະກອບ​ອາຊີບ​ຕ່າງໆ​ໄດ້​ຢ່າງມີ​ຄຸນ​ນະພາ​ບ ເຊິ່ງຫລາຍຄົນກໍໄດ້ເຂົ້າເຮັດວຽກລະດັບ​ສູງ​ໃນ​ຖັນ​ແຖວ ພັກ-ລັດຖະບານ ຈົນ​ໄດ້​ຮັບ​ການ​ຍ້ອງຍໍ​ຊົມ​ເຊີຍ​ວ່າ​ເປັນ​ບຸກຄະລາ​ກອນ​ທີ່​​ດີ, ມີ​ຄວາມ​ຮູ້​ຄວາມ​ສາມາດ, ຮູ້​ຕັ້ງໜ້າ​ປະກອບສ່ວນ​ເຂົ້າ​ໃນ​ການ​ພັດທະນາອົງກອນເປັນຢ່າງດີ ​ ອັນນີ້ເປັນສິ່ງຢັ້ງຢືນໃຫ້ເຫັນເຖິງຄຸນນະພາບ ​ແລະມາດຕະຖານ ຂອງ​ສະ​ຖາ​ບັນ​ແຫ່ງ​ນີ້.

ໃນມໍ່ໆມານີ້ກະຊວງສຶກສາທິການ ແລະ ກິລາ ກໍໄດ້ອະນຸມັດໃຫ້ວິທະຍາໄລຍົກຖານະເປັນສະຖາບັນ ຕາມຂໍ້ຕົກລົງເລກທີ 439/ສສກ ອະນຸມັດເປີດການຮຽນການສອນຫລັກສູດລະດັບປະລິນຍາຕີ ລະບົບ 4 ປີ ເລກທີ 442/ ສສກ ວັນທີ 6 ກຸມພາ ແລະ ປະລິນຍາຕີຕໍ່ເນື່ອງ 2 ປີ ເລກທີ 1821/ສສກ ວັນທີ 15 ພຶດສະພາຜ່ານມານີ້ ເຊິ່ງມີລະດັບທຽບເທົ່າກັບບັນດາມະຫາວິທະຍາໄລຕ່າງໆໃນລາວ.

- lattana 1 - ສະຖາບັນຣັຕນະ ບໍລິຫານທຸລະກິດ ຜູ້ພິຊິດມາດຕະຖານ ແລະ ຕົວຊີ້ວັດຂອງກະຊວງສຶກສາທິການ ແລະກິລາ ​ໄດ້​ຮັບ​ອະນຸມັດ​ໃຫ້​ສອນ​ປະລິນຍາ​ຕີ

ປັດຈຸບັນ ​ສະ​ຖາ​ບັນ​ດັ່ງກ່າວ​ມີ​ຄວາມ​ພ້ອມສູງໃນ​ການ​ເປີດ​ຮັບ​ນັກຮຽນ​ນັກ​ສຶກສາ​ທີ່​ຈະ​ເຂົ້າ​ຮຽນ​ຕາມ​ຫລັກສູດ​ປະລິນຍາ​ຕີ​ລະ​ບົບ 4 ປີ ​ໃນ 4 ສາຂາ​ວິຊາ​ຄື: ສາຂາ​ວິຊາ​ການ​ເງິນ-ການ​ທະນາຄານ, ການ​ບໍລິຫານ​ທົ່ວ​ໄປ, ການ​ຕະຫລາດ ​ແລະ ພາສາ​ອັງກິດ​ທຸລະ​ກິດ; ຫລັກສູດ​ປະລິນຍາ​ຕີ​ຕໍ່​ເນື່ອງ 2 ປີ​ ​ໃນ 3 ສາຂາ​ຄື: ວິຊາ​ການ​ເງິນ-ການ​ທະນາຄານ, ການ​ບໍລິຫານ​ທົ່ວ​ໄປ ​ແລະ ພາສາ​ອັງກິດ​ທຸລະ​ກິດ.

ສະ​ຖາ​ບັນຣັຕນະ​ ບໍລິຫານ​ທຸລະ​ກິດ ​ແມ່ນ​ຈະ​ເນັ້ນ​ໃຫ້​ຜູ້​ເຂົ້າ​ມາ​ສຶກສາ​ກາຍ​ເປັນ​ນັກ​ບໍລິຫານ ​ແລະ​ນັກທຸລະກິດ​ແບບ​ມື​ອາຊີບ ຕາມ​ວິ​ໄສ​ທັດ​ຂອງ​ສະ​ຖາ​ບັນ​ວ່າ: “​ເປັນ​ສະ​ຖາ​ບັນ​ການ​ສຶກສາ​ທີ່​ມີ​ຄຸນ​ນະພາ​ບ ​ໄດ້​ມາດຕະຖານ ສ້າງ​ຄວາມ​ເປັນ​ເລີດ​ດ້ານ​ບໍລິຫານ​ທຸລະ​ກິດ​ແກ່​ສັງຄົມ” ​ແລະ​ ປະຕິບັດ​ຕາມຄຳ​ຂວັນທີ່ວ່າ: “ຄວາມ​ຮູ້ ຄູ່​ຄວາມ​ດີ ມີ​ສິນ​ທຳ​ປະຈຳ​ໃຈ, ນຳ​ໃຊ້​ໃຫ້​ເປັນ​ປະ​ໂຫຍ​ດ​ແກ່​ສັງຄົມ” ​ເຊິ່ງ​ທັງ​ໝົດ​ນີ້​ແມ່ນຄວາມ​ເດັ່ນ​ຂອງ​ສະ​ຖາ​ບັນ​ແຫ່ງ​ນີ້ ​​ເຊິ່ງ​ແຕກ​ຕ່າງ​ຈາກ​ວິທະຍາ​ໄລ ​ແລະ​ສະ​ຖາ​ບັນ​ອື່ນໆ.

ສຳລັບ​ນັກຮຽນ​ສາມັນ​ທີ່ຕ້ອງການ​ເຂົ້າ​ຮຽນສະ​ຖາ​ບັນ​ຣັຕນະ ​ໃຫ້​ກຽມ​ຄວາມ​ພ້ອມ​ ​ເຊິ່ງຈະ​ເປີດ​ຮັບສະໝັກ​ສອບ​ເສັງ​ຄັດ​ເລືອກ​ເອົາ​ນັກ​ສຶກສາປະມານ​ທ້າຍ​ເດືອນ ສິງຫາ ທີ່​ຈະ​ມາ​ເຖິງ​ນີ້ ​ໂດຍ​ທ່ານ​ສາມາດ​ເຂົ້າ​ໄປ​ຫາ​ສະ​ຖາ​ບັນ​ໂດຍ​ກົງ​ ສະຖານ​ທີ່​ຕັ້ງ​ຢູ່​ບ້ານ​ໂພນ​ທັນ ​ເມືອງ​ສີ​ສັດຕະ​ນາກ ນະຄອນຫລວງ​ວຽງ​ຈັນ (ວົງວຽນ​ອ່າງ​ນ້ຳ​ໂພນ​ທັນ) ຫລື ສາມາດ​ຕິດຕາມ​ການ​ເຄື່ອນ​ໄຫວ​​ໄດ້​ທີ່​​ FB Page: Rattana in statute of Business Administration  ​ແລະ​ເວັບ​ໄຊ www.rbac.edu.la  ​ໄກດ້ທຸກ​ເວລາ.

error: Content is protected !!