ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ຈະໄຂຂຶ້ນ ໃນວັນທີ 5-25 ມິຖຸນານີ້

- advert banner 728 90 728x90 - ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ຈະໄຂຂຶ້ນ ໃນວັນທີ 5-25 ມິຖຸນານີ້

ໂດຍ: ຂວັນ

ໃນວັນທີ 30 ພຶດສະພານີ້, ທ່ານນາງ ສວນສະຫວັນ ວິຍະເກດ ກໍາມະການສໍາຮອງສູນກາງພັກ ຄະນະປະຈໍາສະພາແຫ່ງຊາດ ເລຂາທິການສະພາແຫ່ງຊາດ ໄດ້ໃຫ້ຮູ້ວ່າ: ກອງປະຊຸມສາໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ຈະໄດ້ໄຂຂຶ້ນໃນວັນທີ 5-25 ມິຖຸນານີ້,  ທີ່ຫໍປະຊຸມແຫ່ງຊາດ (ຫຼັກ 6) ນະຄອນຫຼວງວຽງຈັນ, ໃນກອງປະຊຸມຈະໄດ້ສຸມໃສ່ພິຈາລະນາ ແລະ ຮັບຮອງບັນຫາສໍາຄັນຕ່າງໆຄື: ວຽກງານຂອງລັດຖະບານ: ຈະໄດ້ຮັບຟັງບົດລາຍງານຂອງລັດຖະບານກ່ຽວກັບສະພາບພົ້ນເດັ່ນໃນການຈັດຕັ້ງປະຕິບັດວຽກງານຂອງລັດຖະບານນັບແຕ່ກອງປະຊຸມສະໄໝສາມັນ ເທື່ອທີ 6 ຫາ ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII; ບົດລາຍງານຂອງລັດຖະບານ ກ່ຽວກັບຜົນການປະຕິບັດມະຕິກອງປະຊຸມສະພາແຫ່ງຊາດ (ສະບັບເລກທີ 099/ສພຊ ແລະ ເລກທີ 100/ສພຊ, ລົງວັນທີ 28 ພະຈິກ 2018); ພິຈາລະນາ ແລະ ຮັບຮອງບົດລາຍງານ ການພັດທະນາຊັບພະຍາກອນມະນຸດ ທີ່ຕິດພັນກັບການພັດທະນາເສດຖະກິດ-ສັງຄົມໃນແຕ່ລະໄລຍະ ໂດຍສະເພາະການສ້າງຊັບພະຍາກອນມະນຸດໃຫ້ໄປຕາມຂະແໜງການບຸລິມະສິດ ເປັນຕົ້ນວິຊາການສະເພາະດ້ານໃນສາຂາວິຊາກະສິກໍາ, ຄູ ແລະ ພະຍາບານ ເພື່ອສາມາດຕອບສະໜອງໃຫ້ແກ່ການພັດທະນາປະເທດຊາດ ແລະ ແກ້ໄຂຄວາມທຸກຍາກ; ພິຈາລະນາ ແລະ ຮັບຮອງເອົາບົດລາຍງານ ຜົນການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ (ສະບັບເລກທີ 080/ສພຊ, ລົງວັນທີ 17ພະຈິກ 2017 ວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ); ບົດລາຍງານ ກ່ຽວກັບຜົນການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 081/ສພຊ, ລົງວັນທີ 17 ພະຈິກ 2017ວ່າດ້ວຍວຽກງານທ່ອງທ່ຽວ ຕິດພັນກັບການຈັດຕັ້ງປະຕິບັດປີທ່ອງທ່ຽວລາວ-ຈີນ ປີ 2019; ພິຈາລະນາ ແລະ ຮັບຮອງເອົາການຊີ້ແຈງຕໍ່ຄຳຊັກຖາມຂອງສະພາແຫ່ງຊາດ ປະກອບມີ 2ກະຊວງ ຄື: ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ຊີ້ແຈງກ່ຽວກັບການຄຸ້ມຄອງ, ການອອກໃບຕາດິນຊ້ຳຊ້ອນໃນໄລຍະຜ່ານມາ ແລະ ມາດຕະການແກ້ໄຂໃນຕໍ່ໜ້າ, ກະຊວງກະສິກໍາ ແລະ ປ່າໄມ້ ຊີ້ແຈງກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ014/ສພຊ, ລົງວັນທີ 24 ພະຈິກ2016 ແລະ ບັນດາມະຕິຂອງຄະນະປະຈໍາສະພາແຫ່ງຊາດ ກ່ຽວກັບການຟື້ນຟູປ່າໄມ້ ແລະ ປູກປ່າທົດແທນທີ່ຕິດພັນກັບການນຳໃຊ້ງົບປະມານຈາກໂຄງການພັດທະນາໄຟຟ້າ-ບໍ່ແຮ່ ແລະ ທຶນຊ່ວຍເຫຼືອຈາກຕ່າງປະເທດ ແລະ ວຽກງານອື່ນໆອີກຈໍານວນໜຶ່ງ.   ວຽກ​ງານຍຸຕິທຳ: ພິຈາລະນາ, ຮັບຮອງເອົາບົດລາຍງານຂອງອົງການໄອຍະການປະຊາຊົນສູງສຸດ    ກ່ຽວກັບການຕິດຕາມກວດກາການປະຕິບັດກົດໝາຍຂອງອົງການສືບສວນ-ສອບສວນ ຕາມມາດຕາ 42  ຂໍ້ 2 ຂໍ້ 5 ແລະ 6 ຂອງກົດໝາຍວ່າດ້ວຍອົງການໄອຍະການປະຊາຊົນ. ວຽກງານ​ສະພາ​ແຫ່ງ​ຊາດ:ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານຂອງຄະນະປະຈຳສະພາແຫ່ງຊາດ ໃນລະຫວ່າງກອງປະຊຸມສະໄໝສາມັນ ເທື່ອທີ 6 ຫາກອງປະຊຸມສະໄໝສາມັນ ເທື່ອທີ 7 ແລະ ທິດທາງແຜນການຮອດກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII.

ໃນກອງປະຊຸມດັ່ງກ່າວ, ຍັງຈະ​ສ້າງ ແລະ ປັບປຸງ​ກົດໝາຍຈໍານວນ 10 ສະບັບ​, ໃນນັ້ນ, ພິຈາລະນາ, ຮັບຮອງເອົາຮ່າງກົດໝາຍສ້າງໃຫມ່ 5 ສະບັບ ຄື: ຮ່າງກົດໝາຍວ່າດ້ວຍອາກອນລາຍໄດ້; ຮ່າງກົດໝາຍວ່າດ້ວຍອາກອນຊົມໃຊ້; ຮ່າງກົດໝາຍວ່າດ້ວຍການຕອບໂຕ້ການທຸ້ມຕະຫລາດ ແລະການຊ່ວຍໜູນ; ຮ່າງກົດໝາຍວ່າດ້ວຍການຄຸ້ມຄອງໄພພິບັດ; ຮ່າງກົດໝາຍວ່າດ້ວຍເອກະສານ. ພິຈາລະນາ, ຮັບຮອງເອົາຮ່າງກົດໝາຍປັບປຸງ 5 ສະບັບ ຄື: ຮ່າງກົດໝາຍວ່າດ້ວຍທີ່ດິນ; ຮ່າງກົດໝາຍວ່າດ້ວຍປ່າໄມ້; ຮ່າງກົດໝາຍວ່າດ້ວຍການຄຸ້ມຄອງສ່ວຍສາອາກອນ; ຮ່າງກົດໝາຍວ່າດ້ວຍຄ່າທໍານຽມສານ; ຮ່າງກົດໝາຍວ່າດ້ວຍອາຊີວະສຶກສາ.

- lattana 1 - ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ຈະໄຂຂຶ້ນ ໃນວັນທີ 5-25 ມິຖຸນານີ້
- 1 1 - ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ຈະໄຂຂຶ້ນ ໃນວັນທີ 5-25 ມິຖຸນານີ້

ໃນນາມຄະນະປະຈຳສະພາແຫ່ງຊາດ, ຄະນະເລຂາທິການສະພາແຫ່ງຊາດຂ້າພະເຈົ້າຂໍເຊີນບັນດາທ່ານພະນັກງານ, ລັດຖະກອນ, ທະຫານ, ຕຳຫຼວດ, ນັກຮຽນ,ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ,ພໍ່ແມ່ພີ່ນ້ອງ, ປະຊາຊົນບັນດາເຜົ່າທຸກຊັ້ນຄົນໃນທົ່ວປະເທດ ແລະ ພີ່ນ້ອງຊາວລາວທີ່ອາໄສຢູ່ຕ່າງປະເທດຈົ່ງຕິດຕາມການດຳເນີນກອງປະຊຸມສະໄໝສາມັນ ເທື່ອທີ7 ຂອງສະພາແຫ່ງຊາດຊຸດທີ VIII ຄັ້ງນີ້. ໃນໄລຍະດຳເນີນກອງປະຊຸມ ບັນດາທ່ານສາມາດສົ່ງຄຳຄິດຄຳເຫັນແລະຄຳສະເໜີໄປຍັງກອງປະຊຸມໄດ້ຕາມວິທີລຸ່ມນີ້:ໂທລະສັບບໍ່ເສຍຄ່າໝາຍເລກ: 156, ໂທລະສານໝາຍເລກ: 021 413528, ສົ່ງເປັນຈົດໝາຍທາງໄປສະນີຕູ້ປນ.662 ແລະ ສົ່ງອີເມວ: [email protected]

error: Content is protected !!