ລາວ​ເປີດ​ນໍາ​ໃຊ້​ປຶ້ມ​​ເອ​ເລັກ​ໂຕຣນິກ E-BOOK

- advert banner 728 90 728x90 - ລາວ​ເປີດ​ນໍາ​ໃຊ້​ປຶ້ມ​​ເອ​ເລັກ​ໂຕຣນິກ E-BOOK

​ໃນ​ວັນ​ທີ 30 ພຶດສະພາ​ນີ້, ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ​ໄດ້​ຈັດພິທີເປີດນຳໃຊ້ປຶ້ມແບບເອເລັກໂຕຣນິກ (E-Book) ຂຶ້ນ​ຢູ່ກະຊວງ​ຂອງ​ຕົນ ທີ່​ນະຄອນຫລວງ​ວຽງຈັນ, ໂດຍການເຂົ້າຮ່ວມຂອງທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ​ແລະ ນັກຮຽນເຍົາວະຊົນເຂົ້າຮ່ວມ​ເປັນ​ຈໍານວນ​ຫລາຍ.

ທ່ານ ວິລະສັກ ອິນທະປະຖາ ຫົວໜ້າສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຣນິກ ​​ໃຫ້​ຮູ້​ວ່າ: ການເປີດໂຕເວັບໄຊປຶ້ມເອເລັກໂຕຣນິກ (E-Book) ແລະ ການນໍາໃຊ້ປຶ້ມເອກະເລັກໂຕຣນິກ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານໃຫ້ທັນກັບຍຸກສະໄໝ ໂດຍສະເພາະໃນຍຸກດິຈິຕ໋ອນ, ພຶດຕິກໍາການດຳລົງຊີວິດຂອງມະນຸດໄດ້ຖືກປະຕິຮູບຕາມວິວັດ ທະນາການຂອງເຕັກໂນໂລຊີ ​ແລ​ະ ເຕັກໂນໂລຊີ​ເຫລົ່າ​ນີ້​ກໍສາມາດຕອບສະໜອງຄວາມຕ້ອງການຂອງມະນຸດ​ໄດ້, ກໍ​ດັ່ງພຶດຕິກຳການຮຽນຮູ້ຂອງຄົນເຮົາຈາກຮູບແບບປຶ້ມມາເປັນຮູບແບບເອເລັກໂຕຣນິກໃນຍຸກດິຈິຕ໋ອນ ​ແລະ ອິດທິພົນຂອງດິຈິຕ໋ອນໄດ້ເຮັດໃຫ້ຫລາຍປະເທດຕ້ອງໄດ້ປະຕິຮູບການສຶກສາ ເພື່ອກ້າວໃຫ້ທັນກັບການປ່ຽນແປງຂອງເຕັກໂນໂລຊີ. ພ້ອມທັງເປັນການເກັບຮັກສາແຫລ່ງຂໍ້ມູນຕ່າງໆໄວ້ໃຫ້ມີຄວາມປອດໄພ, ໝັ້ນຄົງ ແລະ ຍາວນານ, ເປັນແຫລ່ງເຕົ້າໂຮມຂໍ້ມູນຂ່າວສານ ເພື່ອໃຫ້ກາຍເປັນຄັງຄວາມຮູ້ ໃຫ້ແກ່ການສຶກສາຄົ້ນຄວ້າຂອງນັກຮຽນ, ນັກສຶກສາ, ປັນຍາຊົນ ແລະ ປະຊາຊົນທົ່ວໄປ ໄດ້ເຂົ້າເຖິງ, ຊອກຫາຂໍ້ມູນຕ່າງໆ ໄດ້ຢ່າງສະດວກງ່າຍດາຍ ​ໂດຍຜ່ານລະບົບເວັບໄຊ໌ ebook.most.gov.la. ຫລື ສາມາດດາວໂຫລດ​ແອັບ​ພິຣ​ເຄຊັນເທິງມືຖື ຜ່ານໃນລະບົບ Android ດ້ວຍການຄົ້ນຫາຄໍາວ່າ laoebook ​ແລະ ໃນອະນາຄົດສະຖາບັນຈະໄດ້ມີການພັດທະນາການນໍາໃຊ້ໃນລະບົບ IOS ເພື່ອໃຫ້ກາຍເປັນການພັດທະນາປຶ້ມແບບເອເລັກໂຕຣນິກທີ່ຍືນຍົງ​ ​ແລະ ກາຍເປັນສູນລວມປຶ້ມທີ່ມີຄວາມຫລາກຫລາຍຂອງແຕ່ລະຂະແໜງການ ແລະ ມີຄວາມອຸດົມສົມບູນຂຶ້ນໄປເລື້ອຍໆ.

- 1 1 - ລາວ​ເປີດ​ນໍາ​ໃຊ້​ປຶ້ມ​​ເອ​ເລັກ​ໂຕຣນິກ E-BOOK
- Tiger Head 728x90 - ລາວ​ເປີດ​ນໍາ​ໃຊ້​ປຶ້ມ​​ເອ​ເລັກ​ໂຕຣນິກ E-BOOK
error: Content is protected !!