ເມັສຊີ້ລາວ ໄດ້ຮັບລາງວັນ MAN OF THE MATCH ຫລັງລົ້ມແຊ້ມເກົ່າ ບູຣິຣຳ
ສຸກອາພອນ ວົງຈຽງຄໍາ (ເມັສຊີ້ລາວ) ສ້າງຄວາມ ປະທັບໃຈໃຫ້ແຟນບານອີກຄັ້ງ ຫລັງລະເບີດຟອມເດັ່ນຊ່ວຍ ຕົ້ນສັງກັດ ໄຊນາດ ຮ້ອນບິວ ທີມໃນລີກສູງສຸດຂອງ ປະ ເທດໄທ (ໄທລີກ 1) ລົ້ມແຊ໋ມ ເກົ້າ ບຸຣີຣຳ ຢູໄນເຕັດ 2-1 ໃນແລງວັນທີ 29 ພຶດສະພາ ຜ່ານມາ, ທີ່ສະຫນາມເຂົ້າ ພອງ ຂອງຂຸນພົນນົກແດງ ໄຊ ນາດ ຮ້ອນບິວ.
ນັດນີ້ ສຸກອາພອນ ໄດ້ລົງສະຫນາມເປັນຕົວຈິງ ຊີງຈັງ ຫວະປະທະຄູ່ແຂ່ງຢ່າງໂດດ ເດັ່ນລວມທັງຄວາມຂະຫຍັນ- ຫ້າວຫັນ ແລະ ການທຸ້ມເທ ເພື່ອທີມທັງເກມຮັບ ແລະ ເກມ ບຸກ ເຖິງວ່າຍິງປະຕູບໍ່ໄດ້ແຕ່ຊະນະໃຈເເຟນບານ ແລະ ເພື່ອນຮ່ວມທີມ ນຳມາ ສູ່ການຄວ້າລາງວັນນັກເຕະດີເດັ່ນ ໃນນັດນີ້, ກ່ອນຫນ້ານີ້ ສຸກອາ ພອນ ສະປະຫວັດສາດ ເປັນ ນັກເຕະຈາກລາວຄົນທໍາອິດ ໄດ້ລາງວັນປະຕູດີເດັ່ນ (ງົດງາມ) ປະຈໍາເດືອນ ເມສາ ຂອງໄທລີກ ປີນີ້ ຈາກ ການໂຫວດຂອງແຟນບານ.
ການນໍາທີມພົບກັບ ບູຣີຣໍາ ໃນຄັ້ງນີ້ ໄຊນາດ ຮ້ອນບິວ ຂຶ້ນນໍາກ່ອນຈາກ ຈະຕຸຣະພັດ ສັດທໍານາທີ 18′ ບຸຣີຣຳ ຕີ ສະເຫມີ1-1 ໃນນາທີ 45+1′ ຈາກ ອັນເດັສ ຕຸ. ເນັຊ, ເຄິ່ງ ຫລັງໄຊນາດ ມາໄດ້ປະຕູໄຊ ໄລຍະຕໍ່ເວລາບາດເຈັບນາທີ 90+3” ຈາກຣິຄາໂດ້ ຊານ ໂຕສ. ໄຊນາດ ເກັບໄຊເປັນ ນັດທີ 3 ຈາກ 13 ເທົ່າກັບພີ ທີທີ ຣະຢອງ ຫນີຈາກພື້ນທີ່ ຕົກຊັ້ນມາຢູ່ອັນດັບທີ 13 ຫ່າງ ຈາກພື້ນທີ່ຕົກຊັ້ນ 1 ຄະແນນ, ຂະນະທີ່ ບູຣີຣໍາ ຢູໄນເຕັດ ແຊ້ມເກົ່າ ມີ 22 ຄະແນນ ຈາກ 11 ນັດ, ເທົ່າກັບບາງ ກອກຢູໄນເຕັດ, ສະມຸດປຣາ ການ ຊິຕີ້ ແລະ ຊຽງຣາຍ ຢູ ໄນເຕັດ ຕາມຫລັງ ການທ່າ ເຮືອທີມນ້ໍາ 6 ຄະແນນ, ແຕ່ ບຸຣີຣໍາແຂ່ງຫນ້ອຍກວ່າ 2 ນັດ.
ສໍາລັບ ສຸກອາພອນ ວົງ ຈຽງຄໍາ ມັກສ້າງຜົນງານ ໄດ້ ດີເມື່ອພົບກັບ ບູຣີຣໍາ ປີຜ່ານ ມາຢູ່ກັບສະໂມສອນ ສີສະເກດ ຍິງປະຕູສຸດງາມໃສ່ບຸຣີຣຳ ໃນຮອບ 4 ທີມສຸດທ້າຍ ເຕະ ບານເອໂອຄັບຂອງໄທ ປະຈໍາ ປີ 2018 ຊຶ່ງນັດນັ້ນ ບຸຣີຣໍາ ຊະນະ 2-1 ນອກຈາກນີ້ ເຄີຍ ນຳສັງກັດເກົ່າ ລ້ານຊ້າງ ຢູໄນ ເຕັດ ລາວ ຊະນະ ບູຣີຣຳ 1-0 ເຕະບານ ໂຕໂຢຕ້າ ແມ່ຂອງ ຄັບ 2016 ຮອບຊີງຊະນະ ເລີດນັດທີ1 ກ່ອນນັດທີ 2 ບຸຣີ ຣໍາຊະນະຄືນ 2-0.
ສຸກອາພອນ ພ້ອມກັບນັກ ເຕະ ຊາວລາວທີ່ຫລິ້ນ ໃນ ລີກປະເທດໄທ ຈະກັບມາຮັບ ໃຊ້ທີມຊາດລາວ ອຸ່ນເຄື່ອງ ປະທະກັບທີມຊາດສີລັງກາ ນັດທີ 2 ໃນວັນທີ 31 ພຶດສະພານີ້ ທີ່ສະຫນາມກິລາ ແຫ່ງ ຊາດຫລັກ 16 ນະ ຄອນຫລວງວຽງຈັນ ເວລາ 18:30. ເຊີນຊວນແຟນບານ ແລະ ປະຊາຊົນລາວ ຮ່ວມເຊຍຕິດຂອບສະຫນາມ ເພື່ອໃຫ້ກໍາລັງໃຈນັກ ເຕະ ທຸກຄົນຄວ້າໄຊຊະນະໃນ ຄັ້ງນີ້./.
