ຮັບແສງແດດສ້າງເສີມສຸຂະພາບກາຍ – ໃຈ

- advert banner 728 90 728x90 - ຮັບແສງແດດສ້າງເສີມສຸຂະພາບກາຍ – ໃຈ

  ປະໂຫຍດຂອງແສງແດດໃນດ້ານສຸຂະພາບ ຈາກໜັງສືເລື່ອງ Effortless Healing ໂດຍ ດຣ. ໂຈເຊຟ ເມີໂຄລາ ແພດແຜນປະຈຸບັນທີ່ຫັນມາສຶກສາດ້ານທຳມະຊາດບຳບັດຈົນເປັນຜູ້ຊ່ຽວຊານໃນສະຫະລັດອາເມລິກາ ກັບວິທີງ່າຍໆທີ່ຊ່ວຍໃຫ້ທຸກໆລະບົບຂອງຮ່າງກາຍເຮັດວຽກເຮັດວຽກໄດ້ເຕັມປະສິດທິພາບ ມາເລີ່ມຕົ້ນລົງມືສ້າງວິຖິຊີວິດໃໝ່ ເພື່ອສຸຂະພາບແຂງແຮງ ສະໝອງແຈ່ມໃສ ອ່ອນກ່ວາອາຍຸໄປນຳກັນ.

- new3 - ຮັບແສງແດດສ້າງເສີມສຸຂະພາບກາຍ – ໃຈ

     ດຣ. ໂຈເຊຟ ອະທິບາຍວ່າ : ຂະນະທີ່ພືດ ແລະ ສັດອື່ນໆທີ່ອາໄສຢູ່ເທິງໂລກນີ້ລ້ວນໃຊ້ຊີວິດຕາມການຂຶ້ນ – ລົງຂອງດວງຕາເວັນ ປຽບດັ່ງໂມງຂອງສິ່ງມີຊີວິດໃນໂລກ ອົງຄວາມຮູ້ດ້ານສຸຂະພາບຕາມຫລັກທຳມະຊາດບຳບັດຈຶ່ງແນະນຳໃຫ້ມະນຸດຫັນມາເຮັດວຽກ ແລະ ພັກຜ່ອນໃຫ້ດຸ່ນດ່ຽງ ໂດຍມີຄຳແນະນຳ ຄື ໃນກຸ່ມຜູ້ທີ່ມີສຸຂະພາບແຂງແຮງ ຄວນຕື່ນແຕ່ເຊົ້າ ເຮັດວຽກໃນຕອນກາງເວັນ ແລະ ພັກຜ່ອນໃນຕອນກາງຄືນ ຫາກເຮັດໄດ້ດັ່ງນີ້ ຮ່າງກາຍຈະສາມາດຟື້ນຟູພາກສ່ວນທີ່ເສື່ອມສະພາບ, ຫລຸດຄວາມສ່ຽງທີ່ເກີດຈາກພະຍາດອັນເກີດຄວາມເສື່ອມຕ່າງໆໄດ້.

     ຖ້າເປັນຄົນປ່ວຍໄລຍະພັກຟື້ນ ຄວນຈັດສັນເວລາອອກໄປຮັບແສງແດດໃຫ້ພຽງພໍຢ່າງໜ້ອຍມື້ລະ 10 – 15 ນາທີ ຈະມີສ່ວນຊ່ວຍໃຫ້ສຸຂະພາບທັງກາຍ – ໃຈຄ່ອຍໆແຂງແຮງຂຶ້ນ, ໃຊ້ໄລຍະເວລາພັກຟື້ນຫລຸດລົງ ເມື່ອປຽບທຽບກັບກຸ່ມທີ່ນອນຕິດຕຽງຢູ່ໃນຫ້ອງພັກຟື້ນພຽງຢ່າງດຽວ ປະຈຸບັນໂຮງໝໍຫລາຍໆບ່ອນໄດ້ຈັດໃຫ້ຕຽງຜູ້ປ່ວຍໃກ້ແສງແດດສ່ອງເຖິງໄດ້ແລ້ວ.

      ວິທີອອກໄປຮັບແສງແດດໃຫ້ປອດໄພນັ້ນ ດຣ. ໂຈເຊຟ ອະທິບາຍວ່າ : ຜູ້ຄົນສ່ວນຫລາຍຮູ້ດີວ່າ ແສງແດດຊ່ວຍກະຕຸ້ນໃຫ້ຮ່າງກາຍສ້າງວິຕາມິນເດໄດ້ເອງ ເຮົາຈຶ່ງມັກພົບເຫັນຜູ້ຄົນຈາກເຂດຕາເວັນຕົກທີ່ເດີນທາງມາພັກຜ່ອນໃນເຂດຮ້ອນນິຍົມອອກມານອນອາບແດດ.

     ແນວໃດກໍຕາມ ປະຈຸບັນມີໜ້ອຍຄົນທີ່ຮູ້ວ່າ ແສງແດດມີບົດບາດຕໍ່ການເຮັດວຽກຂອງຈຸລັງໃນຮ່າງກາຍສູງເຖິງ 10% ແລະ ຈະເກີດຂຶ້ນໄດ້ກໍຕໍ່ເມື່ອຮ່າງກາຍໄດ້ຮັບລັງສີ UVB ເທົ່ານັ້ນ, ແຕ່ການທາຄຣີມກັນແດດເຊິ່ງສາມາດປ້ອງກັນລັງສີ UVB ຊຳ້ພັດຫລຸດໂອກາດໃນການສ້າງວິຕາມິນເດລົງໄປ.

     ດັ່ງນັ້ນ, ຖ້າຢາກໄດ້ວິຕາມິນເດຟຣີໆ ໃຫ້ສຸຂະພາບແຂງແຮງ ແລະ  ຜິວມີມີນຳ້ເຜິ້ງ(ສີແທນ) ງາມແລ້ວ  ຕ້ອງອອກໄປຮັບແສງແດດໃຫ້ພຽງພໍ ແລະ ປອດໄພ ໂດຍປະຕິບັດຕາມຄຳແນະນຳ ດັ່ງນີ້ :

     – ກ່ອນອອກໄປຮັບແສງແດດຕ້ອງທາຄຣີມກັນແດດບໍລິເວນໃບໜ້າ ແລະ ລຳຄໍ ເນື່ອງຈາກເປັນຜິວພາກສ່ວນບອບບາງ. ນອກຈາກນີ້ຄວນໃສ່ແວ່ນຕາກັນແດດທີ່ກອງແສງ UV ໄດ້ 95% ແລະ ກອງແສງສະຫວ່າງໄດ້ 60 – 70%.

- lattana 1 - ຮັບແສງແດດສ້າງເສີມສຸຂະພາບກາຍ – ໃຈ

     – ເປີດເຜີຍຜິວສະເພາະພາກສ່ວນທີ່ຈຳເປັນ : ໂດຍບໍລິເວນທີ່ເປີດໂລ່ງຮັບແສງແດດໄດ້ປອດໄພແມ່ນແຂນ ແລະ ຂາ.

     – ໄລຍະເວລາ : ໃຊ້ເວລາສັ້ນໆໃນຊ່ວງເຊົ້າ ພຽງມື້ລະ 10 – 15 ນາທີກໍພຽງພໍຕໍ່ການສ້າງວິຕາມິນເດໃຕ້ຜິວໜັງໄດ້ແລ້ວ.

     4 ຄຸນປະໂຫຍດທີ່ຄົນຮັກສຸຂະພາບຄວນຮູ້ : ດຣ. ໂຈເຊຟ ລະບຸວ່າ ວິຕາມິນເດມີປະໂຫຍດຕໍ່ການສ້າງເສີມສຸຂະພາບໃຫ້ຄົນທຸກເພດທຸກ ໄວ ແລະ ຊ່ວຍຫລຸດຄວາມສ່ຽງພະຍາດຕ່າງໆໄດ້ດັ່ງນີ້ :

     1. ຊ່ວຍໃນການດູດຊຶມທາດການຊຽມ : ວິຕາມິນເດເຮັດວຽກຄູ່ກັບວິຕາມິນກາໃນການດູດຊຶມທາດການຊຽມຈາກອາຫານເຂົ້າສູ່ຮ່າງກາຍ ດັ່ງນັ້ນ ເຖິງວ່າທ່ານຈະກິນອາຫານທີ່ມີທາດການຊຽມຄົບຖ້ວນ ແຕ່ຖ້າບໍ່ມີວິຕາມິນເດມາຊ່ວຍຮ່າງກາຍກໍບໍ່ສາມາດດູດຊຶມທາດການຊຽມໄດ້ເຕັມທີ່.

     2. ເດັກນ້ອຍທີ່ແລ່ນຫລິ້້ນຕາກແດດເປັນປະຈຳ ຫລຸດໂອກາດເຈັບປ່ວຍຍ້ອນໄຂ້ຫວັດ, ໄຂ້ຫວັດໃຫຍ່, ຖອກທ້ອງ, ພູມແພ້ ກ່ວາເດັກນ້ອຍທີ່ບໍ່ໄດ້ຕາກແດດຫລິ້ນຢູ່ກາງແຈ້ງ.

     3. ຫລຸດຄວາມສ່ຽງພະຍາດຫົວໃຈ ແລະ ຫລອດເລືອດໃນສະໝອງແຕກໄດ້, ຫລຸດຄວາມສ່ຽງມະເຮັງປອດ, ມະເຮັງຮັງໄຂ່, ມະເຮັງເຕົ້ານົມ ແລະ ມະເຮັງຕ່ອມລູກໝາກ.

error: Content is protected !!