5 ວິທີຊ່ວຍສ້າງກຳລັງໃຈໃນການເຮັດວຽກ

- advert banner 728 90 728x90 - 5 ວິທີຊ່ວຍສ້າງກຳລັງໃຈໃນການເຮັດວຽກ

   1. ບໍ່ມີຫຍັງຍາກເກີນ : ບໍ່ມີໃຜສາມາດໃຫ້ກຳລັງໃຈໂຕເຮົາໄດ້ດີໄປຫລາຍກ່ວາໂຕເຮົາເອງ ສະນັ້ນ ການໃຫ້ກຳລັງໃຈໂຕເອງວ່າ ເຮົາເຮັດໄດ້ ຈຶ່ງຖືເປັນພະລັງສຳຄັນທີ່ຈະເປັນແຮງຊຸກຍູ້ໃຫ້ເຮົາລຸກຂຶ້ນມາສູ້ກັບສິ່ງທີ່ຢູ່ຕໍ່ໜ້າ ແລະ ເຮັດມັນອອກມາໄດ້ດີ ເມື່ອທ່ານເລີ່ມຮູ້ສຶກເມື່ອຍ ຫລື ທໍ້ຖອຍ ຂໍໃຫ້ທ່ານດຶງພະລັງນັກສູ້ໃນໂຕທ່ານອອກມາ ແລະ ບອກກັບໂຕເອງສະເໝີວ່າ ທ່ານແມ່ນຄົນ ເກັ່ງຄົນໜຶ່ງທີ່ສາມາດຜ່ານຜ່າອຸປະສັກທຸກຢ່າງ ລວມເຖິງວຽກທີ່ກອງຢູ່ຕໍ່ໜ້າໃຫ້ສຳເລັດລຸລ່ວງໄດ້ທັນເວລາ ແລະ ກົງຕາມເປົ້າໝາຍ.

- new3 - 5 ວິທີຊ່ວຍສ້າງກຳລັງໃຈໃນການເຮັດວຽກ

     2. ເບິ່ງວຽກໃຫ້ເປັນດັ່ງເກມຊະນິດໜຶ່ງ : ການເບິ່ງເລື່ອງຍາກໃຫ້ເປັນເລື່ອງງ່າຍຈະເຮັດໃຫ້ທ່ານຮູ້ສຶກມີກຳລັງໃຈທີ່ຈະລົງມືເຮັດໄດ້ຫລາຍຍິ່ງຂຶ້ນ ຢາກໃຫ້ທ່ານເບິ່ງວ່າການມາເຮັດວຽກໃນແຕ່ລະມື້ກໍເປັນ ດັ່ງກັບການເດີນທາງມາຫລິ້ນເກມ ດັ່ງນັ້ນ ເກມກໍປຽບດັ່ງບັນຫາ ເຊິ່ງບັນຫາມີໄວ້ໃຫ້ແກ້ໄຂ ເຊິ່ງຖ້າຫາກທ່ານສາມາດແກ້ເກມໄດ້ ທ່ານກໍຈະກາຍເປັນຜູ້ຊະນະໃນທັນທີ ນອກນີ້ ທ່ານຍັງໄດ້ບໍລິຫານສະໝອງ ໂດຍການໃຊ້ທັກສະ ແລະ ຄວາມຮູ້ທີ່ທ່ານມີຈັດການກັບບັນຫາທີ່ຢູ່ຕໍ່ໜ້າ ຖືເປັນເລື່ອງລາວດີໆທີ່ສາມາດເຮັດໃຫ້ທ່ານໄດ້ດຶງສັກກະຍະພາບຂອງໂຕເອງອອກມາໃຊ້.

     3. ສະເໜີໄອເດຍໃໝ່ໆ : ຢາກໃຫ້ທ່ານຮູ້ຈັກຄົ້ນຫາ ຫລື ສະເໜີໄອເດຍໃໝ່ໆໃຫ້ກັບເພື່ອນຮ່ວມງານ ເຊິ່ງສິ່ງເຫລົ່ານີ້ຈະເຮັດໃຫ້ທ່ານຮູ້ສຶກວ່າທ່ານໄດ້ມີສ່ວນຮ່ວມໃນການເຮັດວຽກ ແລະ ພັດທະນາອົງກອນ ລວມເຖິງຍັງເຮັດໃຫ້ທ່ານເບິ່ງມີບົດບາດໃນສາຍຕາເພື່ອນຮ່ວມງານຫລາຍຍິ່ງຂຶ້ນ. ນອກນີ້ຍັງຈະເຮັດໃຫ້ທ່ານໄດ້ແລກປ່ຽນຄວາມຄິດເຫັນກັບບຸກຄົນອື່ນໆ ແລະ ຮູ້ເຖິງ ທັດສະນະຄະຕິຂອງບຸກຄົນເຫລົ່ານັ້ນ ແລະ ຖ້າຫາກໄອເດຍຂອງທ່ານແມ່ນໄອເດຍທີ່ດີ ແລະ ໄດ້ຮັບການພິຈາລະນາ ມັນຈະເຮັດໃຫ້ທ່ານຮູ້ສຶກພາກພູມໃຈ ແລະ ກາຍເປັນກຳລັງໃຈໃນການສ້າງສັນສິ່ງໃໝ່ໆຂຶ້ນມາອີກໄດ້.

     4. ວຽກເຮັດໃຫ້ເຮົາມີສັງຄົມ : ມະນຸດເຮົາກໍແມ່ນສັດສັງຄົມປະເພດໜຶ່ງ ສະນັ້ນຢາກໃຫ້ທ່ານຄິດສະເໝີວ່າການມາເຮັດວຽກໃນແຕ່ລະມື້ກໍຄືກັບການໄດ້ມາພົບໝູ່ ໄດ້ພົບປະຜູ້ຄົນໃນສັງຄົມຫລວງຫລາຍ ໄດ້ເຮັດກິດຈະກຳຫລາຍໆຢ່າງຮ່ວມກັນ ຫາກບໍ່ມີວຽກເຮັດ ເຮົາກໍຈະຢູ່ຢ່າງຄົນບໍ່ມີສັງຄົມ, ບໍ່ໄດ້ພົບພໍ້ກັບປະສົບການໃໝ່ໆ ແລະ ບໍ່ໄດ້ໃຊ້ຄວາມສາມາດທີ່ມີຢູ່ໃນໂຕໃຫ້ເກີດປະໂຫຍດ ເຊິ່ງສິ່ງເຫລົ່ານີ້ຈະເຮັດໃຫ້ເຮົາເກີດຄວາມຮູ້ສຶກໄຮ້ຄຸນຄ່າ ແລະ ບໍ່ໄດ້ຮັບຄວາມພາກພູມໃຈໃນໂຕເອງ.

- lattana 1 - 5 ວິທີຊ່ວຍສ້າງກຳລັງໃຈໃນການເຮັດວຽກ

     5. ບໍ່ມີວຽກ ບໍ່ມີເງິນ : ປະຕິເສດບໍ່ໄດ້ວ່າ ເງິນແມ່ນປັດໄຈສຳຄັນທີ່ສຸດໃນການດຳລົງຊີວິດຂອງທຸກໆຄົນ ໂດຍສະເພາະມະນຸດເງິນເດືອນທີ່ຢູ່ໃນຊ່ວງໄວຜູ້ໃຫຍ່ຢ່າງຫລາຍໆຄົນທີ່ຕ້ອງມີພາລະ ແລະ ໜ້າທີ່ ລວມເຖິງແບກຮັບຄວາມຮັບຜິດຊອບຕ່າງໆເອົາໄວ້ຫລວງຫລາຍ ສະນັ້ນ ຢາກໃຫ້ທ່ານຄິດວ່າເຮົາມາເຮັດວຽກເພື່ອຄ່າຕອບແທນທີ່ຈຳເປັນຕໍ່ການດຳລົງຊີວິດ ຈຶ່ງຄວນໃຊ້ ຄວາມຮູ້ ແລະ ຄວາມສາມາດທີ່ມີເອົາມາພັດທະນາອົງກອນໃຫ້ກ້າວໜ້າ ແລະ ຈົ່ງຄິດສະເໝີວ່າ ຊີວິດຈະບໍ່ສາມາດຂັບເຄື່ອນເດີນໜ້າຕໍ່ໄປໄດ້ ຫາກຂາດປັດໄຈສຳຄັນນັ້ນກໍແມ່ນ ເງິນ.

     ທັງ 5 ຂໍ້ທີ່ກ່າວມາຂ້າງເທິງນັ້ນເປັນພຽງພາກບາງສ່ວນໃນວິທີການຊ່ວຍໃຫ້ທ່ານມີກຳລັງໃຈໃນການເຮັດວຽກຫລາຍຂຶ້ນ ໂດຍສະເພາະກັບທ່ານໃດທີ່ພວມຮູ້ສຶກເບື່ອໜ່າຍວຽກ, ເບື່ອໜ່າຍຄົນ, ທໍ້ຖອຍ  ແລະ ໝົດໄຟໃນການເຮັດວຽກຢູ່.

error: Content is protected !!