ການ​ສໍ້​ລາດ​ບັງ​ຫລວງ​ຕາມ​ຖະໜົນ

- advert banner 728 90 728x90 - ການ​ສໍ້​ລາດ​ບັງ​ຫລວງ​ຕາມ​ຖະໜົນ

ຮຽບຮຽງ​ໂດຍ: ລູກ​ເມືອງ​ພວນ.

- lattana 1 - ການ​ສໍ້​ລາດ​ບັງ​ຫລວງ​ຕາມ​ຖະໜົນ

ສະບາຍດີ, ເພື່ອນຜູ້ ອ່ານ ທີ່ຮັກແພງ, ຫົວຂໍ້ນີ້ຫລາຍ ຄົນຈະງົງແຕ່ລອງອ່ານເບິ່ງ: ການສໍ້ລາດບັງຫຼວງ ຢູ່ຕາມຖະໜົນຫົນທາງແມ່ນການສໍ້ລາດບັງຫຼວງແມງວັນແມງມີ່ແຕ່ເປັນໜ້າເບື່ອໜ່າຍ ແລະ ລຳຄານ. ການສໍ້ລາດບັງຫຼວງແບບນີ້ ອາດມີຢູ່ທຸກປະເທດ ແຕ່ລະດັບ ແລະ ຮູບການສະແດງອອກອາດແຕກຕ່າງກັນ. ສຳລັບປະເທດດ້ອຍ ພັດທະນາອາດຈະເກີດຂຶ້ນ ຫຼາຍກ່ວາປະເທດທີ່ຈະເລີນ ແລ້ວ ແລະ ຮູບການສະແດງ ອອກກໍເປີດແປນແບບໜ້າຕາ ເສີຍໆ. ມີເພື່ອນຄົນໜຶ່ງເລົ່າ ສູ່ຟັງວ່າ: ມີມື້ໜຶ່ງເຂົາໄປຊຸມ ແຊວກັບໝູ່ມາ, ເປັນອັນແນ່ນອນວ່າຕ້ອງເມົາແດ່ ຈຶ່ງແລ່ນ ລົດອ່າວໄວ, ພໍມາຮອດທາງ ຈຸດໜຶ່ງກໍມີເຈົ້າໜ້າທີ່ຈະລາຈອນຢຸດລົດກວດເບິ່ງ ເອກະສານ, ເຊິ່ງຕົນມີທຸກຢ່າງຄົບ ຖ້ວນໝົດແຕ່ຍັງກະໂທງດຽວ ກໍຄືດື່ມສິ່ງມຶນເມົາແລ້ວຂັບຂີ່ຈະຖືກປັບໃໝເຖິງ 20 ເທົ່າ. ເພື່ອນຄົນນັ້ນກໍຮູ້ສຶກຕົວດີ ວ່າຕົນເອງເມົາກໍຍອມຮັບ,  ເຖິງຢ່າງໃດກໍດີເຈົ້າໜ້າທີ່ຕ້ອງເອົາລົດໄປໄວ້ປ້ອມ, ແຕ່ ຖ້າ ເອົາລົດໄປໄວ້ປ້ອມແລ້ວ ມື້ຕໍ່ມາຈະບໍ່ມີລົດໄປການ. ດັ່ງ ນັ້ນ, ເພື່ອນຄົນນັ້ນ ຈຶ່ງຍອມ ຈ່າຍຕາມລະບຽບກົດໝາຍ ແຕ່ເຈົ້າໜ້າທີ່ບໍ່ໄດ້ຂຽນໃບບິນໃຫ້ ຍ້ອນວ່າກາງຄືນວ່າຊັ້ນ.

ກໍລະນີໜຶ່ງອີກ, ເຫັນດ້ວຍ ຕາຕົນເອງ, ມີເລື່ອງຢູ່ວ່າ: ໃນ ຂະນະທີ່ຕົນເອງຈອດລົດ ຢູ່ໄຟແດງແຫ່ງໜຶ່ງ, ບັງເອີນ ມີສາວຄົນໜຶ່ງຂີ່ລົດຈັກລ່ວງ ກາຍທາງມ້າລາຍຂຶ້ນໄປ ແລ້ວຈຶ່ງຈອດລົດ. ເມື່ອເຈົ້າໜ້າ ທີ່ຢູ່ປ້ອມຍາມເຫັນແນວນັ້ນ ກໍອອກຈາກປ້ອມຍາມມາຂຶ້ນລົດຈັກລໍຖ້າໄວ້ເພື່ອຈະໄລ່ນຳສາວຄົນນັ້ນ. ພໍແຕ່ໄຟຂຽວ ເປີດຂຶ້ນສາວຄົນນັ້ນກໍແລ່ນ ລົດອອກໄປ, ເຈົ້າໜ້າທີ່ ທີ່ກຽມ ພ້ອມຢູ່ນັ້ນກໍໄລ່ຕາມຫຼັງໄປ ແລ້ວບອກໃຫ້ສາວຄົນນັ້ນ ແນບລົດເຂົ້າແຄມທາງ, ແລ້ວ ກໍມີການເວົ້າວ່າ ແລະ ເຫັນຈົກ ເງິນໃຫ້ກັນ. ຂ້ອຍເອງລັກ ຄິດ ຢູ່ໃນໃຈວ່າ: ພຽງແຕ່ເທົ່ານັ້ນ, ເຈົ້າໜ້າທີ່ອາດຈະບອກຜູ້ ກ່ຽວຖອຍກັບຄືນລົງມາຢູ່ ຕໍ່ໜ້າທາງມ້າລາຍກໍໄດ້ຖ້າ ຫາກບໍ່ຢາກແກ້ງກັນ.

            ອີກກໍ ລະນີໜຶ່ງ, ຢູ່ແຄມທາງແຫ່ງ ໜຶ່ງທີ່ຫ້າມບໍ່ໃຫ້ລົດ ໃຫຍ່ຈອດ, ໂດຍບໍ່ຮູ້ເທົ່າເຖິງ ການ, ມີຊາຍຄົນໜຶ່ງໄປຈອດ ລົດໃສ່ເຈົ້າໜ້າທີ່ກໍເຫັນເຕັມຕາກ່ອນເຂົາຈະຈອດລົດແຕ່ ບໍ່ເຕືອນຫຍັງເລີຍ, ວ່າຈອດບໍ່ ໄດ້ກໍບໍ່ວ່າ. ເມື່ອຊາຍຄົນນັ້ນ ເຂົ້າໄປຕະຫຼາດປະມານ10 ນາທີອອກມາກໍຍັງບໍ່ຮູ້ວ່າ ເຈົ້າໜ້າທີ່ລ໊ອກລໍ້ລົດ, ເມື່ອເລັ່ງ ອອກໄປຈຶ່ງຮູ້ວ່າຖືກລ໊ອກລໍ້ ລົດ. ເຈົ້າໜ້າທີ່ກໍປັບໃໝເອົາເງິນໂດຍບໍ່ຂຽນໃບບິນ.

ປາກົດການແບບນີ້ເຂົາເອີ້ນວ່າ ສໍ້ລາດບັງຫຼວງຕາມຖະໜົນ. ບັນຫານີ້ເປັນບັນຫາ ທີ່ສັງຄົມລັງກຽດ, ເຖິງແມ່ນ ເປັນການສໍ້ລາດບັງຫຼວງແມງວັນແມງມີ່ກໍຕາມແຕ່ ສຸດທີ່ເປັນໜ້າເບື່ອໜ່າຍມັນບໍ່ໄດ້ເສີມແຕ່ງເອ້ຢ້ອງຫຍັງໃຫ້ສັງຄົມຈົບງາມເລີຍ. ມີແຕ່ ສັງຄົມລັງກຽດ ແລະ ເບື່ອໜ່າຍເທົ່ານັ້ນ.

- 1 1 - ການ​ສໍ້​ລາດ​ບັງ​ຫລວງ​ຕາມ​ຖະໜົນ
- Tiger Head 728x90 - ການ​ສໍ້​ລາດ​ບັງ​ຫລວງ​ຕາມ​ຖະໜົນ

- 2231777 - ການ​ສໍ້​ລາດ​ບັງ​ຫລວງ​ຕາມ​ຖະໜົນ