ປະກາດອາຄານສະໜາມບິນສາກົນວັດໄຕ ແລະ ທຸກໆສະໜາມບິນໃນລາວເປັນເຂດປອດຄວັນຢາສູບ

- advert banner 728 90 728x90 - ປະກາດອາຄານສະໜາມບິນສາກົນວັດໄຕ  ແລະ ທຸກໆສະໜາມບິນໃນລາວເປັນເຂດປອດຄວັນຢາສູບ

ໃນໂອກາດສະເຫລີມສະຫລອງວັນງົດສູບຢາໂລກ 31 ພຶດສະພານີ້,​ ກໍໄດ້ມີພິທີປະກາດໃຫ້ອາຄານສະໜາມບິນສາກົນວັດໄຕ ແລະ ທຸກສະໜາມບິນໃນ ສປປ ລາວ ເປັນເຂດປອດຄວັນຢາສູບ, ໂດຍການຮ່ວມມືລະຫວ່າງກະຊວງສາທາລະນະສຸກ, ກະຊວງໂຍທາທິການ ແລະ ຂົນສົ່ງ ແລະ ອົງການອະນາໄມໂລກ ແລະ ສະຫະພັນຄວບຄຸມຢາສູບອາຊຽນ ເພື່ອປົກປ້ອງສຸຂະພາບຂອງບັນດາພະນັກງານ-ເຈົ້າໜ້າທີ່, ນັກທ່ອງທ່ຽວ ແລະ ຜູ້ໂດຍສານຈາກອັນຕະລາຍຂອງການໄດ້ຮັບຄວັນຢາສູບມືສອງ, ທັງເປັນການສ້າງສະພາບແວດລ້ອມທີ່ສົດໃສ ແລະ ການສ້າງຄວາມປອດໄພໃຫ້ແກ່ສະໜາມບິນຂອງ ສປປ ລາວ.

- lattana 1 - ປະກາດອາຄານສະໜາມບິນສາກົນວັດໄຕ  ແລະ ທຸກໆສະໜາມບິນໃນລາວເປັນເຂດປອດຄວັນຢາສູບ

   ທ່ານ ສັນຕິສຸກ ສິມມາລາວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ກ່າວວ່າ: ສະໜາມບິນສາກົນວັດໄຕໄດ້ປິດຫ້ອງສູບຢາຢູ່ໃນອາຄານທັງພາຍໃນ ແລະ ຕ່າງປະເທດ ແຕ່ວັນທີ 20 ພຶດສະພາ 2019 ເປັນຕົ້ນມາ. ສ່ວນຜູ້ທີ່ຕ້ອງການສູບຢາແມ່ນໃຫ້ໄປບ່ອນທີ່ຈັດສັນໄວ້ຢູ່ຟາກຖະໜົນກົງກັນຂ້າມກັບອາຄານສະໜາມບິນ, ເຊິ່ງຈະມີປ້າຍບອກຢ່າງຈະແຈ້ງ. ນອກນີ້, ບໍ່ອະນຸຍາດໃຫ້ສູບຢາຢູ່ໃກ້ອາຄານຕ່າງໆໂດຍສະເພາະທາງເຂົ້າ-ອອກ ແລະ ທາງຍ່າງດ້ານໜ້າອາຄານສະໜາມບິນເດັດຂາດ. ສໍາລັບຜູ້ທີ່ລະເມີດຈະຖືກກ່າວເຕືອນເມື່ອກະທຳຜິດເທື່ອທຳອິດ ແລະ ຈະຖືກປັບໃໝ 200.000 ກີບສໍາລັບການລະເມີດເທື່ອທີສອງ ແລະ ປັບໃໝ 400.000 ກີບຕໍ່ຄັ້ງສໍາລັບຜູ້ທີ່ກະທຳຜິດຫລາຍຄັ້ງ.

  ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ກ່າວວ່າ: ການປະກາດໃຫ້ເປັນສະໜາມບິນສາກົນວັດໄຕປອດຄວັນຢາສູບນີ້ເປັນປະເທດທີ 3 ຂອງອາຊຽນ ຖັດຈາກປະເທດ ບຣູໄນ ແລະ ໄທ. ຈາກການສຳຫລວດແຫ່ງຊາດກ່ຽວກັບການສູບຢາໃນປີ 2015 ພົບວ່າການໄດ້ຮັບຄວັນຢາສູບພາຍໃນສະຖານທີ່ສາທາລະນະຍັງສູງ, ໂດຍສະເພາະການໄດ້ຮັບຄວັນຢາສູບພາຍໃນອາຄານບ່ອນເຮັດວຽກສູງເຖິງ 63% ດັ່ງນັ້ນຈິ່ງຮຽກຮ້ອງໃຫ້ທຸກຄົນຕ້ອງເພີ່ມທະວີການມີສ່ວນຮ່ວມ ແລະ ເປັນເຈົ້າການໃນການປົກປ້ອງສຸຂະພາບຕົນເອງ ແລະ ຄົນອ້ອມຂ້າງຈາກຄວັນຢາສູບ ແລະ ໃຫ້ຜູ້ສູບຢາຕ້ອງສອບຢູ່ບ່ອນອະນຸຍາດເທົ່ານັ້ນ.

- Tiger Head 728x90 - ປະກາດອາຄານສະໜາມບິນສາກົນວັດໄຕ  ແລະ ທຸກໆສະໜາມບິນໃນລາວເປັນເຂດປອດຄວັນຢາສູບ
- 1 1 - ປະກາດອາຄານສະໜາມບິນສາກົນວັດໄຕ  ແລະ ທຸກໆສະໜາມບິນໃນລາວເປັນເຂດປອດຄວັນຢາສູບ