ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ

- advert banner 728 90 728x90 - ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ

ລັດຖະມົນຕີ ກະຊວງພາຍໃນຫວຽດນາມ ເລວິງ ເຕິນ ໃຫ້ຮູ້ວ່າ: ປັດຈຸບັນມີຫຼາຍ ແຂວງ ແລະ ນະຄອນຂອງ ຫວຽດນາມ ກຳລັງສ້າງແຜນ ໂຮມຫົວໜ່ວຍບໍລິຫານຂັ້ນ ເມືອງ ແລະ ຂັ້ນຕາແສງເຂົ້າກັນ, ໂດຍສະເພາະແມ່ນເມືອງ ແລະ ຕາແສງໃດທີ່ບໍ່ບັນລຸ 50% ດ້ານພົນລະເມືອງ  ແລະ ເນື້ອທີ່ຂຶ້ນເມືອ ຕາມທີ່ກົດໝາຍກຳນົດໄວ້ ແມ່ນໃຫ້ໂຮມເຂົ້າກັນ.

- lattana 1 - ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ

ພາຍຫຼັງໂຮມເຂົ້າກັນ ແລ້ວ, ແຂວງ ກາວບັງ ລຸດລົງ 3/13 ຫົວໜ່ວຍບໍລິຫານ ຂັ້ນເມືອງ, 4/199 ຕາແສງ. ແຂວງ ຮວາບິ່ງ ຫລຸດລົງ 1 ເມືອງ, 59 ຕາແສງ, ຮ່າຕິງ ລຸດ 47 ຕາແສງ ແລະ ແທັງ ຮວາ ຫລຸດ 76 ຕາແສງ.

- 213698 - ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ

ຕໍ່ໄປນີ້, ກະຊວງ ພາຍ ໃນຂອງຫວຽດນາມ ຈະສົມ ທົບກັບບັນດາກະຊວງ, ທະບວງກົມ ແລະ ພາກສ່ວນ ກ່ຽວຂ້ອງຕ່າງໆກວດກາຄືນ ແລະ ສ້າງແຜນອັນລະອຽດ ເພື່ອຊ່ວຍເຫຼືອບັນດາທ້ອງຖິ່ນຊັບຊ້ອນພະນັກງານທີ່ເຫຼືອ ຫຼື ພະນັກງານທີ່ລົ້ນ ອອກຈາກການສັບຊ້ອນນັ້ນ ຄືນໃໝ່ ໂດຍສະເພາະແມ່ນ ພະນັກງານຂັ້ນລະດັບການນຳ. ເພື່ອໃຫ້ມີຄວາມເປັນ ເອກະພາບໃນທົ່ວປະເທດ, ທ່ານ ເລວິງເຕິນ ຍັງຮຽກ ຮ້ອງມາຍັງຄະນະຈັດຕັ້ງສູນກາງພັກ, ອົງການຈັດຕັ້ງສັງ ຄົມ, ແນວໂຮມແຫ່ງຊາດ ກໍ ໃຫ້ມີການປັບປຸງສັບຊ້ອນ ເຊັ່ນດຽວກັນ.

ຕໍ່ກັບການສັບຊ້ອນຢູ່ ອົງການຈັດຕັ້ງລັດ ຂັ້ນແຂວງ ແລະ ເມືອງນັ້ນ, ທ່ານ ເຕີນ ໃຫ້ຮູ້ວ່າ: ພາຍຫຼັງມີການ ປັບປຸງຊັບຊ້ອນແລ້ວ, ຕາມ ຫຼັກການແມ່ນບໍ່ໃຫ້ມີຫົວ ໜ່ວຍບໍລິຫານຫຼາຍກວ່າ ປັດຈຸບັນ ແລະ ເຮັດໄປຕາມ ແຕ່ລະສາຍຕັ້ງຂອງໃຜລາວ ແລະ ໃຫ້ມີຄວາມເໝາະສົມສົມເຫດສົມຜົນ, ແຕ່ກ່ອນ ຈະປັບປຸງສັບຊ້ອນ ຕ້ອງຈັດ ຕັ້ງເຮັດທົດລອງຢູ່ຈຸດໃດຈຸດໜຶ່ງກ່ອນ. ສ່ວນວ່າ ຈຳນວນພະນັກງານສັງກັດ ຢູ່ ແຕ່ລະການຈັດຕັ້ງນັ້ນ ຫຼາຍ, ໜ້ອຍ ແລະ ຕຳແໜ່ງຮອງ ຫົວໜ້າຫຼາຍສຸດເທົ່າໃດ ແມ່ນໃຫ້ສະພາປະຊາຊົນຂັ້ນ ແຂວງເປັນຜູ້ຕັດສິນ.

ທ່ານ ເຕິນ ເວົ້າວ່າ: “ການປັບປຸງແບ່ງຂັ້ນ ແບ່ງ ອຳນາດໃຫ້ຂັ້ນທ້ອງຖິ່ນໃນ ເທື່ອນີ້, ມັນແມ່ນບັນຫາໃໝ່ ແລະ ມີຄວາມຫຍຸ້ງຍາກ, ລັດຖະບານກໍໄດ້ຄົ້ນຄ້ວາ ກັນໄປມາຫຼາຍເທື່ອ. ເພື່ອໃຫ້ ມີຄວາມຄ່ອງຕົວລະຫວ່າງ ກະຊວງ ແລະ ຂະແໜງການ ຂັ້ນສູນກາງ, ລັດຖະບານ ຈະໃຫ້ການຊີ້ນຳໃນການປັບປຸງສັບຊ້ອນຢູ່ຂັ້ນແຂວງ, ຂັ້ນເມືອງ, ໃນວັນທີ 31 ພຶດສະພານີ້ ”

ຕາມ ທ່ານລັດຖະມົນ ຕີກະຊວງພາຍໃນໃຫ້ຮູ້ວ່າ:  ມີ 4 ແຂວງຄື: ບາກລຽວ, ບັກນິງ, ຮ່າຢາງ, ລາວກາຍ ຫລຸດລົງ 5 ຫົວໜ່ວຍບໍລິຫານ ຂັ້ນແຂວງ; ມີ 15 ແຂວງ ໄດ້ ເຮັດການທົດລອງການປັບ ປຸງອົງການຢູ່ຂັ້ນເມືອງ ແລະ ຫລຸດລົງ 185 ຫ້ອງການ.

ອີງຕາມຄຳສັ່ງແນະນຳກ່ຽວກັບການປັບປຸງສັບຊ້ອນຫົວໜ່ວຍບໍລິຫານຂັ້ນ ເມືອງ ແລະ ຕາແສງໄລຍະແຕ່ປີ 2019-2021, ໄດ້ແນະນຳໄວ້ວ່າ: ຕ້ອງປັບປຸງສັບ ຊ້ອນຂັ້ນເມືອງ  ແລະ ຕາແສງທີ່ບໍ່ໄດ້ 50% ຂອງມາດຕະຖານຂຶ້ນເມືອ ທາງດ້ານພົນລະເມືອງ ແລະ ເນື້ອທີ່ ເມ່ນໃຫ້ ໂຮມເຂົ້າກັນ ເພື່ອຫລຸດຫົວໜ່ວຍບໍລິຫານລົງ.

- 1 1 - ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ
- Tiger Head 728x90 - ຫລາຍແຂວງຂອງຫວຽດນາມ ໂຮມເມືອງ ແລະ ຕາແສງເຂົ້າກັນ

ມາດຕະຖານຂອງເມືອງ ພູດອຍ, ເຂດພູສູງຫ່າງໄກ ສອກຫຼີກຕ້ອງມີພົນລະ ເມືອງ 80.000 ຄົນ, ເນື້ອທີ່ ຕ້ອງແມ່ນ 850 ກມ2 ຂຶ້ນ ເມືອ; ເມືອງທົ່ງພຽງຕ້ອງ ມີເນື້ອທີ່ 450 ກມ2; ຄຸ້ມໃນ ຕົວເມືອງ 35 ກມ2, ພົນລະ ເມືອງ ຕໍ່າສຸດຕ້ອງແມ່ນ 150.000 ຄົນ. ສ່ວນວ່າ ພົນ ລະເມືອງສຳລັບຂັ້ນຕາແສງຕ້ອງແມ່ນ 5.000 ຄົນຫາ 8.000 ຄົນຂຶ້ນເມືອ, ເນື້ອທີ່ ແຕ່ 30 ກມ2 ຂຶ້ນເມືອ.

ຮຽບຮຽງໂດຍ:ລູກເມືອງພວນ