ແຂວງ​ຜົ້ງ​ສາລີ​ເລັ່ງ​ໃຫ້ການ​ຊ່ວຍ​ເຫລືອ​ຄອບຄົວ​ຖືກ​ດິນ​ເຈື່ອນ​ທັບ​ເສຍ​ຊີວິດ 4 ຄົນ

- advert banner 728 90 728x90 - ແຂວງ​ຜົ້ງ​ສາລີ​ເລັ່ງ​ໃຫ້ການ​ຊ່ວຍ​ເຫລືອ​ຄອບຄົວ​ຖືກ​ດິນ​ເຈື່ອນ​ທັບ​ເສຍ​ຊີວິດ 4 ຄົນ

    ພາຍຫລັງ​ ໄດ້​ເກີດ​ເຫດການ​ສະ​ຫລົດ, ​ໃນ​ວັນ​ທີ 2 ມິຖຸນາ ຜ່ານ​ມານີ້, ດິນ​ເຈື່ອນ​ຖົມເຮືອນ​ຫລັງໜຶ່ງຢູ່​ບ້ານ ນາກາງ, ເມືອງ ໃໝ່ ແຂວງ ຜົ້ງສາລີ, ​ເຮັດ​ໃຫ້​ຜູ້​ເປັນ​ພໍ່-​ແມ່ ​ແລະ ລູກ​ຝາ​ແຟດ 2 ຄົນ​ອາ​ຍຸ​ປະມານ 4 ປີ ​ເສຍ​ຊີວິດ​ຄາ​ທີ່, ຍັງ​ເຫລືອ​ແຕ່​ລູກ​ຊາຍ​ຄົນພິການ​ ອາຍຸ 8 ປີ, ໄດ້​ຮັບ​ບາດ​ເຈັບ​ສາຫັດ​ທາງ​ຍາດ​ພີ່ນ້ອງ​ໄດ້​ນຳ​ສົ່ງ​ໄປ​ປິ່ນປົວ​ທີ່​ປະ​ເທດ​ເພື່ອນ​ບ້ານ, ອຸບັດ​ເຫດ​ດັ່ງກ່າວ, ຍ້ອນ​ສະພາບ​ຝົນຕົກ​ແຮງ​ຕິດຕໍ່ກັນ​ຫລາຍ​ວັນ, ບວກ​ໃສ່​ເຮືອນ​ສ້າງ​ໃໝ່​ໃນ​ບ່ອນ​ຄ້ອຍ​ຊັນ ຈຶ່ງ​ກໍ່​ໃຫ້​ດິນ​​ເຈື່ອນ​ໄດ້​ງ່າຍ.

- new3 - ແຂວງ​ຜົ້ງ​ສາລີ​ເລັ່ງ​ໃຫ້ການ​ຊ່ວຍ​ເຫລືອ​ຄອບຄົວ​ຖືກ​ດິນ​ເຈື່ອນ​ທັບ​ເສຍ​ຊີວິດ 4 ຄົນ

    ​ຕໍ່ສະພາບ​ດັ່ງກ່າວ, ທາງ​ອຳນາດ​ການ​ປົກຄອງ​ແຂວງ ຜົ້ງ​ສາລີ, ​ໂດຍ​ສະ​ເພາະ ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ​ແຂວງ, ກໍ​ໄດ້​ໃຫ້ການ​ຊ່ວຍ​ເຫລືອ ​​ເບື້ອງຕົ້ນ 10 ລ້ານ​ກີບ ​ເພື່ອ​ເຮັດພິທີ​ທາງ​ສາສໜາ​ແກ່​ຜູ້​ເສຍ​ຊີວິດ, ນອກຈາກ​ນີ້, ກໍ​ຍັງ​ມີ​ພາກສ່ວນ​ຕ່າງໆ ​ແລະ ປະຊາຊົນ​ພາຍ​ໃນ​ແຂວງ​​ໄດ້​ຮ່ວມ​ຈິດ​ຮ່ວມ​ໃຈ​ໃຫ້ການ​ຊ່ວຍ​ເຫລືອ, ສິ່ງ​ຈຳ​ເປັນ​ອື່ນໆອີກ.

    ທ່ານ​ນາຍບ້ານ​ດັ່ງກ່າວໃຫ້​ສຳພາດ​ຕໍ່ໜັງສື​ພິມ​ລາວ​ພັດທະນາ ວ່າ: ສຳ​ຫລັບຄວາມ​ຕ້ອງ​ການ​ຊ່ວຍ​ເຫລືອ​ເລັ່ງດ່ວນ​ທີ່​ສຸດ​ໃນ​ຂະນະນີ້ ​ແມ່ນ​ເງີ​ນຊ່ວຍ​ປິ່ນປົວ​ເດັກ​ຜູ້ໄດ້​ຮັບ​ບາດ​ເຈັບທີ່​ຍາດ​ພີ່ນ້ອງໄດ້​ນຳສົ່ງ​ໄປ​ປິ່ນປົວ​ຢູ່ ສສ. ຫວຽດນາມ ​ທີ່​ຍັງ​ຢູ່​ໃນອາການ​ຂີດ​ອັນຕະລາຍ​ຢູ່ ​ເນື່ອງ​ຈາກ​ຜູ້ກ່ຽວຕົກລົງ​ມາ​ກະທົບ​ໃສ່​ກັບ​ດິນ​ແຂງ ​ເຮັດ​ໃຫ້​ຮ່າງກາຍ​ໄດ້​ຮັບ​ບາດ​ເຈັບສາຫັດ, ນອກຈາກ​ນີ້, ທາງ​ບ້ານ ກໍ​ໄດ້​ຊ່ວຍ​ໃນ​ການ​ທຳ​ພິທີ​ທາງ​ສາສະໜາ​ແກ່​ຜູ້​ເສຍ​ຊີວິດ, ​ແລະ ຈັດ​ສັນ​ດິນ​​ເພື່ອ​ປຸກ​ເຮືອນ​ໃໝ່.

- lattana 1 - ແຂວງ​ຜົ້ງ​ສາລີ​ເລັ່ງ​ໃຫ້ການ​ຊ່ວຍ​ເຫລືອ​ຄອບຄົວ​ຖືກ​ດິນ​ເຈື່ອນ​ທັບ​ເສຍ​ຊີວິດ 4 ຄົນ
error: Content is protected !!