ລາວ-ຍີ່ປຸ່ນເພີ່ມທະວີຮັດແໜ້ນການຮ່ວມມືສອງຝ່າຍ

- advert banner 728 90 728x90 - ລາວ-ຍີ່ປຸ່ນເພີ່ມທະວີຮັດແໜ້ນການຮ່ວມມືສອງຝ່າຍ

ໃນໂອກາດເຂົ້າຮ່ວມກອງປະຊຸມສາກົນກ່ຽວ​ກັບອະນາຄົດ​ຂອງ​ອາຊີຄັ້ງ​ທີ 25 ທີ່ຍີປຸ່ນເມື່ອທ້າຍເດືອນເມສາຜ່ານມານີ້, ທ່ານນາຍົກລັດຖະມົນຕີແຫ່ງ ສປປ ລາວ ໄດ້ພົບປະກັບທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ເພື່ອປຶກສາຫາລືການເພີ່ມທະວີຮັດແໜ້ນການຮ່ວມມືສອງຝ່າຍໃນຕໍ່ໜ້າ.
   ໃນໂອກາດນີ້, ທ່ານ ທອງລຸນ ສີສຸລິດ ໄດ້ສະ​ແດງ​ຄວາມ​ຊົມ​ເຊີຍຕໍ່ຜົນ​ສຳເລັດຂອງກອງ​ປະ​ຊຸມ​ສຸດຍອດ​ແມ່​ນ້ຳ​ຂອງ-ຍີ່​ປຸ່ນຄັ້ງ​ທີ 10 ພາຍໃຕ້ການເປັນເຈົ້າພາບຂອງຍີ່ປຸ່ນໃນ​ເດືອນ​ຕຸ​ລາ 2018 ທີ່ນະຄອນຫລວງໂຕກຽວ, ພ້ອມທັງຢືນຢັນຈະສືບຕໍ່ເພີ່ມທະວີການຮ່ວມມື​ປະ​ຕິ​ບັດຍຸດ​ທະ​ສາດໂຕ​ກຽວ 2018, ການ​ຮ່ວມ​ມື​ແມ່​ນ້ຳ​ຂອງ-ຍີ່​ປຸ່ນ (Tokyo Strategy 2018 for Mekong-Japan Cooperation) ໃຫ້ປະ​ສົບ​ຜົນ​ສຳ​ເລັດ. ພ້ອມນີ້, ທ່ານນາຍົກລັດຖະມົນຕີລາວ ແລະ ຍີປຸ່ນ ໄດ້ເຂົ້າຮ່ວມເປັນສັກຂີພະຍານໃນພິທີລົງນາມເອກະສານໂຄງການພັດທະນາຊັບພະຍາກອນມະນຸດ ລວມມີມູນຄ່າ 308 ລ້ານເຢນ (ສະກຸນເງິນຍີ່ປຸ່ນ) ເຊິ່ງແມ່ນການຊ່ວຍເຫລືອລ້າຂອງລັດຖະບານຍີ່ປຸ່ນ ແລະ ການປັບປຸງສົນທິສັນຍາຂົນສົ່ງທາງອາກາດ.

- new3 - ລາວ-ຍີ່ປຸ່ນເພີ່ມທະວີຮັດແໜ້ນການຮ່ວມມືສອງຝ່າຍ

  ໃນໂອກາດນີ້, ທ່ານ ​ທອງລຸນ ສີສຸລິດ ໄດ້​ໃຫ້​ສໍາ​ພາດຕໍ່ໜັງສືພິມ ​ແລະ ​ໂທລະພາບ​ ນິກ​ເກ ກ່ຽວ​ກັບສະພາບ​ການ​ພັດທະນາ​ເສດຖະກິດ-ສັງຄົມຂອງ ສປປ ລາວ ແລະ ທັດສະນະຕໍ່ການພົວພັນຮ່ວມມືລະຫວ່າງ ສປປ ລາວ ກັບບັນດາປະເທດຕ່າງໆໃນພາກພື້ນ ລວມທັງຍີ່ປຸ່ນໃນ ແລະ ຕ້ອນຮັບການເຂົ້າຢ້ຽມຂໍ່ານັບຂອງປະທານອົງການ JETRO ແລະ ບໍລິສັດຂອງຍີ່ປຸ່ນຈໍານວນໜຶ່ງ.
​  ການ​ເຄື່ອນ​ໄຫວ​ຂອງທ່ານນາຍົກລັດຖະມົນຕີຢູ່ປະເທດຍີ່ປຸ່ນຄັ້ງນີ້ ເປັນ​​ການ​ປະກອບສ່ວນ​ເຂົ້າ​ໃນ​ການ​ຮັດ​ແໜ້ນ​ສາຍ​ພົວພັນ​ມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານລະຫວ່າງ ສປປ ລາວ ​ແລະ ຍີ່ປຸ່ນ ​ໃຫ້ນັບມື້​ແໜ້ນແຟ້ນ​ກວ່າ​ເກົ່າ.

- lattana 1 - ລາວ-ຍີ່ປຸ່ນເພີ່ມທະວີຮັດແໜ້ນການຮ່ວມມືສອງຝ່າຍ
error: Content is protected !!