ຈີນ​ຂູ່ ອາ​ເມ​ລິ​ກາ

- advert banner 728 90 728x90 - ຈີນ​ຂູ່ ອາ​ເມ​ລິ​ກາ

ລັດຖະມົນຕີກະຊວງປ້ອງກັນປະເທດຈີນເວົ້າວ່າ: ການເພີ່ມທະວີການພົວພັນ ຂອງອາເມລິກາກັບໄຕ້ຫວັນ ເປັນການທຳລາຍສັນຕິພາບໃນຂົງເຂດໂຄສົກກະຊວງປ້ອງກັນປະເທດຈີນ ອອກມາຖະແຫຼງຂ່າວໃນວັນທີ 30 ພຶດສະພາຜ່ານມານີ້ວ່າ: “ອາເມລິກາໄດ້ໃຊ້ໃບໄພ້ໄຕ້ຫວັນເພື່ອໃຫ້ໄຕ້ຫວັນຄຸມເກມຈີນມັນ ແມ່ນຄວາມໄຮ້ສາລະ ”, “ ທ່າທີ ດັ່ງກ່າວຂອງອາເມລິກາແມ່ນກຳລັງຫຼີ້ນກັບໄຟ, ທຳລາຍການພົວພັນລະຫວ່າງຈີນ – ອາເມລິກາຢ່າງ ຮ້າຍແຮງກໍຄືທຳລາຍສັນຕິພາບ ແລະ ຄວາມໝັ້ນຄົງຢູ່ຊ່ອງແຄບໄຕ້ຫວັນ ”

ເຈົ້າໜ້າທີ່ຄວາມສະຫງົບຂອງອາເມລິກາ ແລະ ໄຕ້ຫວັນ, ເປັນເທື່ອທະອິດໄດ້ພົບປະກັນ ນັບຕັ້ງແຕ່ ວໍ ຊິງຕັນ ຕັດສາຍພົວພັນການທູດກັບໄຕ້ຫວັນແຕ່ປີ 1979. ນັກສັງເກດການໃຫ້ຮູ້ວ່າ: ການພົບປະດັ່ງກ່າວໄຕ້ຫວັນຖືວ່າ ເປັນສັນຍານບົ່ງບອກເຖິງການເພີ່ມຂຶ້ນຂອງການຊ່ວຍເຫຼືອຈາກອຳນາດການປົກຄອງ ດໍໂນທຼຳ.

ກະຊວງການຕ່າງປະເທດຂອງຈີນ ອອກມາຂັດຄ້ານກອງປະຊຸມພົບປະດັ່ງກ່າວ, ພ້ອມດຽວກັນນັ້ນ ກໍ ເຕືອນສະຫະລັດວ່າ: ຢ່າສືບຕໍ່ທຸກການພົວພັນກັບໄຕ້ຫວັນອີກຖ້າບໍ່ຢາກມີບັນຫາໃຫຍ່ກວ່ານີ້.

ເຖິງແມ່ນຈະຮັບຮູ້ວ່າ “ໜຶ່ງປະເທດສອງລະບອບຂອງຈີນ ” ກໍຕາມແຕ່ໃນພາກຕົວຈິງແລ້ວ, ອາເມລິກາ ຍັງມີການພົວພັນການທູດກັບໄຕ້ຫວັນຢູ່ ແລະ ສົ່ງອາວຸດໃຫ້ໄຕ້ຫວັນເປັນປົກະຕິເພື່ອໃຫ້ໄຕ້ຫວັນສາມາດຕ້ານກັບປັກກິງໄດ້ດ້ວຍຕົນເອງ. ອາເມລິກາໄດ້ຂາຍອາວຸດໃຫ້ໄຕ້ຫວັນມູນຄ່າ 15 ຕື້ໂດລາສະຫະລັດ ນັບແຕ່ປີ 2010 ເປັນຕົ້ນມາ.

- 1 1 - ຈີນ​ຂູ່ ອາ​ເມ​ລິ​ກາ
- Tiger Head 728x90 - ຈີນ​ຂູ່ ອາ​ເມ​ລິ​ກາ

ຍາມໃດຈີນກໍຖືວ່າໄຕ້ຫວັນກໍແມ່ນແຜ່ນດິນສ່ວນໜຶ່ງທີ່ເປັນເອກະພາບຂອງຕົນ. ຜ່ານມາຈີນໄດ້ໃຊ້ເຮືອບິນ ແລະ ກຳປັ່ນປິດລ້ອມໄຕ້ຫວັນບໍ່ໃຫ້ມີການຊ້ອມຮົບເພື່ອໃຫ້ເກາະດັ່ງກ່າວຖືກໂດດດ່ຽວ ແລະ ມີເພື່ອນໜ້ອຍ ທີ່ສຸດ.

ຮຽບຮຽງໂດຍ: ລູກເມືອງພວນ

error: Content is protected !!