ເລີ່ມນໍາໃຊ້ລະບົບແຈ້ງພາສີປະຕູດຽວຢູ່ດ່ານພາສີສາກົນຂົວມິດຕະພາບ 1

- advert banner 728 90 728x90 - ເລີ່ມນໍາໃຊ້ລະບົບແຈ້ງພາສີປະຕູດຽວຢູ່ດ່ານພາສີສາກົນຂົວມິດຕະພາບ 1

ກົມການນຳເຂົ້າ ແລະ ສົ່ງອອກ ກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການ ການນໍາໃຊ້ລະບົບແຈ້ງພາສີປະຕູດຽວ (LNSW) ເຂົ້າໃນການຄຸ້ມຄອງການນໍາເຂົ້າພາຫະນະ ຢູ່ດ່ານພາສີສາກົນ ຂົວມິດຕະພາບ 1 (ນະຄອນຫລວງວຽງຈັນ) ເລກທີ 2790/ກຂອ.ບຂອ, ລົງວັນທີ 29 ພຶດສະພາ 2019 ເພື່ອແຈ້ງມາຍັງບັນດາບໍລິສັດ ນຳເຂົ້າ ແລະ ສົ່ງອອກ ຍານພະຫະນະວ່າ ການນຳເຂົ້າ ແລະ ສົ່ງອອກສິນຄ້າປະເພດຍານພະຫະນະ ຢູ່ດ່ານພາສີສາກົນຂົວມິດຕະພາບ 1 ຕ້ອງໄດ້ດໍາເນີນການແຈ້ງຂໍ້ມູນ ແລະ ເອກະສານຜ່ານລະບົບແຈ້ງພາສີປະຕູດຽວ.

- lattana 1 - ເລີ່ມນໍາໃຊ້ລະບົບແຈ້ງພາສີປະຕູດຽວຢູ່ດ່ານພາສີສາກົນຂົວມິດຕະພາບ 1

ອີງຕາມແຈ້ງການດັ່ງກ່າວ, ທຸກການນໍາເຂົ້າ ແລະ ສົ່ງອອກ ສິນຄ້າປະເພດພາຫະນະ ຜ່ານດ່ານຂົວມິດຕະພາບ 1 ແມ່ນເລີ່ມຈັດຕັ້ງປະຕິບັດ ໃນວັນທີ 24 ພຶດສະພາ 2019. ສໍາລັບການນໍາເຂົ້າ ແລະ ສົ່ງອອກ ດ່ານພາສີສາກົນດ່ານອື່ນ ແມ່ນສາມາດສືບຕໍ່ນໍາໃຊ້ລະບົບເຈ້ຍແບບເກົ່າຈົນກວ່າຈະມີແຈ້ງການເພີ່ມຕື່ມ. ສໍາລັບບໍລິສັດໃດ ທີ່ຍັງບໍ່ທັນໄດ້ລົງທະບຽນນໍາໃຊ້ ແມ່ນໃຫ້ຮີບຮ້ອນລົງທະ ບຽນນໍາໃຊ້ ພົວພັນໄດ້ທີ່ບໍລິສັດ ຮ່ວມພັດທະນາລະບົບແຈ້ງພາສີປະຕູດຽວ ຈຳກັດ ອາຄານສີຂຽວ, ຊັ້ນ 3 ບ້ານນາໄຊ, ເມືອງໄຊເສດຖາ, ນະຄອນຫລວງວຽງຈັນ ບໍ່ໃຫ້ກາຍວັນທີ 23 ມິຖຸນາ 2019. ໂທລະສັບ: 0307776699 ອີເມລ: [email protected],ເວັບໄຊ https://www.laonsw.net/

- Tiger Head 728x90 - ເລີ່ມນໍາໃຊ້ລະບົບແຈ້ງພາສີປະຕູດຽວຢູ່ດ່ານພາສີສາກົນຂົວມິດຕະພາບ 1
- 1 1 - ເລີ່ມນໍາໃຊ້ລະບົບແຈ້ງພາສີປະຕູດຽວຢູ່ດ່ານພາສີສາກົນຂົວມິດຕະພາບ 1