ທົ່ວປະເທດສຸມໃສ່ກະກຽມໃຫ້ແກ່ການຜະລິດລະດູຝົນ

- advert banner 728 90 728x90 - ທົ່ວປະເທດສຸມໃສ່ກະກຽມໃຫ້ແກ່ການຜະລິດລະດູຝົນ

    ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ມາຮອດປັດຈຸບັນຊາວກະສິກອນ ທົ່ວປະເທດ ສາມາດເກັບກ່ຽວມ້ຽນມັດຜົນຜະລິດເຂົ້ານາແຊງຂອງຕົນ ໄດ້ແລ້ວ 84 ພັນກວ່າເຮັກຕາ ເທົ່າກັບ 96% ຂອງເນື້ອທີ່ປັກດໍາຕົວຈິງ ແລະ ປັດຈຸບັນພວມເລັ່ງກະກຽມປັດໃຈຕ່າງໆແກ່ການຜະລິດລະດູຝົນນີ້, ໃຫ້ໄດ້ຕາມແຜນການ, ສໍາລັບການປູກພືດລະດູແລ້ງຂອງຊາວກະສິກອນໃນທົ່ວປະເທດ ບັນລຸໄດ້ແລ້ວ 153.000 ກວ່າເຮັກຕາ ເທົ່າກັບ 83% ຂອງ ແຜນການ. ພືດທີ່ປູກຫຼາຍກວ່າໝູ່ແມ່ນສາລີອາຫານສັດ, ສາລີຫວານ, ຢາສູບ, ອ້ອຍ, ມັນຕົ້ນ, ຖົ່ວດິນ ແລະ ເຜືອກມັນຕ່າງໆ, ໃນນັ້ນ, ແຂວງທີ່ປູກຫຼາຍກວ່າໝູ່ແມ່ນບັນດາແຂວງພາກເໜືອ ປະຕິບັດໄດ້ 58 ພັນກວ່າເຮັກຕາ, ພາກກາງ 65 ພັນກວ່າເຮັກຕາ ແລະ ພາກໃຕ້ 28 ພັນກວ່າເຮັກຕາ.

- lattana 1 - ທົ່ວປະເທດສຸມໃສ່ກະກຽມໃຫ້ແກ່ການຜະລິດລະດູຝົນ

    ກະຊວງກະສິກໍາ ແລະ ປ່າໄມ້ ໃຫ້ຮູ້ອີກວ່າ: ໃນໜຶ່ງອາທິດຜ່ານມານີ້, ໜ່ວຍງານຂອງຕົນສາມາດຢຶດໄມ້ທີ່ຜິດລະບຽບກົດໝາຍ ຢູ່ບັນດາແຂວງຕ່າງໆ ໄດ້ທັງໝົດ 7 ທ່ອນ  ບໍລິມາດປະມານ 146 ແມັດກ້ອນ, ກັກລົດລີເບຍໂລ 1 ຄັນ, ລົດຮຸນໄດ 1 ຄັນ ແລະ ກັກຕົວຜູ້ຕ້ອງຫາມາດໍາເນີນຄະດີກ່ຽວກັບໄມ້ 7 ລາຍ ແລະ ຄະດີກ່ຽວກັບສັດນໍ້າ-ສັດປ່າ 2 ລາຍ. ພ້ອມນີ້, ຍັງສາມາດຢຶດສັດນໍ້າ-ສັດປ່າ ໄດ້ຈໍານວນໜຶ່ງ ແລະ ສາມາດກວດພົບສິນຄ້າຕ້ອງຫ້າມປະເພດເຄື່ອງໃນໝູ 45 ທີ່ນໍາເຂົ້າຈາກ ສສ ຫວຽດນາມ ຢູ່ດ່ານກວດກາສັດຕະວະແພດ ນາເພົ້າ-ຈໍຫຼໍ ແຂວງຄໍາມ່ວນ, ເຊິ່ງໄດ້ກ່າວເຕືອນສຶກສາອົບຮົມຜູ້ກະທໍາຜິດ ຕາມລະບຽບກົດໝາຍ.

- 1 1 - ທົ່ວປະເທດສຸມໃສ່ກະກຽມໃຫ້ແກ່ການຜະລິດລະດູຝົນ
- Tiger Head 728x90 - ທົ່ວປະເທດສຸມໃສ່ກະກຽມໃຫ້ແກ່ການຜະລິດລະດູຝົນ