ຊົມເຊີຍກອງປະຊຸມຜູ້ແທນປະຊາຊົນຢ່າງສຸດໃຈ!

- advert banner 728 90 728x90 - ຊົມເຊີຍກອງປະຊຸມຜູ້ແທນປະຊາຊົນຢ່າງສຸດໃຈ!

ມື້ນີ້ (ວັນທີ 5 ມິຖຸນາ 2019); ກອງປະຊຸມສະໄໝສາມັນ ເທື່ອທີ 7 ສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງສະຫງ່າຜ່າເຜີຍທີ່ນະຄອນຫຼວງວຽງຈັນ ໂດຍມີບັນດາສະມາຊິກສະພາແຫ່ງຊາດ (ສສຊ) ທີ່ເປັນຕົວແທນແຫ່ງສິດອໍານາດຂອງປະຊາຊົນຈາກເຂດເລືອກຕັ້ງຕ່າງໆ ໄດ້ນໍາເອົາອາລົມຈິດປະຕິວັດ, ຄວາມຄິດເຫັນ ກໍ່ຄືຄວາມມຸ່ງມາດປາຖະໜາອັນແຮງກ້າຂອງປະຊາຊົນບັນດາເຜົ່າມາສູ່ສະພາປະຊາຊົນສູງສຸດໃນຄັ້ງນີ້ ແລະກອງປະຊຸມ ຍັງຈະໄດ້ພິຈາລະນາ, ຮັບຮອງ ເອົາບັນຫາສໍາຄັນຂອງຊາດ; ຂໍໃຫ້ພະນັກງານ, ທະຫານ, ຕໍາຫຼວດ ແລະປະຊາຊົນລາວບັນດາເຜົ່າ ຈົ່ງພ້ອມກັນອ່ວາຍໜ້າຕິດຕາມກອງປະຊຸມສໍາຄັນດັ່ງກ່າວ ຊຶ່ງນັບແຕ່ວັນທີ 5 ຫາ 25 ມິຖຸນາ 2019 (ວັນລັດຖະການ) ໂດຍຜ່ານສື່ມວນຊົນທາງການຂອງ ສປປ ລາວ.

- lattana 1 - ຊົມເຊີຍກອງປະຊຸມຜູ້ແທນປະຊາຊົນຢ່າງສຸດໃຈ!

ຄືດັ່ງທີ່ຮູ້ແລ້ວວ່າ: ສະພາແຫ່ງຊາດ ແມ່ນອົງການຕົວແທນແຫ່ງສິດ ແລະຜົນປະໂຫຍດຂອງປະຊາຊົນລາວບັນດາເຜົ່າ, ເປັນອົງການສູງສຸດແຫ່ງອຳນາດລັດ ແລະເປັນອົງການນິຕິບັນຍັດ. ສະພາແຫ່ງຊາດ ມີພາລະບົດບາດ ຮັບຮອງເອົາລັດຖະທຳມະນູນ ແລະກົດໝາຍ, ຕົກລົງບັນຫາສຳຄັນພື້ນຖານຂອງປະເທດຊາດ ແລະຕິດຕາມກວດກາ ການເຄົາລົບ, ປະຕິບັດລັດຖະທຳມະນູນ, ກົດ  ໝາຍຂອງບັນດາອົງການລັດ ແລະ ຈະຂໍທົບທວນຜົນຂອງກອງປະຊຸມສະໄໝສາມັນ ເທື່ອທີ 6 ໂດຍສັງເຂບ ຊຶ່ງກອງປະຊຸມເທື່ອແລ້ວ ໄດ້ພິຈາລະນາ, ຮັບຮອງບັນຫາສຳຄັນພື້ນຖານຂອງປະເທດຊາດ ໂດຍໄດ້ອອກເປັນມະຕິກອງປະຊຸມ ຈໍານວນ 21 ສະບັບ; ຮັບຟັງການລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 097/ສພຊ, ລົງວັນທີ 17 ພະ ຈິກ 2017 ວ່າດ້ວຍ ການພັດທະນາຊົນນະບົດ ແລະລຶບລ້າງຄວາມທຸກຍາກຕິດພັນກັບເປົ້າໝາຍການພັດທະນາແບບຍືນຍົງ ແລະບັນຫາສໍາຄັນອື່ນໆ. ແຕ່ໄລຍະການດໍາເນີນກອງປະຊຸມ; ຍັງມີຄໍາເຫັນຜ່ານໂທລະສັບສາຍດ່ວນຈາກປະຊາຊົນ 478 ສາຍ, ມີ 236 ເລື່ອງ ທີ່ພົວພັນເຖິງການຄຸ້ມຄອງລັດ, ຄຸ້ມຄອງເສດຖະກິດ ແລະສັງຄົມ ໃນນີ້ບັນຫາໃຫຍ່ແມ່ນພົວພັນເຖິງບັນຫາທີ່ດິນ, ສະພາບເສັ້ນທາງ, ການກໍ່ສ້າງເສັ້ນທາງ, ບັນຫາຢາເສບຕິດ ແລະການທະນາຄານ.

ສໍາລັບ ກອງປະຊຸມສະໄໝສາມັນ ເທື່ອທີ 7 ນີ້; ລັດຖະບານ, ຈະລາຍງານກ່ຽວກັບຜົນການປະຕິບັດມະຕິກອງປະຊຸມສະ ພາແຫ່ງຊາດ ສະບັບເລກທີ 099/ສພຊ ແລະເລກທີ 100/ສພຊ, ລົງວັນທີ 28 ພະຈິກ 2018; ພິຈາລະນາ, ຮັບຮອງເອົາບົດລາຍງານກ່ຽວກັບການພັດທະນາຊັບພະຍາກອນມະນຸດຕິດພັນກັບການພັດທະນາເສດຖະກິດ ແລະສັງຄົມໃນແຕ່ລະໄລຍະ ໂດຍສະເພາະການສ້າງຊັບພະຍາກອນມະນຸດໃຫ້ໄປຕາມຂະແໜງການບູລິມະສິດ ເປັນຕົ້ນວິຊາການສະເພາະດ້ານໃນສາຂາວິຊາກະສິກໍາ, ຄູ ແລະພະຍາ ບານ; ພິຈາລະນາ, ຮັບຮອງເອົາບົດລາຍງານກ່ຽວກັບຜົນການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 080/ສພຊ, ລົງວັນທີ 17 ພະຈິກ 2017 ວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ; ພິຈາລະນາ ຮັບຮອງເອົາບົດລາຍງານກ່ຽວກັບຜົນການປະຕິບັດມະຕິກອງປະຊຸມສະພາແຫ່ງຊາດສະບັບເລກທີ 081/ສພຊ, ລົງວັນທີ 17 ພະຈິກ 2017 ວ່າດ້ວຍວຽກງານທ່ອງທ່ຽວຕິດ ພັນກັບການຈັດຕັ້ງປະຕິບັດປີທ່ອງທ່ຽວ ລາວ-ຈີນ 2019.

ພິຈາລະນາ ຮັບຮອງເອົາການຊີ້ແຈງຕໍ່ຄໍາຊັກຖາມຂອງ ສສຊ ຂອງກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ຊີ້ແຈງກ່ຽວກັບການຄຸ້ມຄອງ, ການອອກໃບຕາດິນຊໍ້າຊ້ອນໃນຜ່ານມາ ແລະມາດຕະການແກ້ໄຂໃນຕໍ່ໜ້າ; ກະຊວງກະສິກໍາ ຊີ້ແຈງກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດສະບັບເລກທີ 014/ສພຊ, ລົງວັນທີ 24 ພະຈິກ 2016 ແລະບັນດາມະຕິຂອງຄະນະປະຈໍາສະພາແຫ່ງຊາດ ກ່ຽວກັບການຟື້ນຟູປ່າໄມ້ ແລະປູກປ່າທົດແທນທີ່ຕິດພັນກັບການນໍາໃຊ້ງົບປະມານຈາກໂຄງການພັດ ທະນາໄຟຟ້າ-ບໍ່ແຮ່ ແລະທຶນຊ່ວຍເຫຼືອຈາກຕ່າງປະເທດ; ອົງການໄອຍະການປະຊາຊົນສູງສຸດ ຈະລາຍງານກ່ຽວກັບການຕິດຕາມກວດ ກາການປະຕິບັດກົດໝາຍຂອງອົງການສືບສວນ-ສອບສວນ ຕາມມາດຕາ 42 ຂໍ້ 2, ຂໍ້ 5 ແລະຂໍ້ 6 ຂອງກົດໝາຍ ວ່າດ້ວຍອົງການໄອຍະການປະຊາຊົນ.

- 1 1 - ຊົມເຊີຍກອງປະຊຸມຜູ້ແທນປະຊາຊົນຢ່າງສຸດໃຈ!
- Tiger Head 728x90 - ຊົມເຊີຍກອງປະຊຸມຜູ້ແທນປະຊາຊົນຢ່າງສຸດໃຈ!

ພ້ອມດຽວກັນ; ຍັງຈະພິຈາລະນາ, ຮັບຮອງເອົາບົດລາຍງານ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານຂອງຄະນະປະຈໍາສະພາແຫ່ງຊາດໃນລະຫວ່າງກອງປະຊຸມສະໄໝສາມັນ ເທື່ອທີ 6  ຫາກອງປະຊຸມສະໄໝສາມັນ ເທື່ອທີ 7 ແລະທິດທາງແຜນການຮອດກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII; ພິຈາລະນາ, ຮັບຮອງ ເອົາໜັງສືຂອງທ່ານນາຍົກລັດຖະມົນຕີ ກ່ຽວກັບການແຕ່ງຕັ້ງສະມາຊິກລັດຖະບານ; ພິຈາລະນາ, ຮັບຮອງເອົາຮ່າງກົດໝາຍປັບປຸງ ຈໍານວນ 10 ສະບັບ ແລະສະເໜີຮ່າງກົດໝາຍສ້າງໃໝ່ ຈໍານວນໜຶ່ງ. ໂດຍ: ຣັດ​ສະ​ໝີ ດວງ​ສັດ​ຈະ