ໄທເກີຣ ວູດ ແມ່ນໃຜ?

- advert banner 728 90 728x90 - ໄທເກີຣ ວູດ ແມ່ນໃຜ?

ເອລດຣິກ ຕົ້ນ “ໄທເກີວູດ” (Tiger Woods) ອະດີດນັກກັອບໝາຍເລກ 1 ຂອງໂລກ, ທ່ານເກີດໃນວັນທີ 30 ທັນວາ ຄສ 1975, ເປັນນັກກັອບອາຊີບ ສັນຊາດອາເມລິກາ, ຊຶ່ງເປັນນັກກັອບທີ່ປະສົບຄວາມສໍາເລັດຫຼາຍທີ່ສຸດຕະຫຼອດການຄົນໜຶ່ງ, ທ່ານຍັງເຄີຍເປັນນັກກິລາທີ່ສ້າງລາຍໄດ້ສູງທີ່ສຸດໃນໂລກເປັນໄລຍະເວລາຫຼາຍປີ.

- new3 - ໄທເກີຣ ວູດ ແມ່ນໃຜ?

     ປີ ຄສ 1996 ມີສະຖິຕິການຊະນະລາຍການການແຂ່ງຂັນທີ 12 ອັນເດີພາ ແລະ ຮັບເງິນລາງວັນ ຈໍານວນ 486,000 ຫຼຽນໂດລາສະຫະລັດ, ກ້າວຂຶ້ນເປັນນັກກັອບໝາຍເລກໜຶ່ງ ຂອງໂລກ. ໃນເດືອນ ມິຖຸນາ ຄສ 1997 ໄດ້ສ້າງຄວາມໂດດເດັ່ນໃນກິລາກັອບ ສາມາດຄອງຕໍາແໜ່ງນັກກິລາກັອບໝາຍເລກໜຶ່ງຂອງໂລກ ໄລຍະເວລາເຖິງ 264 ອາທິດ ຕັ້ງແຕ່ຊ່ວງເດືອນ ສິງຫາ ປີ 1999 ເຖິງເດືອນ ກັນຍາ ປີ 2004 ແລະ ໄລຍະເວລາ 281 ອາທິດ ຕັ້ງແຕ່ເດືອນ ມິຖຸນາ ປີ 2005 ເຖິງເດືອນ ຕຸລາ 2010, ຕັ້ງແຕ່ເດືອນ ທັນວາ 2009 ເຖິງຕົ້ນເດືອນ ເມສາ 2010 ໄດ້ຢຸດພັກຈາກການແຂ່ງຂັນກັອບອາຊີບ ເພື່ອມາໃຫ້ຄວາມສໍາຄັນກັບເລື່ອງການແຕ່ງງານຂອງທ່ານ, ຫຼັງຈາກນັ້ນທ່ານໄດ້ອອກມາຍອມຮັບເລື່ອງ ການນອກໃຈພັນລະຍາ, ຊຶ່ງການນອກໃຈຂອງທ່ານຖືກເປີດໂປງໂດຍຜູ້ຍິງຫຼາຍຄົນຜ່ານທາງແຫຼ່ງຂ່າວຕ່າງໆທົ່ວປະເທດ, ເຫດການເຫຼົ່ານີ້ສົ່ງຜົນຕໍ່ການຫຼິ້ນກັອບຂອງທ່ານ ໂດຍອັນດັບໂລກຕົກໄປຢູ່ເຖິງອັນດັບ 58 ຂອງໂລກໃນເດືອນ ພຶດສະພາ ປີ 2011, ທ່ານຈົບລະດູການແຂ່ງຂັນດ້ວຍສະຖິຕິບໍ່ຊະນະຕໍ່ກັນເຖິງ 107 ອາທິດ, ນັບຕັ້ງແຕ່ເຂົ້າຮ່ວມແຂ່ງຂັນໃນລາຍການ ເຊຟຣອນເວີຊາເລັ້ນ ໃນເດືອນ ທັນວາ 2011, ຫຼັງຈາກທີ່ຊະນະການແຂ່ງຂັນໃນລາຍການ ອາໂນດ ພາເມີ ອິນວິເທຊັ່ນ ໃນເດືອນ ມີນາ 2013 ທ່ານກໍກັບຂຶ້ນມາຄອງຕໍາແໜງນັກກັອບໝາຍເລກໜຶ່ງຂອງໂລກອີກຄັ້ງ ແລະ ຄອງອັບດັບຍາວເຖິງເດືອນ ພຶດສະພາ 2014.

     ນອກນີ້ຍັງໄດ້ທໍາລາຍສະຖິຕິກິລາກັອບຫຼາຍລາຍການ ທ່ານຄອງຕໍາແໜ່ງນັກກັອບອັນດັບໜຶ່ງຂອງໂລກ ໂດຍມີໄລຍະເວລາຕໍ່ເນື່ອງຍາວນານທີ່ສຸດ ແລະ ມີຈໍານວນອາທິດທີ່ຫຼາຍທີ່ສຸດກວ່ານັກກັອບຄົນອື່ນໆ, ທ່ານໄດ້ຮັບລາງວັນຜູ້ຫຼິ້ນແຫ່ງປີຈາກ ພີຈີເອ ຈໍານວນ 11 ສະໄໝ ແລະ ລາງວັນ ໄບຣອນ ເນສສັນ ອະວອຣ໌ດ ສໍາຫຼັບລາງວັນການຖືກຕັດແຕ້ມນ້ອຍທີ່ສຸດ ຈໍານວນ 8 ສະໄໝ ແລະ ຍັງເປັນຜູ້ນໍາອັນດັບໜຶ່ງຂອງນັກກັອບທີ່ມີເງິນສູງສຸດເຖິງ 10 ລະດູການແຂ່ງຂັນ, ທ່ານຊະນະການແຂ່ງຂັນກັອບອາຊີບ ລາຍການ ເມເຈີຣ໌ ກັອບ ແຊມປ່ຽນຊິປ ເຖິງ 15 ຄັ້ງ, ຊຶ່ງເປັນຜູ້ຫຼິ້ນທີ່ຊະນະການແຂ່ງຂັນສູງສຸດເປັນອັນດັບສອງ (ແຈດ ນິດຄລອສ ເປັນຜູ້ນໍາໂດຍຊະນະ 18 ລະດູການ) ແລະ ຊະນະລາຍການຕ່າງໆຂອງ ພີຈີເອທົວ ເຖິງ 79 ລາຍການ ຕາມຫຼັງຜູ້ຫຼິ້ນຕະຫຼອດການ ແຊມ ສນຽດ ຊຶ່ງຊະນະ 82 ລາຍການ, ທ່ານເປັນແຊັມລາຍການເມເຈີ ແລະ ລາຍການພີຈີເອທົວ ຫຼາຍທີ່ສຸດໃນບັນດານັກກັອບທີ່ຍັງລົງແຂ່ງຂັນກັນຢູ່, ນອກນີ້, ຍັງເປັນຜູ້ຫຼິ້ນທີ່ອາຍຸນ້ອຍ ແລະ ເປັນຜູ້ຫຼິ້ນທີ່ອາຍຸນ້ອຍທີ່ສຸດ ແລະ ວ່ອງໄວທີ່ສຸດໃນການຊະນະການແຂ່ງຂັນເຖິງ 50 ລາຍການ, ທ່ານເປັນນັກກັອບຄົນທີສອງທີ່ສາມາດຊະນະ ແກຣນ ສແລມ ໄດ້ເຖິງສາມສະໄໝ ຫຼັງຈາກທີ່ ແຈັດ ນິດຄລອສ ເຄີຍເຮັດສະຖິຕິໄວ້, ທ່ານຊະນະລາຍການ ເວິຣ໌ດ ກັອບ ແຊມປ່ຽນຊິປ ເຖິງ 18 ຄັ້ງ ຊຶ່ງລາຍການຢ່າງໜ້ອຍ ໜຶ່ງໃນນັ້ນຢູ່ໃນຊ່ວງ 11 ປີທໍາອິດ ຕັ້ງແຕ່ມີການເລີ່ມຕັ້ນການແຂ່ງຂັນໃນປີ 1999 ວູດ ແລະ ຣໍຣີ່ ແມດ ອິນຣອຍສ໌ ເປັນນັກກັອບພຽງສອງຄົນທີ່ຊະນະໄດ້ທັງຫຼຽນຄໍາ ແລະ ຫຼຽນເງິນ ຈາກການແຂ່ງຂັນ ດິໂອເພັນ ແຊັ້ມປຽນຊິ.

- lattana 1 - ໄທເກີຣ ວູດ ແມ່ນໃຜ?
error: Content is protected !!