ລັດຖະມົນຕີ ຖວທ ໝັ້ນໃຈປີ 2019 ຈະມີນັກທ່ອງທ່ຽວຈີນເຂົ້າມາລາວບັນລຸ 1 ລ້ານເທື່ອຄົນ

- advert banner 728 90 728x90 - ລັດຖະມົນຕີ ຖວທ ໝັ້ນໃຈປີ 2019 ຈະມີນັກທ່ອງທ່ຽວຈີນເຂົ້າມາລາວບັນລຸ 1 ລ້ານເທື່ອຄົນ

ທ່ານລັດຖະມົນຕີກະຊວງຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ໄດ້ລາຍງານຕໍ່ກອງປະຊຸມສະພາແຫ່ງຊາດໃນວັນທີ 5 ມິຖຸນານີ້ວ່າ: ນັບແຕ່ໄດ້ມີການເປີດປີທ່ອງທ່ຽວລາວ-ຈີນ 2019 ຢູ່ ສປປ ລາວ ໃນເດືອນມັງກອນເປັນຕົ້ນມາ, ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ເປັນເຈົ້າການຈັດກອງປະຊຸມພົບປະແລກປ່ຽນສອງຝ່າຍ, ເຊິ່ງໄດ້ຕົກລົງຈັດ 8 ກິດຈະກໍາຢູ່ສອງປະເທດທີ່ຕິດພັນກັບກິດຈະກໍາຍ່ອຍຈໍານວນໜຶ່ງ ແລະ ສໍາລັບຢູ່ ສປປ ລາວ ແມ່ນໄດ້ປະຕິບັດບາງກິດຈະກໍາສໍາເລັດແລ້ວດັ່ງນີ້: ເປີດປີທ່ອງທ່ຽວລາວ-ຈີນ, ການສະແດງສິລະປະຮ່ວມກັນຂອງສອງປະເທດ, ການສະແດງຮູບພາບ ແລະ ເທສະການອາຫານຢູ່ນະຄອນຫລວງວຽງຈັນ, ຈັດກອງປະຊຸມສົ່ງເສີມການທ່ອງທ່ຽວລາວ-ຈີນ ແລະ ເປີດສາຍການບິນໃໝ່ລະຫວ່າງນະຄອນຫລວງວຽງຈັນ-ຊຽງໄຮ້-ນະຄອນຫລວງວຽງຈັນ, ໄດ້ຕ້ອນຮັບຄະນະນັກທ່ອງທ່ຽວຈີນຈໍານວນ 1.000 ຄົນ ທີ່ມາທ່ຽວລາວ, ຈັດສັບປະດາວັດທະນະທໍາຈີນໃນໂອກາດຄົບຮອບ 58 ປີຂງສາຍພົວພັນການທູດລາວ-ຈີນ. ສ່ວນຝ່າຍຈີນ ກໍໄດ້ສໍາເລັດການຈັດກິດຈະກໍາຕ່າງໆເຊັ່ນດຽວກັນຄື: ວາງສະແດງຮູບພາບການທ່ອງທ່ຽວ ແລະ ສະແດງສິລະປະຂອງລາວຮ່ວມກັບຝ່າຍຈີນທີ່ເມືອງຟູຈ້ຽນ ນະຄອນຟູໂຈ, ພ້ອມທັງລົງນາມບົດບັນທຶກການຮ່ວມມືດ້ານວັດທະນະທໍາ ແລະ ທ່ຽວທ່ຽວລະຫວ່າງ 2 ປະເທດ ທີ່ນະຄອນຫລວງປັກກິ່ງ, ຈັດງານວາງສະແດງແລກປ່ຽນວັດທະນະທໍາ ແລະ ການທ່ອງທ່ຽວສາກົນທີ່ນະຄອນຫລວງປັກກິ່ງ, ວາງສະແດງຜົນງານຮູບແຕ້ມຍຸກສະໄໝຂອງນັກຈິດຕະກອນຜູ້ມີຊື່ສຽງຢູ່ແຂວງເສສວນ, ຈັດກອງປະຊຸມເວທີປຶກສາຫາລືດ້ານການທ່ອງທ່ຽວຂອງບັນດາປະເທດແມ່ນໍ້າຂອງປະຈໍາປີ 2019 ແລະ ກິດຈະກໍາອື່ນໆ ແລະ ຜ່ານການເຄື່ອນໄຫວວຽກງານດັ່ງກ່າວ ໄດ້ຊຸກຍູ້ໃຫ້ນັກທ່ອງທ່ຽວຈີນເຂົ້າມາທ່ຽວປະເທດເຮົາໃນ 3 ເດືອນຕົ້ນປີມີປະມານ 250 ພັນຄົນ, ທຽບໃສ່ໄລຍະດຽວກັນຂອງປີ 2018 ຜ່ານມາ ເພີ່ມຂຶ້ນ 16% ແລະ ຄາດວ່າໝົດປີ 2019 ຈະສາມາດບັນລຸໄດ້ຕາມຄາດໝາຍວາງໄວ້ 1 ລ້ານເທື່ອຄົນ.

- Tiger Head 728x90 - ລັດຖະມົນຕີ ຖວທ ໝັ້ນໃຈປີ 2019 ຈະມີນັກທ່ອງທ່ຽວຈີນເຂົ້າມາລາວບັນລຸ 1 ລ້ານເທື່ອຄົນ
- 1 1 - ລັດຖະມົນຕີ ຖວທ ໝັ້ນໃຈປີ 2019 ຈະມີນັກທ່ອງທ່ຽວຈີນເຂົ້າມາລາວບັນລຸ 1 ລ້ານເທື່ອຄົນ
- lattana 1 - ລັດຖະມົນຕີ ຖວທ ໝັ້ນໃຈປີ 2019 ຈະມີນັກທ່ອງທ່ຽວຈີນເຂົ້າມາລາວບັນລຸ 1 ລ້ານເທື່ອຄົນ