ລາວ ແລະ ສາກົນຫາລືມາດຕະຖານຂອງວຽກງານເຫດສຸກເສີນດ້ານສາທາລະນະສຸກ

- advert banner 728 90 728x90 - ລາວ ແລະ ສາກົນຫາລືມາດຕະຖານຂອງວຽກງານເຫດສຸກເສີນດ້ານສາທາລະນະສຸກ

ກອງປະຊຸມສະເໜີຫ້ອງປະຕິບັດງານເຫດການສຸກເສິນດ້ານສາທາລະນະສຸກ (PHEOC) ທີ່ເປັນມາດຕະຖານສາກົນ ແລະ ພັດທະນາຄູ່ມືທີ່ເປັນມາດຕະຖານ ໃນການຈັດຕັ້ງປະຕິບັດໄດ້ຈັດຂຶ້ນໃນວັນທີ 4 ມິຖຸນານີ້, ໂດຍການເປັນປະທານຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ ມາກ ຈາຄອບ (Mark Jacobs) ຜູ້ຕາງໜ້າອົງການອະນາໄມໂລກ ປະຈຳລາວ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມ.

- new3 - ລາວ ແລະ ສາກົນຫາລືມາດຕະຖານຂອງວຽກງານເຫດສຸກເສີນດ້ານສາທາລະນະສຸກ

  ຫ້ອງປະຕິບັດງານເຫດການສຸກເສີນດ້ານສາທາລະນະສຸກ ເປັນສ່ວນສໍາຄັນໃນການສ້າງຄວາມເຂັ້ມແຂງຕໍ່ວຽກງານເຝົ້າລະວັງ, ສອບສວນ ແລະ ໂຕ້ຕອບຂອງພະຍາດຕິດຕໍ່, ໂດຍສະເພາະພະຍາດທີ່ເກີດຕາມລະດູການເຊັ່ນ: ໄຂ້ຫວັດ, ໄຂ້ຫວັດສັດປີກ ກໍຄືພະຍາດທີ່ປ້ອງກັນດ້ວຍວັກແຊງ ແລະ ພະຍາດອື່ນໆ ແລະ ໃນຜ່ານມາ, ກະຊວງສາທາລະນະສຸກ ໄດ້ເປີດຫ້ອງປະຕິບັດງານສຸກເສີນຂຶ້ນ ເພື່ອຕິດຕາມ ແລະ ໂຕ້ຕອບການລະບາດຂອງພະຍາດຕ່າງໆ.

  ນັບແຕ່ປີ 2019 ເປັນຕົ້ນມາ, ອົງການອານາໄມໂລກໄດ້ລາຍງານກ່ຽວກັບພະຍາດຊຶມເຊື້ອທີ່ເກີດຂຶ້ນໃໝ່ ແລະ ກັບຄືນມາເກີດໃໝ່ໃນທົ່ວໂລກ, ປັດຈຸບັນ ພະຍາດ ອີໂບລາ ຍັງສືບຕໍ່ລະບາດໃນປະເທດຄົງໂກ ມີຈຳນວນສະສົມຫລາຍກວ່າ 1.920 ກໍລະນີ ແລະ ເສຍຊີວິດ 1.281 ກໍລະນີ, ພະຍາດຊຶມເຊື້ອລະບົບຫາຍໃຈ (MERS COV) ໃນປະເທດຊາອຸດິອາຣາເບຍ (Saudi Arabia) ມີຈຳນວນ 2.000 ກວ່າກໍລະນີ ແລະ ເສຍຊີວິດ 760 ກໍລະນີ.     

- lattana 1 - ລາວ ແລະ ສາກົນຫາລືມາດຕະຖານຂອງວຽກງານເຫດສຸກເສີນດ້ານສາທາລະນະສຸກ

  ສະເພາະ ສປປ ລາວ, ນັບແຕ່ປີ 2013 ຮອດປັດຈຸບັນ ມີການລາຍງານສະພາບພະຍາດຕິດຕໍ່ເກີດຂຶ້ນເປັນປະຈຳ. ຕໍ່ສະພາບດັ່ງກ່າວ, ກະຊວງສາທາ ລະນະສຸກ ໄດ້ເຮັດວຽກຢ່າງໃກ້ສິດກັບຄູ່ຮ່ວມພັດທະນາໃນການເອົາໃຈໃສ່ຕິດຕາມເຝົ້າລະວັງ 18 ພະຍາດຕິດຕໍ່ ແລະ ວາງມາດຕະການສະກັດກັ້ນການລະບາດ, ເຊິ່ງສາມາດສະກັດກັ້ນໄດ້ຫລາຍພະຍາດ ເຊັ່ນ: ເປ້ຍຫລ່ອຍ, ໄຂ້ທໍລະພິດ, ອັກເສບຕັບຊະນິດເອ, ໝາກແດງ, ຄໍຕີບ ແລະ ພະຍາດຕິດຕໍ່ອື່ນໆ, ພົ້ນເດັ່ນແມ່ນສາມາດປ້ອງກັນ ແລະ ສະກັດກັ້ນບໍ່ໃຫ້ເກີດການລະບາດຂອງພະຍາດຕິດຕໍ່ໃນເຂດທີ່ໄດ້ຮັບຜົນກະທົບຈາກໄພພິບັດຢູ່ເມືອງສະໜາມໄຊແຂວງອັດຕະປື.

  ແນວໃດກໍຕາມ, ການສະກັດກັ້ນ ແລະ ໂຕ້ຕອບການລະບາດ, ຮຽກຮ້ອງໃຫ້ມີຈຸດປະສານງານໃນການຕິດຕາມເຝົ້າລະວັງ ແລະ ບັນຊາການທີ່ເປັນເອກະພາບໃນທົ່ວປະເທດຕາມມາດຕະຖານສາກົນ ເພື່ອປ້ອງກັນບໍ່ໃຫ້ພະຍາດເກີດຂຶ້ນ, ປ້ອງກັນບໍ່ໃຫ້ພະຍາດກະຈາຍອອກໄປນອກປະເທດ ແລະ ບໍ່ໃຫ້ພະຍາດຈາກປະເທດອື່ນແຜ່ກະຈາຍເຂົ້າມາໃນປະເທດເຮົາ.

error: Content is protected !!