ອົງການອະນາໄມໂລກຮຽກຮ້ອງໃຫ້ແຕ່ລະປະເທດເອົາໃຈໃສ່ການບໍລິການດ້ານສາທາລະນະສຸກເທົ່າທຽມກັນ

- advert banner 728 90 728x90 - ອົງການອະນາໄມໂລກຮຽກຮ້ອງໃຫ້ແຕ່ລະປະເທດເອົາໃຈໃສ່ການບໍລິການດ້ານສາທາລະນະສຸກເທົ່າທຽມກັນ

ໃນລະຫວ່າງວັນທີ 20 –28 ພຶດສະພາ ຜ່ານມານີ້ ທ່ານດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ນໍາພາຄະນະຜູ້ແທນລາວ ປະກອບດ້ວຍທ່ານ ຫົວຫນ້າ, ຮອງຫົວຫນ້າຫ້ອງການ,ຫົວຫນ້າກົມອ້ອມຂ້າງກະຊວງ,ວິຊາການກ່ຽວຂ້ອງ ແລະ ຄະນະສິລະປະຈາກ ກະຊວງຖະແຫຼ່ງຂ່າວ ວັດທະນະທໍາ ແລະທ່ອງທຽວ ຈໍານວນຫນຶ່ງໄປເຂົ້າຮ່ວມກອງປະຊຸມປະຈໍາປີຂອງສະພາອົງການອະນາໄມໂລກຄັ້ງທີ 72 ຈັດຂຶ້ນທີ່ເມືອງເຊີແນວ, ປະເທດສະວິດເຊີແລນ.

- new3 - ອົງການອະນາໄມໂລກຮຽກຮ້ອງໃຫ້ແຕ່ລະປະເທດເອົາໃຈໃສ່ການບໍລິການດ້ານສາທາລະນະສຸກເທົ່າທຽມກັນ

ກອງປະຊຸມ ໄດ້ສະຫຼຸບ-ຕີລາຄາ ການຈັດຕັ້ງປະຕິບັດການປ້ອງກັນ, ຕ້ານ ແລະ ຄວບຄຸມການລະບາດຂອງພະຍາດຕ່າງໆ ທັງພະຍາດຕິດຕໍ່, ພະຍາດບໍ່ຕິດຕໍ່, ການປ້ອງກັນ ແລະ ຕອບໂຕ້ໄພຄຸກຄາມຈາກທໍາມະຊາດ, ການຊ່ວຍເຫຼືອຜູ້ຖືກກະທົບຈາກຄວາມຂັດແຍ່ງດ້ານການເມືອງ, ສົງຄາມ. ເປີດເວທີສົນທະນາແລກປ່ຽນບົດຮຽນການປັບປຸງຄຸນນະພາບຂອງການບໍລິການ,ການພັດທະນາເຄື່ອງມື, ເຕັກນິກ, ເຕັກໂນໂລຊີທີ່ທັນສະໄຫມ ແລະ ກ້າວຫນ້າ ເຂົ້າໃນການປ້ອງກັນພະຍາດ ແລະ ປິ່ນປົວຄົນເຈັບໃນໄລຍະຜ່ານມາ ປີ 2019 – 2020 ນີ້ໄດ້ມອບໃຫ້ແຕ່ລະປະເທດ ແລະນໍາໄປປະຕິບັດ ເພື່ອຮັບປະກັນໃຫ້ທຸກຊັ້ນຄົນ, ທຸກເພດ, ທຸກໄວ, ທຸກເຊື້ອຊາດ, ສາສະຫນາທັງຢູ່ຕົວເມືອງ ແລະ ຊົນນະບົດໄດ້ເຂົ້າເຖິງການບໍລິການດ້ານສາທາລະນະສຸກຢ່າງເທົ່າທຽມກັນ, ສະເຫມີພາບ ແລະ ຍຸຕິທໍາ.

- lattana 1 - ອົງການອະນາໄມໂລກຮຽກຮ້ອງໃຫ້ແຕ່ລະປະເທດເອົາໃຈໃສ່ການບໍລິການດ້ານສາທາລະນະສຸກເທົ່າທຽມກັນ

ນອກຈາກວຽກງານອັນສໍາຄັນທາງດ້ານວິຊາການສະເພາະແລ້ວຍັງໄດ້ມີກິດຈະກໍາສະແດງສິລະປະວັດທະນະທໍາລາວຈາກຄະນະສິລະປະ ຂອງກະຊວງຖະແຫຼ່ງຂ່າວ, ວັດທະນະທໍາ ແລະທ່ອງທ່ຽວ ຄື: ບົດຟ້ອນອວຍພອນສາວລາວລ້ານຊ້າງ, ເປົ່າແຄນລາວ ແລະ ຟ້ອນເຕີ້ຍລ່ອງຂອງ ທີ່ສ່ອງແສງໃຫ້ເຫັນເຖິງວິຖີການດໍາລົງຊີວິດ, ມໍລະດົກລາວທີ່ໄດ້ຮັບເປັນມໍລະດົກໂລກ ແລະ ແຫຼ່ງທ່ອງທ່ຽວທີ່ສວຍງາມຂອງຊາດລາວເຮົາໃຫ້ຊາວໂລກຮັບຮູ້ ເຊິ່ງການສະແດງດັ່ງກ່າວ ໄດ້ຮັບຄວາມສົນໃຈ ແລະ ຍ້ອງຍໍຈາກຄະນະຜູ້ແທນເຂົ້າຮ່ວມກອງປະຊຸມເປັນຢ່າງດີ, ອັນເປັນການສົ່ງເສີມການທ່ອງທ່ຽວຂອງລາວນໍາອີກດ້ວຍ. /

error: Content is protected !!