ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ

- advert banner 728 90 728x90 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ

ໃນວັນທີ 4 ມິຖຸນານີ້, ຢູ່ ຫ້ອງການກອງກວດກາປ່າໄມ້, ເມືອງບາຈຽງຈະເລີນສຸກ, ແຂວງຈຳປາສັກໄດ້ມີ ພິທີມອບ – ຮັບສັດປ່າປະເພດ ຫວງຫ້າມບັນຊີ 1 ເຊິ່ງແມ່ນ ໝີຄວາຍ (ເໝືອຍ) 1 ໂຕເພດ ແມ່ອາຍຸ 4 ປີມີນ້ຳໜັກ 25 ກິໂລ ແລະ ສັດປ່າປະເພດຄຸ້ມຄອງ ບັນຊີ 2 ລີງ ຈຳນວນ 2 ໂຕເພດຜູ້ ແລະ ເພດແມ່ ອາຍຸ 5 ປີໃຫ້ຄືນສູ່ການຄຸ້ມ ຄອງຂອງລັດ, ກ່າວມອບໂດຍ ທ່ານ ພີມພອນ ແກ້ວພອນຈັນ ປະຊາຊົນບ້ານພະໂພ, ເມືອງ ປະທຸມພອນ, ແຂວງຈຳປາ ສັກ ແລະ ກ່າວ ຮັບໂດຍຜູ້ຕາງໜ້າກອງກວດກາປ່າໄມ້ ແຂວງ. ສັດປ່າຫວງຫ້າມ ດັ່ງກ່າວ ຈະໄດ້ມອບຕໍ່ໃຫ້ສວນ ສັດແຂວງຫຼວງພະບາງເປັນຜູ້ນຳໄປບໍາບັດ ແລະ ປ່ອຍ ຄືນສູ່ປ່າສະຫງວນທຳມະຊາດຕໍ່ໄປ, ຕາມຂໍ້ຕົກລົງ ຂອງ ກອງກວດກາປ່າໄມ້.

- 4475 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ

ສັດປ່າດັ່ງກ່າວໃນເມື່ອ ກ່ອນແມ່ນຢູ່ໃນການຄຸ້ມຄອງຂອງທ່ານ ພີມພອນ, ປະຊາຊົນບ້ານພະໂພ, ເປັນຜູ້ຊື້ຈາກ ປະຊາຊົນມາລ້ຽງໄວ້. ແຕ່ ດ້ວຍຄວາມຕື່ນຕົວສະໝັກໃຈປະຕິບັດຕາມລະບຽບກົດໝາຍວ່າດ້ວຍສັດນໍ້າ ແລະ ສັດປ່າ ໃຫ້ລັດຄຸ້ມຄອງ ແລະ ນຳໄປປ່ອຍຄືນສູ່ທຳມະຊາດ.

- lattana 1 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ
- 1 1 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ
- 12 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ

ໃນໂອກາດນີ້, ທ່ານ ຮອງ ຫົວໜ້າພະແນກກະສີກຳ ແລະ ປ່າໄມ້ແຂວງຈຳປາສັກໄດ້ ຮຽກຮ້ອງໃຫ້ປະຊາຊົນຜູ້ທີ່ ມີສັດປ່າປະເພດຫວງຫ້າມ ໄວ້ໃນການຄອບຄອງ ຫຼື ລ້ຽງໄວ້ໂດຍບໍ່ໄດ້ຮັບອະນຸຍາດນັ້ນ ໃຫ້ຕື່ນຕົວນຳມາມອບຄືນໃຫ້ລັດເພື່ອ ນຳໄປປ່ອຍຄືນສູ່ທຳມະຊາດຕາມລະບຽບກົດໝາຍ./.

- 22587 - ປະຊາຊົນ​ບ້ານ​ພະ​ໂພ​ມອບ​ສັດປ່າ​ຫວງ​ຫ້າມ​ໃຫ້​ພາກ​ລັດ​ເພື່ອ​ປ່ອຍ​ສູ່​ທຳ​ມະ​ຊາດ
error: Content is protected !!