ຄວາມຮັບຜິດຊອບຂອງສື່ມວນຊົນໃນການເຂົ້າຮ່ວມສົງຄາມຕ້ານຂ່າວປອມ

- advert banner 728 90 728x90 - ຄວາມຮັບຜິດຊອບຂອງສື່ມວນຊົນໃນການເຂົ້າຮ່ວມສົງຄາມຕ້ານຂ່າວປອມ

ໂດຍ: ລູກເມືອງພວນ

- new3 - ຄວາມຮັບຜິດຊອບຂອງສື່ມວນຊົນໃນການເຂົ້າຮ່ວມສົງຄາມຕ້ານຂ່າວປອມ

ການເຂົ້າຮ່ວມສົງຄາມຕ້ານຂ່າວປອມຂອງຫຼາຍປະເທດໃນໂລກ ແມ່ນສັນຍານເຕືອນໃຫ້ເຫັນຄວາມຮຸນແຮງຂອງຂ່າວດັ່ງກ່າວ ທີ່ມີລັກສະນະສັບສົນ ແລະ ມີຄວາມອັນຕະລາຍ ຮ້າຍແຮງຂຶ້ນນັບມື້.

ໃນຄວາມເປັນຈິງແລ້ວບໍ່ສະເພາະແຕ່ຮຽກຮ້ອງໃຫ້ບັນດາປະເທດຕ່າງໆໃນທົ່ວໂລກເຂົ້າຮ່ວມສົງຄາມຕ້ານຂ່າວປອມເທົ່ານັ້ນ ແຕ່ຫາກຍັງແມ່ນໜ້າທີ່ ແລະ ຄວາມຮັບຜິດຊອບຂອງບັນດາອົງການສື່ມວນຊົນຕ່າງໆອີກດ້ວຍ.

ທຸກມື້ນີ້ຂ່າວປອມໄດ້ແຜ່ຂະຫຍາຍອອກໄປທົ່ວໂລກ. ທັງເປັນການໃສ່ຮ້າຍປ້າຍສີ ຫຼື ປອມແປງຂ່າວທຳລາຍລະບອບ ແລະ ຄວາມໝັ້ນຄົງຂອງຊາດ, ມັນສ້າງຜົນກະທົບຢ່າງຮ້າຍແຮງຕໍ່ເສດຖະກິດ, ວັດທະນະທຳ, ສັງຄົມຂອງຊາດຕ່າງໆ. ດັ່ງນັ້ນການຕ້ານຂ່າວປອມຈຶ່ງເປັນພັນທະໜ້າທີ່ ແລະ ຄວາມຮັບຜິດຊອບຂອງທຸກປະເທດໃນໂລກ ແລະ ສື່ມວນຊົນຂອງທຸກຂະແໜງການ.

ຜ່ານການສຳຫຼວດຂອງສະຖາບັນຫາງສຽງ(Gallup) ແລະ ກອງທຶນອັດສະວິນ (Kinht Foundation) ຂອງສະຫະລັດໃຫ້ຮູ້ວ່າປະຊາຊົນ 65% ໄດ້ໃຫ້ຄຳເຫັນວ່າ: ຂ່າວສານທີ່ເຂົາບໍລິໂພກສ່ວນນັ້ນ ສ່ວນໃຫ່ຍແມ່ນບໍ່ມີຄວາມຈິງ ຫຼື ເປັນຂ່າວບິດເບືອນ. ເມື່ອເວົ້າເຖິງຜົນຮ້ມັນ, ທ່ານ D. Patrikarakos ໃຫ້ຮູ້ຕື່ມວ່າ: ຂ່າວປອມໄດ້ກາຍເປັນການໂຄສະນາແບບຊວນເຊື່ອພວກເຂົາ, ເຂົາພະຍາຍາມເຮັດໃຫ້ບັນຫາສົນລະວົນບໍ່ຈະແຈ້ງ, ພະຍາຍາມສ້າງຄວາມຫຼົງເຊື່ອໃຫ້ຜູ້ອື່ນຫຼາຍເທົ່າໃດຍິ່ງເປັນການດີ ເພື່ອໃຫ້ສັງຄົມຮັບຮູ້ຄວາມຈິງໜ້ອຍລົງຄື:   ເມື່ອທ້າຍເດືອນ 11/2017 ໄດ້ມີກອງປະຊຸມສຳມະນາສາກົນກ່ຽວກັບຫົວຂໍ້: “ຜົນຮ້າຍຂອງຂ່າວປອມຕໍ່ກັບຄວາມໝັ້ນຄົງຂອງຊາດເຊິ່ງໄດ້ມີສຳມະນາກອນມາມາຈຳນວນຫຼາຍທີ່ຈາກທະວີບເອີຣົບ, ອາຊີ, ອາເມລິກາ ແລະ ການາດາ…ໄດ້ສະຫຼຸບວ່າ: “ຂ່າວປອມໄດ້ເບື່ອເມົາສັງຄົມ, ເປັນໄພຂົ່ມຂູ່ໂດຍຕົງຕໍ່ການພັດທະນາປະເທດຊາດ ແລະ ສິດສະເໝີພາບທາງສັງຄົມ” ແລະ ສິ່ງທີ່ຄວນເອົາໃຈໃສ່ທີ່ສຸດໃນດັ່ງກ່າວ ແມ່ນຄຳຖະແຫຼງຂອງຄະນະກຳມະການເພື່ອຄວາມປອດໄພທາງຂ່າວສານຂອງການາດາທີ່ມີຫົວຂໍ້ວ່າ: “ຕ້ານກັບຂ່າວປອມຕ້ອງໄດ້ຮ່ວມແຮງກັນເຮັດຢ່າງບໍ່ມີພົມແດນ” ແລະ ກ່າວອີກວ່າ: “ການຫັນເປັນສາກົນ ແລະ ຄວາມໄວຂອງຂ່າວສານອິນເຕີເນັດ ແລະ ຂອງເຄືອຂ່າຍສັງຄົມອື່ນໆ ໂດຍສະເພາະແມ່ນ ເຟສບຸກ ແລະ ທະວິດເຕີ ໄດ້ເພີ່ມຄວາມອັນຕະລາຍຂອງຂ່າວປອມຫຼາຍຂຶ້ນ. ຄວາມຮັບຜິດຊອບຂອງສື່ມວນຊົນ, ສຳນັກຂ່າວຕ່າງໆ ໃນຖານະເປັນຜູ້ຮັບປະກັນຄຸນນະພາບຂອງສື່ສານມວນຊົນນັ້ນຖືກເສື່ອມຄຸນນະພາບລົງຢ່າງຮ້າຍແຮງ, ຂ່າວສານໜັງສືພິມຕ່າງໆໄດ້ຈົມຢູ່ໃຕ້ຂໍ້ມູນຂ່າວສານຂອງບຸກຄົນ, ຂອງອົງການຈັດຕັ້ງທີ່ມີຊື່ລັບແຕກຕ່າງກັນ. ແຕ່ສ່ວນຫຼາຍແມ່ນຂ່າວປອມ ຫຼື ຂ່າວທີ່ປະສົມປະສານກັນລະຫ່ວາງຂ່າວຈິງ ແລະ ຂ່າວບໍ່ຈິງ”.

ບັນດານັກຊ່ຽວຊານໄດ້ເອກະພາບກັນວ່າ: “ບໍ່ມີວິທີການອື່ນໃດເພື່ອແກ້ໄຂບັນຫາຂ່າວປອມທີ່ນອກຈາກ ວິທີການເພີ່ມທະວີບົດບາດຂອງຂ່າວສານໜັງສືພິມ, ທາງການໃຫ້ຫຼາຍຂຶ້ນ, ການກວດກາຂ່າວທີ່ໄດ້ຮັບໃຫ້ລະອຽດ, ປັບປຸງເຕັກນິກໃນການກະຈ່າຍຂໍ້ມູນຂ່າວສານທີ່ເປັນປະໂຫຍດ ແລະ ການຍົກສູງຄວາມຮັບຮູ້ຂອງປະຊາຊົນເພື່ອຈຳແນກຂ່າວແທ້ຂ່າວປອມນັ້ນມັນມີບົດບາດສຳຄັນ ແລະ ຄວນໄດ້ຮັບການຮ່ວມມືຈາກທຸກພາກສ່ວນ. ທຸກຊາດຄວນສ້າງຂໍ້ກຳນົດຕ້ານຂ່າວປອມຂຶ້ນມາເປັນຂອງຕົນເອງ ແລະ ບັນດາປະເທດຕ່າງໆຕ້ອງໄດ້ພ້ອມພຽງຮຽງໜ້າກັນສ້າງກົດບັດສາກົນເພື່ອຕ້ານກັບຂ່າວປອມ”.

ຄວາມພະຍາຍາມຕ້ານກັບຂ່າວປອມທີ່ພວມເພີ່ມຂຶ້ນ ແລະ ສັບສົນນັ້ນ ໄດ້ສ້າງຂໍ້ຂັດແຍ່ງທາງດ້ານການເມືອງ ໃຫ້ເກີດ ລັດທິປະຊານິຍົມ ຖືກຜັນຂະຫຍາຍຢ່າງໄວວາຢູ່ຫຼາຍປະເທດ. ຫ່ວາງມໍ່ໆມານີ້, ຄືວັນທີ 5-12, ສະຫະພາບເອີຣົບໄດ້ປະກາດຢ່າງເປັນທາງການລະບົບຕ້ານກັບຂ່າວປອມ (APAD) ເພື່ອຊ່ວຍບັນດາປະເທດສະມາຊິກດ້ວຍກັນເປັນເຈົ້າການ  ເຕືອນສະຕິກັນກ່ອນຈະຮັບເອົາຂໍ້ມູນທີ່ຄາດເຄື່ອນ. APAD ຄາດວ່າ ຈະໄດ້ສ້າງຕັ້ງຂຶ້ນຢ່າງເປັນທາງການໃນເດືອນ 3/2019 ເຊີ່ງມີໜ້າທີ່ແບ່ງປັນຂໍ້ມູນ, ວິເຄາະການໂຄສະນາ, ພ້ອມດຽວກັນນັ້ນກໍເຮັດໜ້າທີ່ປະສານສົມທົບ, ແລກປ່ຽນຂໍ້ມູນຂ່າວສານ ລະຫວ່າງສະມາຊິກໃນກຸ່ມເພື່ອພ້ອມກັນຮັບມືກັບສະພາບປ່ອຍຂ່າວປອມທີ່ບໍ່ມີມູນຄວາມຈິງອອກມາ ທັງເປັນການຍົກສູງສະຕິຂອງກຸ່ມ.

ວິທີການດັ່ງກ່າວນີ້ຖືກຕີລາຄາວ່າມັນແມ່ນການກະທຳທີ່ດີຂອງບັນດາປະຊາຊາດທີ່ຂຶ້ນກັບສະຫະພາຍເອີຣົບຕໍ່ກັບຂ່າວປອມ. ກ່ອນໜ້ານັ້ນ, ວັນທີ 2/4/2018 ໄດ້ມີການເຜີຍແຜ່ກົດຕ້ານຂ່າວປອມຂອງສາກົນ, ລັດຖະບານມາເລເຊຍເປັນປະເທດທຳອິດໃນໂລກທີ່ນຳໃຊ້ກົດດັ່ງກ່າວກ່ອນໝູ່. ກົດດັ່ງກ່າວໄດ້ໃຫ້ຄວາມໝາຍຂອງຂ່າວປອມວ່າ: “ແມ່ນຂ່າວທີ່ຜິດຈາກຄວາມເປັນຈິງເຄິ່ງໜື່ງ ຫຼື ຜິດທັງໝົດ, ຂໍ້ມູນຂ່າວສານ ແລະ ບົດລາຍງານ  ເປັນຮູບແບບເອກະສານ, ຮູບພາບ, ສຽງ ຫຼື ຈະຢູ່ໃນຮູບການໃດກໍດີທີ່ມີຄວາມສາມາດສ້າງກະແສແນວຄິດໄດ້ ເອີ້ນວ່າຂ່າວປອມ”. ກົດດັ່ງກ່າວຖືກນຳໃຊ້ຢູ່ໃນທຸກສື່ສັງຄົມ, ບັນດາ blog ແລະ ອອນລາຍ, ກໍເຊັ່ນດຽວກັນ, ພວກເອກະຊົນ, ການຈັດຕັ້ງຢູ່ໃນ ແລະ ນອກປະເທດຂອງມາເລເຊຍ, ຖ້າຫາກມີພືດຕິກຳຕອບສະໜອງຂໍ້ມູນປອມທີ່ມີການພົວພັນເຖິງຄວາມລັບຂອງຊາດ ຫຼື ປະຊາຊົນມາເລເຊຍຈະຖືກລົງໂທດຢ່າງໜັກ.

- lattana 1 - ຄວາມຮັບຜິດຊອບຂອງສື່ມວນຊົນໃນການເຂົ້າຮ່ວມສົງຄາມຕ້ານຂ່າວປອມ

ຄວາມຈິງແລ້ວ, ຂ່າວປອມບໍ່ແມ່ນບັນຫາໃໝ່ ແຕ່ເມື່ອເຖິງເວລາມີການປາກົດຕົວຂອງບັນດາສື່ສັງຄົມອອນລາຍແລ້ວມັນ ຈຶ່ງໄດ້ລະບາດຂຶ້ນໄປທົ່ວທັງໂລກ ກຳລັງທຳລາຍລ້າງຢ່າງເປັນໜ້າຢ້ານກົວ.

ດັ່ງນັ້ນ, ຈຶ່ງບໍ່ແປກຫຍັງທີ່ບັນດາປະເທດອອກມາຕ້ານກັບສື່ສັງຄົມອອນລາຍ ແລະ ມີຄວາມຮັບຜິດຊອບຊ່ວຍກັນໃນການຄວບຄຸມຂ່າວ. ຍ້ອນໄດ້ຮັບການຜັກດັນຢ່າງແຂງແຮງຈາກບັນດາປະເທດໃນໂລກ, ເຟສບຸກ, ທະວິດເຕີ, ໂມຢີລາ…ຈຶ່ງຍອມຮັບກ່ຽວກັບຂ່າວປອມໃນສື່ຕ່າງໆທີ່ເຂົາສ້າງຂຶ້ນ, ພ້ອມດຽວກັນນັ້ນກໍມີວິທີການເພື່ອສະກັດກັ້ນໜ້າເຟສເຫຼົ່ານັ້ນ.

ເດືອນ 9/2018 ເຟສບຸກ ໄດ້ສ້າງຕັ້ງຫ້ອງການພິເສດຂຶ້ນທີ່ມີຊື່ວ່າ “War Room” ຕັ້ງຢູ່ຮ່ອມພູ ilicon (ສະຫະລັດ) ມີໜ້າທີ່ສະກັດກັ້ນການນຳໃຊ້ສື່ສັງຄົມຕ່າງໆ ໄປຫຍຸ້ງກ່ຽວກັບການເລືອກຕັ້ງຂອງປະເທດຕ່າງໆໂດຍຜ່ານການແຜ່ຂະຫຍາຍຂ່າວປອມອອກໄປ. APAD, EU ກໍໄດ້ອອກມາຮຽກຮ້ອງໃຫ້ບັນດາໜ້າສື່ຕ່າງໆຕ້ອງໃຫ້ຄຳໝັ້ນສັນຍາ ຕໍ່ການອອກຂ່າວໃຫ້ມີຄວາມຊື່ຕົງ ແລະ ສຸດຈະລິດ, ສະກັດກັ້ນຂ່າວປອມແປງ ແລະ ປະສານສົມທົບກັບບັນດາອົງການຈັດຕັ້ງກ່ຽວຂ້ອງ ກຳນົດທິດທາງຕ້ານກັບການອອກຂ່າວປອມ.

ນັບຕັ້ງແຕ່ເດືອນ 1 ຫາ ເດືອນ 5/2019ນີ້, ບັນດາສຳນັກຂ່າວຫຼັກຕ້ອງມີຄວາມຮັບຜິດຊອບລາຍງານຜົນຂອງການປະຕິບັດບັນດາຄຳຮຽກຮ້ອງຂອງຄະນະກຳມະການເອີຣົບ  ເປັນແຕ່ລະເດືອນ. ຖ້າສະຖາບັນຫຼັກໃດຫາກບໍ່ປະຕິບັດຕາມຄຳໝັ້ນສັນຍາທີ່ໃຫ້ໄວ້ຈະຖືກປະຕິບັດວິໄນຢ່າງເຂັ້ມງວດ.

ການໃຫ້ຂ່າວທີ່ຖືກຕ້ອງແມ່ນບໍ່ທັນພຽງພໍເທື່ອ, ນັກຂ່າວຕ້ອງມີໜ້າທີ່ເປີດໜ້າກາກ ແລະ ດັບມອດຂ່າວປອມ ແລະ ຂ່າວບິດເບືອນ, ເພີ່ມທະວີຕອບສະໜອງຂ່າວທີ່ສະອາດໃຫ້ແກ່ປະຊາຊົນ, ຈຳກັດພວກສວຍໂອກາດເບື່ອເມົາປະຊາຊົນ. ເພື່ອເປັນການເສີມຂະຫຍາຍບົດບາດຂອງໜັງສືພິມໃນການເຂົ້າຮ່ວມສົງຄາມຕ້ານຂ່າວປອມນັ້ນ ຈະບໍ່ມີສິ່ງໃດດີກ່ວາການເພີ່ມທະວີຄວາມແຂງແຮງຂອງຂ່າວສານທີ່ຖືກຕ້ອງວ່ອງໄວ ແລະ ບໍລິສຸດ, ຊັດເຈນ. ໃນ ເຂົ້າໃຈເຖິງທາດແທ້ຂອງຂ່າວປອມແລ້ວ, ປະຊາຊົນກໍຈະຫັນໄປເພິ່ງຂໍ້ມູນຂ່າວສານທີ່ເຂົາມີຄວາມສົນໃຈຫຼາຍຂຶ້ນ.

—————————

error: Content is protected !!